Bagea Kang Dudi...kumaha damang kaulanun? wartosna nuju "napakeun" garapan ? Mangga lajeungkeun...Kasuhun, aya waktos mah dina sela-selana, pamugi heunteu petot ngalongokan ieu milist. Hatur nuhun, tutungkusan anu ieu katampi ku asta kalih. Numbu catur bari noongan ku panemu luang ti anu sanes, anu parantos ngantosan di barisan payun, urang pulungan buahna bae da nyakitu, lebet kana programmingna mah urang teh, khususna sorangan, tuna pisan ku kaayaan. Numutkeun Al Gozhali dina "Al Ihya", pikeun anu tos darugi mah, anu disebut "nyawa, otak jeung hate (malah ditambihan ku : "jiwa") teh nya eta-eta keneh, anu sohor ku istilah "roh" tea. Rupina, pikeun aranjeunna, 4A teh tos aya dina lebet rohna, hetana, jiwana, oge pangaweruhna. Kukituna, nganjang ka alam pageto atawa balik ka alam tukang, pikeun aranjeuna mah tos teu aya pamengan naon-naon, da buleudanana parantos siga jalan ka cai, kakurilingan unggal waktu. Oge pikeun aranjeunna, tos teu aya deui bebedaan antara agama atawa jero madzhab-madzhab dina hiji agama. Da nyakitu, syare'atna tos dilakonan, tarekatna salawasna dicumponan, atuh hakekatna nya sami kasaksian, da ari hakekat mah tunggal tea. Tarekat anu teu kudu pabentar paham pikeun sadaya manusa teh, numutkeun kasauran ahli tasawuf, anu jejer ageungna mah bawiraos dina sadaya jalan oge sami, nyaeta anu 3 tea: ngosongkeun, ngahias, sareng ebreh (takholli, tahalli, sareng tajalli: dina huruf arab, huruf awal ieu tilu nkecap wangunna sami, mung benten panambih titik sareng tempatna titik: "kho" (dina "takholli"), "ha" (dina "tahalli", sareng "jim" dina "tajalli"). Ngosongkeun, dina harti ngosongkeun diri tina laku dosa, tegesna meresihan heula hate (kalebet midamelan kawajiban anu poko). Ngahias dilakukeun sanggeus hate/diri beresih, ku rupa-rupa amalan sunnah atawa added value. Ari ebreh atawa tajalli mah implikasi langsung upama diri geus beresih jeung dihiasan ku laku anu kayungyun, anu heunteu sadaya manusa tiasa ngalakukeunana. Laku ngosongkeun, kalan-kalan kacida pikaseunggaheunana, sabab siga jalan anu nanjak netek tur rumpil. Geuningan....."naha kunaon anjeun heunteu nyorang jalan anu nanjak netek tur rumpil?", "naha anjeun heunteu eungeuh kana jalan anu nanjak netek tur rumpil"?, "(eta) ngabebaskeun panindesan (perbudakan), atawa maparinanan kadaharan dina mangsa kalaparan ka budak yatim kulawadet atawa golongan anu mariskin anu pohara fakirna tea"...jst (Al Balad). Ngiberan, yen "baldatun thoyibatun..." anu diarep-arep teh moal kahontal masing kalah ka kumaha bae oge upama ieu jalan anu netek tur rumpil teh heunteu disorang. Laku "ngosongkeun" ngabejaan, yen satiap agama, awalna kudu dimimitian ku "heunteu". "Heunteu aya Pangeran, anging Alloh", "heunteu arek nyorang atawa nyekel agama upama agama teh ukur dijadikeun alat", "heunteu arek ngahias heula ku rupa-rupa laku sunnah atawa anu keur ngatop di masyarakat, upama hal-hal pokok (anu netek tur rumpil tea) teu acan dilakonan (komo upama beaya keur hal eta teh kudu beunang ngorood hak anu lian mah",..jst. Ceuk dina sunnah, upama ngahias tos dilakonan...kalawan tangtu samemehna geus beberesih heula, mangka...."Panonna, nya panon Kami, pangrunguna nya pangrungu Kami, panangana nya panangan Kami, sampeana nya sampean Kami...". Atuh nya tangtu bae 4A teh kaideran sadayana, iraha bae sakahayangna. Teu rek kitu kumaha, da hamba teh ayeuna mah geus jadi co-creator. Pon kitu deui da geus tajalli tea akhirna....alias gunung egona geus serah bongkokan, ngajelegur bitu, sujud payuneun anu hak mibanda ego, sakumaha geus ancurna pasir Tursina waktos tajalli-Na di dinya....ngalambangkeun egona Musa wawakil kamanusaan sagemblengna anu sumerah di payuneun Maha Agung, nya co-creator teh tos kumerot....hoyong mulang ka asalna. Teu matak heran, upama aranjeunna mah terang kana iraha waktuna mulang. (diri jadi kasindirian, pajar cenah hayang mulang, tapi geuning teu apal waktuna mulang. Leuheung ari ukur teu apal waktuna, da masih keneh aya kahayang mulang. Ari ieu, dalah mulang teh teu dipiharep, da masih betah tea). Kukituna, nya meureun antara pangaweruh jeung panyakseni kana 4A jeung apal kana waktu mulang, sakurang-kurangna mikahayang mulang, eta teh kacida raketna. Nya eta tea, tandana anu nyangking agama, agama naon bae formalna mah. Siga di US, apan aya elmu tilem sareng ngahiyang. Peupeujeuh, ngahiyang teh lain elmu akon-akon ti anu eleh, tapi nyata, pangaweruh anu universal, aya dina satiap agama, upama kahomntal mah. Tapi oge, aya pancen-pancen anu tinangtu, anu matak sababaraha jiwa heunteu milih mulang ayeuna-ayeuna ieu sanajan geus apal carana. Atawa, anu geus tarepi teh baralik deui (diantarana: tilem), oge naritis deui (ari netes mah geus ilahar, kajaba upama heunteu narikah). Sakumaha pedaranana juragan Shadra dina 4 lalampahan jiwa. Pamimpin anu sajati, kudu balik deui kana kahirupan anu ilahar pikeun ngaheuyeuk manusa, milampah jalan anu kungsi disorangna....jalan patepungna anu keur ngumbara ka asalna, atawa jalan ngaleupaskeun anu kahengker ku kurungna tea. Ngan, balikna deui kana kailharana teh kudu disorang sanggeus lalampahan jiwa anu kaopat kahontal kalawan disarengan ku anu nugaskeunana. Jadi heunteu matak ngarandeg kahirupan, atawa teu kudu nyepikeun diri...da lalampahan jiwa anu kaopat mah nya bari prak tea sagulung-sagalang jeung kalolobaan, nyumput di nu caang atawa "sabuni-bunina tatapa eta tatapa di nu caang" atawa "ikhfaul zuhdi" tea. Nya kitu tea, nyorang jalan anu netek tur rumpil, diantarana. Cag heula. Ningan beurat ari ukur nepikeun beja mah, rumasa tacan ngalakonan. Jeung deui, bisi jauh teuing ngacaprukna. Baktosna, manAR
dudi <[EMAIL PROTECTED]> wrote: Haturan Kang Maman, Kang Hasan, Kang Oman oge baraya sadayana...., Kaleresan sim kuring gaduh hanca koredeun sakedik dikebon janten dinten sabtu ieu tiasa nempoan baraya di lebak cawene tea. Perkawis 4A tea pangemut sim kuring mah mangrupi dasar tina hirup kumargi didinya pisan urang aya jeung diayakeun, didieu elmu hirup teh dibedakeun jadi 2 (dua) nyatanya ayana "diri urang" tiasa individu, kulawargi, komunitas (sapertos kumunitas sunda), tiasa lembaga/organisasi, nagara jrrd. Ieu manawi anu kasebet dunya alit teh, sateu acan urang ngokolakeunana urang kedah wanoh heula kana diri urang sorangan boh salaku individu atanapi komunitas. Candak bae contona diri urang sorangan, dina diri urang aya instrumen naon bae atuh anu tiasa dikokolakeun ngarah urang tiasa survive (tingkat dasar hirup). Wassalam. dudi_ss ----- Original Message ----- From: Kang Maman To: [email protected] Sent: Friday, March 18, 2005 3:51 PM Subject: Re: [kisunda] Alam Alit Alam Ageung (A4) =>B U K U pro Kang Dudi S.S. --- dudi <[EMAIL PROTECTED]> wrote: > Posting tadi ti Kang Maman mah > raraosan loncat langsung kana conto Alam Ageung, > janten teu ka teureuy eung... he... he... Raos luncat langsung ti nu Alam Ageung Kang Dudi, margi kitu syareatna urang hirup teh dinu A Ageung. [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups SponsorADVERTISEMENT --------------------------------- Yahoo! Groups Links To visit your group on the web, go to: http://groups.yahoo.com/group/kisunda/ To unsubscribe from this group, send an email to: [EMAIL PROTECTED] Your use of Yahoo! Groups is subject to the Yahoo! Terms of Service. --------------------------------- Do you Yahoo!? Make Yahoo! your home page [Non-text portions of this message have been removed] PENTING..! attachment akan dihapus & tidak diteruskan kepada seluruh member. dilarang beriklan. pelanggaran atas peraturan ini akan dikenai sanksi berupa pencabutan membership. terutama bagi pengguna ms outlook/outlook express, dihimbau untuk selalu mengupdate antivirusnya. Yahoo! Groups Links <*> To visit your group on the web, go to: http://groups.yahoo.com/group/kisunda/ <*> To unsubscribe from this group, send an email to: [EMAIL PROTECTED] <*> Your use of Yahoo! Groups is subject to: http://docs.yahoo.com/info/terms/
