Punten Ah...
Ngomentaran Seratan Kang Idjuna Djati, perkawis Ajaran Islam cenah
Ajaran Deungeun. Bener kituna mah meureun lamun eta "Islam"
dihartikeun sacara heureut. Ngan kieu, kuring ti keur budak nepi ka
kiwari lamun nanya ka Ajengan atawa Kyai, perkara "Ari Nabi-nabi
sateuacan Muhammad naon Agamana?!" Eta ku sadaya Ajengan teh
dijawabna pasti "Islam". Jadi ana kitu mah harti Islam teh atuh
luas, anu saur Kang Eddy Nugraha tea mah (kuring satuju pisan) yen
Islam teh nya Aslamtu atawa Sumerah tea. Jadi sing saha anu Sumerah
ka Yang Murbeng Alam eta kasebatna Islam, da geuning Nabi-nabi
sateuacan Muhammad ge (anu sacara sareat teu nganggo Sareat Islam
Muhammad) disebatkeunana Islam. Janten naha bade ajaran Sunda, bade
ajaran naon oge anu samangsa "Sumerah", nya Islam tea panginten.
Bilih pondok nyogok panjang nyugak, hapunten anu kasuhun.
Cag.
--- Idjuna Djati wrote:
>
> Sampurasun baraya sadaya..
> Nepangkeun..wasta kuring Djati Sumawidjaja, padumukan kuring di
wewengkon Karanggantungan di basisir Galunggung..kuring geus
aki2..taun hareup umur kuring sawidak punjul sanga
> Hampura ti ayeuna bisi kuring goreng basa, rumasa teu ngasaan
bangku sakola
> Kuring anyaran pisan asup kana ieu milis, di papaksa ku incu ieu
ge..
> Kuring ngarasa hemeng..majar teh milis sunda..da ngarana ge
KISUNDA..na ari anahoreng ngabahas ajran2 deungeun?
> jaba eta deuih..punten..sagawayah pisan ngotektrak ajaran sunda
digalokeun jeung ajaran deungeun? make nyebut Sunda = Nur? ceuk saha
eta teh? pek bae ari ceuk sorangananeun mah..pek bae ari ngartikeun
keur sadirieun mah...ngan kumaha mun urang Islam teu narima? kumaha
mun urang Sunda teu narima?
> Teu bisa kitu neangan ajaran indung ku carana sorangan? neangan
Islam ku cara Islamna? tangtuna ge boga cara sewang-sewangan, keun
bae aya atawa loba nu sarua mah..da duanana ge ngajarkeun bebeneran,
ngan neang teh kudu ku cara sewang-sewangan...
> "neang jeung hayang meunang sunda teh kudu Islam"...CEUK SAHA ETA
TEH? heueuh pek bae ari keur soranganeun mah...ngan mangkahade..teu
kabeh urg Islam panuju..teu kabeh urang Sunda panuju...GAGABAH teuing
jalu...GAGABAH teuing...
> kawas nu Karuhun urang teh kacida bodo teu boga pileumpangan nu
luyu jeung urang Sunda? make mun hayang nyunda kudu nenag make ajaran
deungeun? teu apal kana sajarah urang? teu apal kana sajarah Islam
asup? cik lenyepan deui....
> teu kaharti ku kuring mah..nu rumasa bodo..aki2 nu teu sakola2
acan..
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[EMAIL PROTECTED]
mailto:[EMAIL PROTECTED]
<*> To unsubscribe from this group, send an email to:
[EMAIL PROTECTED]
<*> Your use of Yahoo! Groups is subject to:
http://docs.yahoo.com/info/terms/
