Maa Angku Zul Amry,
Ambo cubo mengkilik sumber foto musajik tu tapi indak mangkuih. Dima salahnyo?
Dahulu hampia ampek puluah tahun nan lalu, 1958, ambo alah mangililiangi
marancah nagari-nagari sakitar Solok ka salingkanyo, tapi indak sampai ka
nan dakek-dakek kota doh. Karano Kota lah diduduki tantara pusek. Solok nan
ambo begai wakatu itu, jaleh tabayang sampai kini, muloi dari Sulik Aia
(baciramah di Musajik), Tanjuang Balik, Sibarambang, manurun ka Lumindai,
malereng ka Sungai Lasi, malinteh jalan koretapi jo labuah gadang
mancirupuih taruih ka Sirukam. Istirahat di sinan, nagari rancak dan
sajuak. Mukasuik taruih Bukik Garabak ka Abai, tapi ado halangan babelok ka
Gunuang Talang (baranti dan istirahat di Aia Angek, tapi dingin), Talang
(baciramah si Musajik), bubar ijok ka Batu Kuali manyaksikan parang
penghadangan konpoi di ateh Cupak (Kubu?) lah dakek ka Aia Sirah banyak
Rumah Gadang nan dibaka tantara pusek, masih tabayang jaleh di ambo api jo
asok gadangnyo). Sudah tu baliak ka Cupak, taruih ka Gantuang Ciri
(Istirahat sinan) , Panyinggahan, Saningbaka (baciramah di Musajik), bubar
dikaja tantara pusek, mancirupuih ka Singkarak, naiak ka Haripan, baliak ka
Tanjuang Balik, rabah lo bandera sinan, baliak ka Lintau, taruih baliak ka
Kototinggi.
Kalau sakilo dari terminal, jadi Sawok Laweh ko adolah nagari nan lah
masuak kota Solok tu yo? Kok ado peta Kabubaten Solok, tolong barikan ambo
websitenyo atau kok ado takumapua di simpanan pribadi tolongattachkan ka
email ambo. Karano, nagari-nagari nan dakek sekita Kota solok tu kurang
jaleh dek MakNgah. Kota Solok sandiri lah dicaliak dan dibegai dari sekitar
bukik-bukiknyo 360 darajat. Tarimo kasih banyak.
Pamilihan Umum 1955 tu MakNgah lah sato mancucuak.
Salam,
--MakNgah
At 07:54 PM 5/28/2005 -0700, zul amri wrote:
Assalamualaikum wr.wb:
Dan phisik mesjid Ashriah tersebut saat ini telah dibangun dua tingkat ,
lengkap dengan TPA serta kantor koperasi simpin Negari Saok Lawas . Bagi
sanak Rantaunet yang pernah pulang basamo dengan mobil pribadi , maka satu
kilo sebelum terminal Bareh Solok dari arah Sawahlunto / Sijunjuang
sebelah kanan bisa menyaksikan mesjid tersebut . Demikianlah sekelumit
kisah tentang cikal bakal Masjid Ashriah dikenegarian Saok Laweh semoga
ada manfaatnya . Kok sanak nak mancaliak foto tantang kondisi Masjid
Ashriah kini cubo buka :
http://community.webshots.com/scripts/editPhotos.fcgi?action=viewall&albumID=196666378
Wassalam : Zul Amry Piliang di jimbaran bali
--
Internal Virus Database is out-of-date.
Checked by AVG Anti-Virus.
Version: 7.0.300 / Virus Database: 266.11.5 - Release Date: 5/4/2005
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
