Soto pulolah ambo manyolo, tagalitik ambo dek komentar sanak/Uda/Mamak Yulmizar ko.
Jiko manuruik sanak Yulmizar, Wady manyindia nagari awak nan kini dikatoan munapiak, bararti sasuai sanak Yulmizar jo pamikiran sekalian ajakan Wady tu, baso dek urang nan mangaku ba agamo lah saliang bunuah, lalu elok picayo baso Tuhan itu ndak ado? Kurang nyambuang nampaknyo di ambo pamikiran nan bagaya baitu, manuruik ambo apo nan disampaian Wady tu bukanlah manyindia caro haluih, tapi ajakan kasa. Ba a ka indak kasa, dicacek dulu baso Islam tu agamo import, indak konsisten, dst, dst, lalu ujuang-ujuangnyo mangecek an indak ba- Tuhan tu labiah rancak... Baso ado thread nan indak ditanggapi, atau email rancak nan indak ditanggapi, apokah itu berarti urang nan indak managgapi diaanggap indak bersahabat? Atau dek sabab kasombongan? Su'udzon dalam Islam adolah doso (tolong nan labiah tau mungkin bisa mambantu). Ambo pribadi, banyak email nan ambo baco, indak ambo tanggapi dek ambo maraso itu rancak dan ambo pahami, untuak a ambo tanggapi lai? Kecuali nan ambo maraso paralu, bantuak nan kini ambo post untuak mananggapi ide nan manuruik ambo paralu dipadebatkan. Lah ampia panuah inbox ambo dek manyimpan email-email rancak tu, dan satau ambo alun panah ambo mancaliak gala lai dari nan posting di siko, kecuali ciek dari sanak Wady nan bagala S.Sn Jiko kini manusia dengan sifat dan nafsunya yang serakah babuek keonaran, lalu nan awak salahan dek sebab manusia itu ba agamo tertentu? Jiko kini Arab Saudi, tampek dima dulu Islam turun, barado di bawah pengaruh Amerika, lalu nan kito salahan Islam-nya? Jiko suatu saat urang Minangkabau, nan tarkenal dengan adat istiadatnya 'nan ndak lakang dek paneh', berbuat kerusakan atau keonaran, lalu kito ka manyalahan adat isitiadat itu? Jiko suatu saat urang-urang nan babuek kaonaran dan kerusakan mengaku dari agamo tertentu, lalu kita membuat justifikasi bahwa Tuhan itu sebenarnya tidak ada? Batua baso lah banyak tajadi panyimpangan-panyimpangan, nan mangaku buya pun lah masuak kandang situmbin dek mancilok piti rakyat, batua sipaik individualistik kini lah umum, batua banyak urang nan mangaku Islam lah jauah dari Islamnyo, lalu apokah kito ka mangikuti pulo? Ka maikuti pulo baso dek urang lah banyak nan jauah dari ajaran Islam, lalu rancaklah awak indak ba-Tuhan? Sakileh ambo manangkok apo nan disampaian sanak/Uda/Mamak Yulmizar taraso naive di ambo? Wassalam dan banyak maaf, Jon 35 USA On Tue, 14 Sep 2004 07:20:24 +0700, Yulmizar <[EMAIL PROTECTED]> wrote: > Manyolo pulo ambo saketek yo, Doens. > > Manuruik ambo, apo nan disampaikan Wady tu adolah pancaliakan dari dunia > nan ado kini, khususnyo awak sabagai urang minang. Cari kasanyo, Wady > manyindia kito jo caro haluih baso kito ko bangso nan munapiak. Suku nan > munapiak. ----dikuduang--- > Sabalun manjelo-jelo kian kamari, elok ambo sudahi dulu. Sakian komentar > panjang ambo. > Titip salam ambo ka Simon S. Lantiak > Tabik. > > Yulmizar GBs -- Nofrijon Sofyan Materials Research and Education Center 202 Ross Hall Auburn University, AL 36849 USA Phone: +1-334-844-3366 Fax: +1-334-844-3400 http://www.nofrijon.net ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
