Sanak Yulmizar, Saluik ambo jo gaya sanak tu: "Tingganyo sajo nan di Amrik, tapi realitasnyo labiah udik daripado urang Sungai Antuan. Kalau io sanak tingga di amrik, lai co caro kito urang tu mangatasi perbedaan pandapek?".
Babeda pandapek adolah rahmat, dan itu ambo bukan indak manyukoi perbedaan pandapek, cuma ambo indak suko jo caro kasa urang-urang nan mangaku tau jo Islam, tapi sabananyo maancuan Islam tu dari dalam (sanak juo mangecek an itu), apolai jo urang nan mancimeehan Islam. Babeda pandapek itu, sakali lai adolah rahmat, tapi mancimeehan agamo, itu soal lain. Sia nan maanggap baso sado nan babau Arab tu adolah Islami (atau mungkin pancaliak an sanak nan bantuak itu), atau kalau urang tuo nan batanyo ka calon minantunyo dima karajo, apo titel: Apo itu salah? Jiko sanak punyo anak gadih, ka sanak agiahan sa ka urang nan sanak indak kenal dan indak tau a karajonyo? Jiko agamamu bagimu, agamaku bagiku, yo sudahlah, indak usah lah mamparsoalkan agama tu lai, pabia se lah urang tu jo agamanyo, buya pun sanak, atau atheis pun sanak, sia ka peduli? Tapi indak usahlah urang-urang di ajak sato. Sapanjang itu membahas sesuatu, walau berakhir pado perbedaan pandapek, manga ka indak, tapi indak usahlah mancimeehan agamo urang tu. Untuak Sanak Wady, atau Af Ambo indak tau, apokah itu memang sekadar ota sanak, atau ado tujuan lain, ambo indak tau (tapi nan jaleh ambo khusnudzon), taruih tarang ambo indak suko jo gaya sanak nan mempersoalkan atau takesan mampaolok-olok agama tu--lapeh itu ota atau keadaan nan sabananyo. Sabananyo banyak nan ka ambo tanyoan ka sanak tu mandanga sanak tu dari Tiaka Guguak. 18 tahun nan lalu, malam ari satalah manyabarang batang Namang, biasonyo ambo acok mancari baluik ka Tiaka tu jo suluah Stromking dari Guguak. Walau ambo asli Taeh Bukik, tapi lai lamo juo ambo di Guguak tu. Kawan ambo Apri, Af (ambo indak tau apo Af nan kini), Ety, dan ciek lai nan balapau di simpang balai desa (lupo), dan nan lainnyo, tapi lah lamo putuih komunikasi, cuma dek gaya sanak nan kurang sreg di ambo tu, tapaso ambo indak jadi bakomunikasi jo sanak. Wassalam, Jon 35 USA On Fri, 17 Sep 2004 18:00:30 +0700, Yulmizar <[EMAIL PROTECTED]> wrote: > FYI, ambo alah ma-agiah tando kutip pado kato 'mambuek'. Kok indak > barado indak tampuo basarang randah, do. --> sanak batua ---salanjuiknyo dikuduang--- -- Nofrijon Sofyan Materials Research and Education Center 202 Ross Hall Auburn University, AL 36849 USA Phone: +1-334-844-3366 Fax: +1-334-844-3400 http://www.nofrijon.net ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
