Zulfikri <[EMAIL PROTECTED]> wrote:
AssMahasiswa asal Indonesia yang tersebar di Universitas Singapura, dicuciotak
dengan pemikiran kapitalis. Jika mereka menduduki jabatan penting,
penyelenggaraan pemerintahan jauh dari semangat kebangsaan
Assalamu'alaikum wr. wb.
Niniak mamak alim ulama cadiak pandai, ambo ingin saketek urun rembug tantangan
pernyataan dari Rektor UGM nantun, ambo bukan dalam kapasitas satuju atau tidak setuju
dengan pernyataan bpk Rektor Yth tsb.
Nan jadi pertanyaan ambo mungkin paralu dijalehan apo nan baliau mukasuik-an dengan
kapitalis ? Apo bedono dengan is-is nan lain saroman komunis, pancasilais, agamis,
atheis dll mungkin indak tamasuak Dewis walaupun baliau ko alumni UGM dan apo pulo nan
dimukasik baliau dengan semangat kebangsaan.
Kalau awak caliak penyelenggara negara awak mulai dari zaman Soekarno sampai zaman
Yudhoyono bara urang diantara mereka nan lulusan kandang singo, bara urang mereka nan
lulusan Berkeley dan Uni2 jo Uda2 takamuko lainno baiak di dalam dan lua nagari.
Apokah negara awak salamoko alah gemah ripah loh jinawi, toto tentrem kerto raharjo,
padi masak jaguang maupiah, antimun mangarang jantuang dibawah kepepimpinan mereka,
indak ado lai kapitalis dan sumangaik kebangsaanno sangaik tinggi. BUMN awak alah
manjadi lumbuang pitiah nan mansejahterakan rakyat, bukan Badan Usaha Marugikan
Negara???
Ambo kiro masalah cuci utak indak hanyo dilakukan oleh rajo singo, tapi juo dilakukan
oleh mamak sam, inyiak utiah, mak endek juo tamasuak uni2 dan uda2 di nagari awak.
Pernyataan baliau ko ambo anggap sebagai early warning, karano memang di kandang singo
ko sasuai jo pantun.
dahulu rabab nan batangkai
kini lagundi nan babungo
dahulu adat nan bapakai
kini pitih nan paguno
Masyarakaik disiko sangaik istiqamah tujuanno hanyo satu duit, money, uang, pitih,
rimih, benggo dan sagalo turunan sarato derivatno. Ada uang abang sayang ndak ado uang
bakiroklah ka rumah rang gaek ang. Kalau awak caliak sumbayang no sangaik jaleh , hai
antu bulau agiah lah den pitih, tabuaklah nomor bete den, dlsb. sahinggo siang malam
patang jo pagi mereka bakuhampeh mancari pitih. Apakah di Indonesia beda???
Talabiah takurang ambo mohon ma'af, kok talantuang kanaiak, tasingguang ka turun ridha
jo ma'af ambo pinto samoga amal ibadah kito salamo bulan puaso dan bulan bulan
salajuikno ditarimo oleh Allah swt.
Mamak2 dunsanak kasadono, insya Allah salapeh hari rayo ko ambo ka pulang ka Banten jo
Padang, kalau Allah maizinkan mungkin kito bisa batamu muko.
wassalam
Junaidi Malin Basa (38), kandang singo
---------------------------------
Do you Yahoo!?
Check out the new Yahoo! Front Page. www.yahoo.com/a
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
