Saroja
Ti Wikipédia, énsiklopédia bébas basa Sunda
(http://su.wikipedia.org/wiki/Saroja)
?Saroja
Nelumbo nucifera
Klasifikasi ilmiah
Kingdom: Plantae
Divisi: Magnoliophyta
Kelas: Magnoliopsida
Ordo: Proteales
Famili: Nelumbonaceae
Génus: Nelumbo
Spésiés: N. nucifera
Ngaran binomial
Nelumbo nucifera
Gaertn.
Saroja (Nelumbo nucifera Gaertn) nyaéta spésiés tutuwuhan cai ti genus Nelumbo
(taraté) anu asalna ti India. Di Indonésia, tutuwuhan ieu ogé mindeng disebut
taraté anu sabenerna mangrupakeun genus Nymphaea. Saroja kungsi dipikawanoh
kalawan ngaran binomial Nelumbium speciosum (Willd.) atawa Nymphaea nelumbo.
Gagangna ngawangun silinder anu kosong di tengahna pikeun jalan ngaliwat hawa.
Daunna aya dina beungeut cai, kaluar tina gagang anu asalna tina akar anu aya
dina jero leutak atawa dadampar balong, walungan atawa ranca. Luhur ieu
tutuwuhan kira-kira hiji méter nepi ka hiji satengah méter.
Daunna tumuwuh ka luhur, luhureun beungeutcai. Daun ngawangun bunderan tanpa
potongan, rérégéan di bagian sisi, kalawan urat daun nu ngariung ka tengah
daun. Garis tengah daun bisa ngahontal 60 cm. Beungeut daun ngandung lapisan
lilin sahingga cai anu murag kana beungeut daun ngabentuk buleudan cai.
Kembangna boga garis tengah nepi ka 20 cm, boga warna bodas beresih, konéng
atawa kayas, kaluar tina gagang anu kuat nyongcolang di luhureun beungeut cai.
Kembang mekar dina bulan Juli nepi ka Agustus.
Aya sawatara rupa kultivar pikeun saroja jeung wangun sarta warna kembang anu
rupa-rupa. Taraté (genus Nelumbo) mangrupakeun lambang nagara India.
Daptar eusi
* 1 Mangpaat
* 2 Téknik melak
* 3 Sajarah
* 4 Tempo ogé
* 5 Rujukan
* 6 Tumbu ka luar
Mangpaat
Kembang saroja éndah ditempo sahingga réa dipaké minangka panghias balong di
taman-taman. Akarna ngeunah didahar sarta réa dipaké dina asakan Jepang, asakan
Tionghoa, sarta asakan India. Akar anu didahar atah bisa jadi sumber népana
parasit Trematoda.
Sikina beunghar ku tipung sahingga bisa didahar atawa dikokolakeun jadi bahan
kadaharan. Siki anu dikulub, dilemeskeun sarta dicampur gula jadi eusi kuéh
bulan anu didahar dina Festival Pertengahan Musim Gugur (Mooncake festival). Di
Tiongkok, siki anu masih ngora diinum minangka gaganti entéh. Bongkol anu
barolong kawas kandang nyiruan dijual dina bentuk garing minangka palengkep
dina seni ngararangkén kembang garing.
Daunna rubak sahingga mindeng dipaké minangka pamungkus, utamana pamungkus lauk
di pasar tradisional saméméh pamakéan kantong palastik jadi populer.
Téknik melak
Seroja (Nelumbo nucifera)
Pepelakan bisa tmuwuh tina siki anu geus kolot atawa akar. Saroja bisa dipelak
dina pot nu eusina taneuh leutak anu caian.
Sajarah
Di jaman Mesir kuno, seroja kapanggih tumuwuh babarengan jeung taraté spésiés
Nymphaea caerulea di sisi walungan Nil. Bangsa Mesir jaman Firaun pohara
ngamuliakeun tangkal saroja, ku kituna kembang, buah, sarta daunna dijadikeun
motif dina arsitektur candi. Ti Mesir, saroja dibawa ka Assiria sarta sumebar
ka Pérsia, India, sarta Tiongkok. Dina taun 1787, Sir Joseph Banks mawa saroja
ka Éropa Kulon pikeun dipelak dina jero imah kaca di kebon raya
Tempo ogé
* Taraté
Rujukan
* (en) The Sacred Lotus (Nelumbo nucifera)
* (en) Plant Cultures: botany, history and uses of sacred lotus
* (en) Lotus: From a Pond to a Palace Dome ku Prof. P.C. Jain sarta Dr
Daljeet.
* (en) Pacific Island Ecosystems: Nelumbo nucifera
Tumbu ka luar
* (id) Lotus, Kembang Suci anu Éndah Menjulang
