> "ua duq" <dudi.herlia...@...> wrote:
> malah aya nu ngahartikeun, khinzir teh ukur daging babi heuheu
> jadi mun aya emih nu ukur make minyak babi: halal alias meunang
> didahar :))
Hehehehe ...eta mah alesan nu beuki emih make minyak babi, Kang Dud.
Ari kuring mah kungsi maca di hiji millis (duka heureuy, duka
serieus), cenah nu haram teh babi ari bagong mah henteu, dasar .....
Tapi lamun dipikir-pikir deui, ieu masalahna perkara basa (bahasa)
nu dipake di hiji lingkungan. Cenah dina Basa Arab aya puluhan kecap
keur sato Onta atawa Korma nu nunjukkeun kumaha Onta jeung korma
penting pisan keur kahirupan urang Arab. Hal nu sarua dina Basa
Sunda kumaha pentingna pare tepi ka kecap nu nunjuk kana hakaneun
poko ieu loba pisan. Tangkalna pare, sikina bangsal (=gabah), geus
dibersihkan tina kulitna jadi beas. Tapi lamun geus diasakan robah
jadi sangu, leupeut, lontong. Padahal dina Basa Inggris mah pan
cukup we sakecap, "rice".
Sato nu deukeut jeung kahirupan urang Sunda oge henteu cukup
sakecap. Aya Hayam, aya pitik (anak Hayam) jeung cangehgar (hayam
leuweung). Umpama di urang sunda aya larangan kieu: " Teu meunang
ngadahar pitik". Tangtuna oge nu teu meunang didahar teh anak hayam,
lain hayam nu geus gede. Tapi aya kecap nu beda tapi nunjuk ka sato
nu sarua: Kebo jeung munding, sapi jeung lembu .......
Balik deui ka perkara kecap Al Khinzir. Nu jadi patarosan teh naha
dina Basa Arab aya kecap-kecap sejen nu nunjukkeun sato Babi.
Contona lamun anak Babi disebut naon, atawa aya kecap sejen keur
bagong (babi leuweung). (Dina Basa Inggris Babi bisa pig, boar, hog
atawa swine). Tah lamun dina Basa Arab ngan aya sakecap, Al Khinzir
wungkul, ieu hartina Urang Arab sabenerna "teu deukeut" jeung sato
nu aranna babi.
Dina Wikipedia, aya peta nu nunjukkeun dimana wae habibat babi di
Dunya. Singhoreng Tanah Arab mah lain habibat babi. Babi teu bisa
hirup di sagara keusik siga di Arab, sabab sato ieu perlu cai loba
(resep guyang). Jadi? Kamungkinan gede urang Arab samemeh Islam
lahir, ukur nyaho aranna wungkul ari jungkiringna babi mah teu
nyaho. Lir Ibarat urang Sunda jaman baheula, nyaho aya sato aranna
singa, tapi teu nyaho singa teh siga kumaha, da puguh teu aya Singa
di Pulo Jawa.
Babi dilarang didahar sigana nuluykeun larangan ti agama-agama
samawi samemehna. Larangan ieu teu jadi masalah da puguh teu aya
babi nu hirup di tanah Arab, boh bagong atawa babi piaraan. Lain
deui lamun larangan ieu di Cina atawa di Eropa (oge di urang). Ieu
bisa jadi masalah gede sabab babi kaasup sato piaraan penting keur
masyarakat dinya. Di Indonesia oge, aya etnik-etnik nu hobby pisan
miara babi, komo di masyarakat terasing mah: Nu disebut beunghar
teh diukur ku lobana babi kaboga manehna. Tanggtu bakal hese pisan
nyebarkeun agama Islam ka masyrakat model kieu mah .....
Geus ah ngacaprukna, tapi ieu contona lamun akal "dipabaliutkeun"
jeung kayakinan ...hahahahaha
Baktos,
WALUYA
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
mailto:[email protected]
mailto:[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
