Assalamu'alaikum wr.wb., Kalau iyo sabana ngari angkau, syukurlah. Rancak du itu. Sabab iyo mangarikan urusan-urusan dalam agamo Islam ko. Kalau indak mangarikan untuak di duniako, mangarikan untuak di akhiraik nanti.
Kito awali dari fungsi kahadiran manusia di ateh bumi Allah ko, yoitu untuak mangabdi kapado Allah. 'Wamaa khalaqtul jinni wal insaana illaa liya'buduuni' (Tidaklah Aku ciptakan jin dan manusia melainkan untuk mengabdi kepadaKu), firman Allah. Mangabdi kapado Allah, manyambah kapado Allah, mamatuhi paraturan-paraturan Allah, manjauhi larangan-larangan Allah, itulah tugas manusia di ateh bumi Allah ko. Dan Allah tunjuak-an caro-caro mangabdi tu, caro-caro manyambah Allah tu. Allah adokan paraturan-paraturan, Allah adokan larangan-larangan, kasadoanno untuak dipatuhi dek manusia, dek jin. Satiok kabajikan, satiok kapatuhan satiok pangabdian nan sasuai jo nan diparintah Allah akan dihadiahi isuak di akhiraik jo kanikmatan. Satiok kaingkaran, satiok doso, satiok katidak patuhan, satiok olok-olok taradok agamo Allah, nan kalau indak talakik mintak ampun kapado Allah, di akhiraik isuak akan diagiah hukuman, dek Allah. Nikmat-nikmat itu adolah karidhaan Allah di akhiraik itu isuak, dan dimasuakkan Allah kadalam sarugo Allah, bakakalan disinan. Samantaro hukuman tu adolah murka Allah dan dimasuakkan Allah ka dalam narako nan banyalo-nyalo. Baa mangko urang nan ma-inokan agamo Allah, nan mampaolok-olokkan agamo Allah, nan mampaolok-olokkan firman Allah, nan mampaolok-olokkan rasul Allah di ancam jo hukuman sarupo itu di ateh dunia ko. Jo hukuman nan mangarikan tu? Sampai dipancuang, di bunuah? Sabab urang-urang sarupo itu adolah panyakik nan mambusuakkan agamo Islam. Nan kalau dipabiakan, akan manular ka nan lain, nan bisa marusak ka umaik Islam nan banyak. Urang-urang sarupo itu, mulo-mulo harus diagiah paringatan. Ditunjuak diajai. Tapi kalau alah indak bisa lai diajai, kalau tatap juo dalam kakafiran nan tatap mampaolok-olokkan agamo Allah, mako jadi halal darahno. Kejam? Iyo kejam kalau ka dikecekkan kejam. Samolah jo ibaraik anggota tubuah nan alah sakik. Dicubo maubeki. Dicarikan panawa, tapi kalau alah indak talok diubek lai, batambah juo maruyakno, tapasolah di amputasi, untuak mamaliharo bagian tubuah nan lain. Baitulah dasar pamikiranno. Kalaupun dek hukum indak bajalan, dek urang tu kaba taradok hukum, mako ancaman nan ka ditarimono isuak di akhiraik jauah labiah mangarikan. Indak usahlah dibayangkan hukuman nan angkau baco di komik daulu itu, nan mangarikan sangaik tu, nan memang manuruik katarangan Allah akan sarupo itu labiah kurang. Bayangkan sajo sakik gigi, atau sakik bisua nan kamalatuih nan sakik bukan alang kapalang, dan sakikno tu bakatarusan indak baranti-ranti, lai ka lanteh angan? Bisua mungkin saari duo, sakik gigi mungkin saari duo, tapi nan itu nanti salamo-lamono. Jo sakik nan ditambah jo samakin sakik. Rancak itu di bayangkan bara ka ngarino. Tapi kok iyo lai lanteh angan, monggo, silahkan. Kapado manusia ko alah diingekkan, untuak manampuah jalan nan alah ditunjuk-an Allah. 'Faimmaa ya' tiyannakum minnii hudan, famantabi'a hudaaya falaa khaufun 'alaihim walaa hum yahzanuun. Wallatziina kafaruu wakatztzabuu biaayaatinaa, ulaaika ash-haabunnaari, hum fihaa khaaliduun.'' (Manakala datang petunjukKu kepadamu, maka siapa yang mengikuti petunjuk-Ku itu, niscaya ia tidak merasa takut dan tidak pula merasa sedih. Dan orang-orang yang kafir dan mendustakan ayat-ayat Kami, mereka menjadi penghuni neraka dan kekal di dalamnya.) Siksaan nan mangarikan itu adolah haq, pasti. Hukuman Allah itu adolah haq, pasti. Kapicayo atau ka indak tasarah, tapi janji Allah itu indak main-main bagai doh. Nan faham sarato yakin jo ancaman itu katiko di duniako adolah urang-urang nan mangikuti pitunjuak Allah. Walaupun ado ancaman sarupo itu, bagi mareka justru manjadi paringatan untuak bahati-hati, untuak barusaho sungguah-sungguah mamatuhi aturan-aturan Allah. Mudah-mudahan tabukak juo hati angkau ka pitunjuak Allah. Wassalamu'alaikum wr.wb., Lembang Alam ----- Original Message ----- From: Wady Afriadi <[EMAIL PROTECTED]> To: <[EMAIL PROTECTED]> Sent: Sunday, October 10, 2004 10:19 PM Subject: [EMAIL PROTECTED] Bila Pak Guru Online... juo baru > Quotes of the day of Pak Guru Online: > > ==== > >Keras ? ya keras bagi yang menghina !, dan dihalalkan dibunuh ! > >Jadi parkaro ini tidak perlu dikaji ulang, kalau dikaji ulang berarti kita > >memeperbaharui pula agama kita, direvisi pula hadist-hadist dan Al-Qur'an. > >sedang Allah sendiri telah menyempurnakan agama Islam ini seperti firman > >Allah yang terakhir kali turun. silahkanlah dilihat dan pelajari lagi ! > ==== > > Iyo batambah kangarian ambo dinyo... > > Di dalam lubuk hati Pak Guru Online memendam sesuatu yang sangat mengerikan... > Sepertinya Pak Guru Online tidak akan pandang bulu terhadap orang kafir. > Bahkan terhadap darah dagingnya sendiri mungkin. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
