Assalamu'alaikum wr.wb.,
Di kampuang ambo nan ketek, Koto Tuo Balai Gurah di Ampek Angkek, nan jumlah rumah di kasakampuanganno (jorong sabanano) labiah kurang 150 buah, ado limo suku di sinan (koto, guci, tanjuang, piliang jo simabua), lai ado bedo 'logaik' antaro nan di ilia jo nan di mudiak, nan di puun jo nan di ujuang. Ah, masak sih? Iyo bana. Dima asa bedono? Diantarono dek pangaruah bahaso bako.
Contohno;
Ado nan mangecek-an kian, kiun, ciun, keen untuak mangecek-an 'kesana'.
Ado nan mangecek-an kinyak, ka niak, kanyiak, kamari untuak 'kesini'.
Katiko ketek-ketek saisuak, katiko musim pakansi, dunsanak-dunsanak abih pulang dari rantau dakekno, dari Padang, dari Pariaman, dari Pikumbuah, dari Lubuak Sikapiang, kalua dilalek 'rantau' mareka masiang-masiang.
'Galie wee mah. Aden ka baranti,' kecek nan surang (dari Piaman) katiko indak kasato lai main.
'Kok ka baranti tagaklah ang sinan,' jawek nan dari kampuang.
'Apoolo d'ang. Apo cek ang ko,' kecek nan dari Padang.
'Ontah, 'dak obeh di den nan dimukasuiknyo,' 'jano' nak rang Pikumbuah.
Kan iyo banyak ragamno bahaso awaktu sabanano.
Wassalamu'alaikum wr.wb.,
Lembang Alam
Syamsir Alam <[EMAIL PROTECTED]> wrote:
Efri dan sagalo adidunsanak jo anak kamanakan,
Indak ado kamus di duya ko nan entrinya multidialek, dek susah manyusunnyo
(barangkali). Kalau sagalo kosakata dari tiok dialek ka dijadikan entri,
tantu bisa, tapi penjelasan etimologinyo musti dicantumkan. Iko nan sangaik
sulik, dek apo nan disabuik dalam linguistik "daerah bahaso", indak awak
kuasoi.
Do you Yahoo!?
Yahoo! Mail - 50x more storage than other providers!
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
