Assalamu'alaikum.w.
.... kito sambuang agak saketek pulo.....
Baitulah sakiknyo mati ko. Tu sababnyo kito handaknyo
selalu badoa ka Allah swt.
"Allahumma hawwin 'alaina fi sakharaatil mauut"
Supayo diringankan katiko sakratul maut tu
Ado bunyi ayat,
.... wan naziati gharqaaa...
(Nyiak, Mak Ngah,...nan iko ayat surek an-Naazi'aat)
Dan demi malaikat mencabut nyawa orang kafir itu
dengan keras
Nyo rangguikkan dek malaikat, kok istilah awak nyo,
nyo elo jaee an sajo dek malaikat, baralah ka sakiknyo
tu....
wan nasithati nasthaa..
Dan demi malaikat mencabut nyawa orang beriman itu
dengan lembut
..
Nan lai lambuik pun sakik juo.....
Ingek katiko Nabi Muhammad saw. katacabuik nyao nyo.
Katiko tu Jibril ado didakek Nabi. Katiko malaikat
Izrail mancabuik nyao Nabi, Jibril indak maliek ka
Nabi doh. Aa kato Nabi pulo
Wahai Jibril sampai hati engkau tidak memandang muka
aku wahai Jibril
Jawek jibril,
.yaa rasulullah, tak sampai hati aku
melihat wajahmu ketika hendak
tercabut nyawamu yaa Rasulullah
Wahai Jibril, sakit mati ini wahai Jibril,
.wahai
Jibril sakit mati ini wahai Jibril.
Allahumma a-inni ala ghamaratil maut
Ya Allah tolonglah aku waktu menghadapi mabuknya mati
ini.
Inna lil mauti sakharat
(hadits nan iko tapaso dicarikan dulu nyiak,
lupo lataknyo dima, baitu juo hadits dibawah ko)
Sesungguhnya mati itu memang ada mabuknya.
Itu sababnyo Ummul mu'minin Aisyah ra. mangatokan
Memang aku tidak cemburu melihat orang yang senang
matinya, karena rasulullah pun payah matinya.
Sakik mati tu, Nabi sampai maambiak aia dalam mangkuak
untuak manyapu muko baliau, manandokan sakiknyo mati
tu. Sampai Nabi mamohon doa ka Allah swt
Yaa Allah kumpulkan seluruh sakitnya mati ini dari
ummatku biar aku tanggung sendiri
Dapek tuan-tuan bayangkan sarupo itu bana sayang Nabi
ka awak-awak ko, Bialah nyo tangguang surang sakiknyo
mati tu. Tapi doa ko indak dikabuakan dek Allah swt.
do.
Jadi awak ka manangguang sakiknyo mati tu nantik
surang-surang. Baa rasonyo ndak jaleh.
Dan sayang indak ado urang mati, sudah tu nyo babaliak
baliak mancaritokan baa sakiknyo mati tu.
Kok adolah nan sarupo itu, mungkin musajik-musajik
panuah, indak cukuik satingkek, 25 tingkek pun ndak
cukuik musajik doh. Saratuih tingkekpun alun cukuik
lai. Kok ado nan baliak baliak dari mati tu.
.... Kito balaik baliak, wakatu ka mati tu.....
Roh naiak dari kaki sampai ka dado, sanak sudaro lah
datang....lah nyo resek kaki...
... Lah dingin ma... lah dingin ko maa...
aratinyo roh lah naiak ka ateh, naiak ka paruik. Lalu
ado suaro manyuruah baranti di situ. Katiko tu taubat
masih ditarimo. Selagi roh alun sampai ka
jakun-jakun...dan masih maajan angok
... ngggh ... ngggh...nggghh...ngghhh
..
Keadaan takah iko adoh nan sampai 4 hari 5 hari.
...ngggh
.ngghhh... ndak jadi mati...nggghh
nggghhh...
Kemungkinan ko ado ilimu nan nyo pakai
Kok lah tibo di jakun,....
"Kal-la idzaa balaghatit tharaaqi,
wa qiila man raaqa".
(Iko kok ndak salah surek Al-Qiyamah ko nyiak, mulai
dari ayat 26)
Apabila nyawa sudah sampai di halkum, siapakah
yang bisa menyembuhkan sakitnya ?.
Wa zhan-na an-nahul fi raaqa.
Ia pun yakin akan berpisah dengan dunia ini.
wal tafatis saaqu bis saaqu.
Bertautlah betis kiri dan betis kanan.
Itu sababnyo urang mati, kalau mailia aia matonyo,
atau kariang bibianyo atau bapaluah kaniangnyo, tando
rahmat alah turun. Bilo diliek kalua aia matonyo,
tandonyo malu basuo jo Allah taala, bapaluah kaniang,
kariang bibia, manunjuakkan malu.
Tapi bilo babuiah muluiknyo, atau mandangkua
bantuak jawi kanai dabiah, atau merah padam mukonyo,
tandonyo azab lah turun.
Iko tando-tando, jan tuan-tuan pandai-pandai pulo
mangecek mambuek kesimpulan ka urang. Dek mancaliak
mandangkua, merah padam muko, bakecekkan pulo
... sansai..., abis... sah ko.. narako ko mah
..
Jaan..., jan dibuek pulo takah itu...heboh urang beko.
Itu hanyo tando-tando. Itu sababnyo kalau ado nampak
dek awak urang-urang alim mancaliak, inyo
manggeleangkan kapalo saorang-sorang inyo. Inyo tahu
tando azab lah turun. Tapi awak alun tau lai, jan
dibuek pulo.
Banyak kisah tantang baa roh di alam barzah ko.
Pernah suatu katiko Nabi saw. melewati duo kuburan.
Untonyo raso-raso ka jatuah, dan Nabipun ampia jatuah.
Kecek Nabi pulo, kaduo urang ko sadang disiksa dek
malaikat. Kalau tuan-tuan tahu apo nan ambo tahu.
Unto nabi ampia jatuah, sabab binatang-binatang
mandanga.
Wakatu kito baok jenazah ka kubua.
Kok urang nan lai beramal, keceknyo pulo,
..... Basugirolah ... basugirolah ...
(Capeklah
capeklah)
Tapi kok urang nan indak baamal,
....Kama ambo kadibaok kama....kama ambo kadibaok...
(dalam urusan ko ambo sendiri masih punyo tando tanyo
ko, roh nan mangecek atau jasad, sabab jasad lah ndak
bisa manga-manga lai, samantaro roh lah diambiak dek
izrail, apoko carito bahaso roh tu masih mangiriangi
jasad sampai di latakkan di liang lahat tu batua ?,
iko kanai cari hadits-hadits nan lain).....
Tapi suaroko indak tadanga dek manusia dan jin.
Binatang-binatang nan mandanga. Kalau sakironyo
tadanga dek urang.... Tadanga dek nan mamikua
karando....
Tantu taampeh karando tu
.Nyo kumbuik lari dek urang
....... lah panjang pulo....barisuak kito
sambuang....
Wabillahil hidayah wat taufiq
Wassalamu'laikum warahmatullah
St. Sinaro
____________________________________________________
Start your day with Yahoo! - make it your home page
http://www.yahoo.com/r/hs
Website http://www.rantaunet.org
_____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
