Ari ceuk kuring mah, kedah ditingkatkeun deui cara ngamumule basa sunda ku media online/internet sareng media audio visual. Ngarah narik minat para siswa, kumaha upama ngadamel video pelajaran basa Sunda, para pemerana teh bangsa deungeun. Model dina video eta teh diantarana para tokoh selebritis, ilmuwan, kang Mikihiro urang Jepang, urang Walanda (Edwin Juriens, anu kungsi nulis buku migransi urang Sunda). Atuh lokasina oge entong di Indonesia, tapi di nagri deungeun. Waragadna mahal? Pastilah. Tapi dampakna/pangaruhna beda upama ngan sakadar jadi buku.
Video ieu dibagi-bagikeun ka sakola (Sd?SMP/SMA sa Jawa Barat), jadi video instruksional, minangka gaganti buku cetak. Buku Keom Sakedapna Kang Syam ridwan, jadi buku pelajaran dina migunakeun basa Sunda kiwari. Tibatan anggaran danana dikorupsi ku oknum Dinas Pendidikan, mending ngabeungharkeun urang KUSnet. Milis Urangsunda atawa kisunda (milis basa Sunda anu paling rame sajagat) , jadi hiji alat pikeun ngamaherkeun basa Sunda para siswa. Sing saha para siswa anu sok sering cheting di milis eta, nilai palajaran basa sundana tujuh. Anu sok sering ngiirim cerpen atawa puisi dina basa sunda, peunteunna dalapan di rapor. Atuh para moderatorna oge kedah digaji ngarah rajin nitenan & ngariksa eusi milis. Soal-soal ulangan atawa tugas-tugas pelajaran basa sunda ditangkodkeun dina milis ieu. Jiga upama perkara ieu diusulkeun ka pamarentah provinsi Jawa Barat, kira-kirana bakal ditedunan heunteu nya? Upama diusulkeun ka Rektor Unpad mah, pasti disaluyuan. Perkara ieu ngahaja diwacanakeun di dieu, kapangaruhan ku carita anak kuring anu kamari sakolan pindah ka SMP di wewengkon Jakarta Selatan. Kamari teh aya guruna anu ngabewarakeun ka para siswana, cenah juragan guru eta teh mere tugas ka para muridna make emil. Nya kitu oge para muridna dina ngajawab tugas-tugas ti juragan guru ngaliwatan imil guruna. Jadi sakabeh muridna teh dibejaan imil jeung password guru eta. Darajat barudak sakola SMP, ngalaksanakeun tugas-tugas palajaran ngaliwatan internet, hebat pisan! baktos, mrachmatrawyani ________________________________ From: Ki Hasan <[email protected]> To: Ki Sunda <[email protected]> Cc: Baraya Sunda <[email protected]>; Urang Sunda <[email protected]> Sent: Wed, July 13, 2011 9:06:55 PM Subject: [kisunda] "Rekomendasi" Kongres Bahasa Sunda IX? Dina serelek di handap, aya 7 rekomendasi salaku hasil KBS IX kamari, nu ditujukeun ka rupa-rupa instansi. Mun para pamilon KBS geus sukses ngahasilkeun rekomendasi, ayeuna kira-kirana aya teu "rekomendasi" ti para tukang noong di Internet, pakait jeung kongres tea. Cing dina raraga "lauk buruk milu jadi tarasi" eh "lauk buruk milu mijah", rekomendasi naon kira-kirana nu masih perlu ditambahkeun kana eta nu 7 tea. Bari ngadagoan rekomendasi ti nu sejen, uing rek ngalungkeun sababaraha "rekomendasi" ka paguron umum nu aya di Tatar Sunda: 1. Rekomendai keur UPI Di FPBS UPI aya sababaraha jurusan, toong di handap, aya nu aneh dina cara mere ngaran jurusanana. Aya jurusan Bahasa Inggris, Jerman, Arab, Jepang, Prancis, jeung Bahasa jeung Sastra Indonesia. Palebah "Jurusan/Program Studi Pendidikan Bahasa Daerah" kaciri teu teges ngarannna. Hadena sing teges we mere ngaran teh, jiga jurusan sejen, ngarah kaciri identitasna. Kaduana eta widang ukur mangrupa Program Studi. Leuwih hade misalna mun jadi "Jurusan Pendidikan Bahasa Sunda" atawa "Jurusan Pendidikan Bahasa jeung Sastra Sunda". Alesanana, mun bahasa teh nuduhkeun ka bangsa/seler/etnis, pan nu lain mah jelas. Bahasa Arab misalna, ngarujuk kana bahasana urang Arab. Ari "Bahasa Daerah" ngarujuk ka bangsa naon? Na aya kitu "Bangsa Daerah", "Seler Daerah", atawa "Etnis Daerah". Masing nepi ka dugul ge jigana moal kungsi aya nya. Hehehe. FPBS UPI Jurusan Pendidikan Bahasa dan Sastra Indonesia Jurusan/Program Studi Pendidikan Bahasa Daerah Jurusan Pendidikan Bahasa Inggris Jurusan Pendidikan Bahasa Jerman Jurusan Pendidikan Bahasa Arab Jurusan Pendidikan Bahasa Jepang Jurusan Pendidikan Bahasa Prancis Sumber: http://fpbs.upi.edu 2. Rekomendasi keur UI Di FIB UI ge jiga di UPI, aya sababaraha jurusan bahasa, jiga dina berendelan di handap. Nu anehna, najan UI teh ayana di Tatar Sunda, tapi euweuh Program Studi Sastra Sunda. Nu aya malah Program Studi Sastra Jawa. Tangtu leuwih merenah jeung tumaninah, mun di UI aya Program Studi Sastra Dunda. FIB UI Program Studi Arab Program Studi Bahasa dan Kebudayaan Korea Program Studi Belanda Program Studi Cina Program Studi Inggris Program Studi Jepang Program Studi Jerman Program Studi Prancis Program Studi Rusia Program Studi Sastra Daerah/Jawa Program Studi Sastra Indonesia Sumber: http://www.fib.ui.ac.id/ Ari di UNPAD mah ngaranna geus teges, Jurusan Sastra Sunda, jadi teu aya "rekomendasi". Hehehe. .
