Efri dan sagalo adidunsanak jo anak kamanakan, Indak ado kamus di duya ko nan entrinya multidialek, dek susah manyusunnyo (barangkali). Kalau sagalo kosakata dari tiok dialek ka dijadikan entri, tantu bisa, tapi penjelasan etimologinyo musti dicantumkan. Iko nan sangaik sulik, dek apo nan disabuik dalam linguistik "daerah bahaso", indak awak kuasoi. Indak ado dialek Minangkabau nan melingkupi seluruh daerah administratif pamarentahan. Ambiak contoh: Pikumbuah, atau nak labiah laweh, Kab. 50 Kota. Di daerah Pua Data, Kototinggi dan sakitarnyo (dsk) punyo dialek nan babeda jo Suliki, Danguang-danguang dsk. Kasadonyo punyo dialek nan balain pulo jo dialek nan dipakai urang di kota Pikumbuah dsk. Kalau ditaruihan arah ka Agam manuju Baso, Piladang dsk lah balain pulo. Alun pulo dialek di daerah perbatasan antaro dialek "gadang" nan dalam lingusitik dinamokan "dialect boundary", co dialek Batusangka dsk, nan mungkin peralihan dari dialek agam dan 50 Kota. Urang Gurun, Sungai Tarab, punyo dialek nan sangaik balain dari dialek urang Simawang. Urang Sungai Pua pasti tahu sangaik bahaso dialek Sungai Pua sangaik jauah balain dari dialek Banuhampu. Tanyoanlah ka Bandaro nan montir lauik tu. Baliau pasti mangatokan: "Manuruk ambo, lauk tu pangka iduk manusia." Di Galuang, salah satu titiak perbatasan Sungai Pua jo Banuhampu, kami mangecekan: "Manuruik ambo, lauik tu pangka iduik". Pailah ka Batu Palano, Sungai Buluah, Batagak, lah balain pulo dialeknyo. Taruihanlah sampai ka Maninjau, Lubuak Basuang, dan daerah administratif lain. Mungkin ribuan banyaknyo dialek bahaso Minang.
Nah, lai ka takamehi ko? mak Sati ----- Original Message ----- From: "Efri Safitra" <[EMAIL PROTECTED]> To: "Syamsir Alam" <[EMAIL PROTECTED]>; <[EMAIL PROTECTED]> Sent: Wednesday, August 04, 2004 9:26 AM Subject: RE: [EMAIL PROTECTED] USAO MANYUSUN KAMUS MINANG Mamak ambo mak Sati, Tarimokasih ateh pencerahannyo mak, kok ambo iyo indak ahli dibidang iko mak, mungkin bana kecek mamak batanyo ka nan ahlinyo. Nan ambo takuikan dek diambiak ciek dialek sajo, apo urang nan bukan barasa dari daerah itu lai kamangarati, ciek lai alun tantu suatu kato ado padanannyo didaerah lain, kalau baitu tantu kosa kato awak akan bakurang. Manuruik mamak baa caronyo untuk solusi masalahko. Sakitu tukuak tambahnyo dari ambo mak, talabiah takurang ambo minta maaf Efri36 Rang gaduik tilatang kamang -----Original Message----- From: Syamsir Alam [mailto:[EMAIL PROTECTED] Sent: Wednesday, August 04, 2004 6:28 AM To: [EMAIL PROTECTED] Subject: Re: [EMAIL PROTECTED] USAO MANYUSUN KAMUS MINANG Kamanakan ambo Efri, Indak ado salahnyo awak supakaiki dialek ma nan ka dipakai untuak manyusun entri. Partamo, daftar kato ko mungkin untuak samantaro untuak konsumsi awak samo awak sajo, dan nan kaduo, manantian kesepakatan legal dari ahli bahaso Minang dari satu forum resmi rasonyo co mananti kambiang ka mandi. Namun baitu, daulu, kutiko kami mambahas mato pelajaran kurikulum muatan lokal "Budaya Alam Minangkabau" dalam rapek-rapek dan seminar nan diadokan dek Tim Perekayasa Kurikulum, Kanwil Depdikbud Sumbar (waktu tu ambo jadi pangulu pucuaknyo), disupakaiki, untuak samantaro, nan dianggap bahaso Minang standar adolah bahaso Minang nan dipakai dek penutur asli bahaso Minang dalam komunikasi antar penutur berbagai dialek di kota Padang. Ambo pasti indak ka mamakai dialek Sungai Pua kalau ambo maota jo kawan nan barasa dari Suliki, Lintau, Piaman, dsb. Ambo nan lah badomisili di Padang salamo 31 tahun, walaupun indak khusus jadi pengamat akademik, maliek, memang ado sejenis dialek nan khusus dipakai dek penutur asli bahaso Minang nan indak masuak ka dialek daerah lain, bukan juo dialek Padang asli, co nan dipakai dek penutur asli dari daerah Pauah, Kuranji, Kototangah, dsb. mak Sati Kok iyo laluan, kok ukan tukai. mak Sati ________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
