Assalamualaikum w.w. Lai buliah ambo manyalo ? Pabincangan manganai harato pusako iko sangaik sehat, karano apopun kasimpulan nan akan kalua dari pabincangan ko akan ikuik manantukan apo Minangkabau bisa maju ka muko apo akan taruih jalan di tampek. Baa juo, masalah harato pusako iko marupokan salah satu masalah sentral dalam iduik urang Minang, karano itu rancak rumusannyo kito finalkan, kalau dapek masuak ka dalam rumusan Kompilasi Hukum ABS SBK nan ambo usulkan dulu antaro lain ka Ananda Rahima. Ado babarapo hal nan tapikia dek ambo manganai soal harato pusako iko: 1) Basamoan jo sibuknyo pambicaraan tantang harato pusako nan alah ado, baa kok kito imbangi jo topik lain nan indak kalah pantiangnyo, yaitu 'manaruko' mambuek HPT baru, karano bara juo banyaknyo harato pusako tu, kalau dibagi dan digadaikan taruih lamo-lamo pasti habih; 2) apo alah ado catatan bara kini harato pusako tu nan masih tingga di tiok kaum jo suku, sasudah malalui proses manjua jo manggadai salamo iko ?; 3) mungkin ndak pangaratian 'harato pusako' tu dipamodern, misalnyo mambuek yayasan nan assetnyo manjadi samacam HPT bagi suatu kaum atau suku ?; 4) apo hukumannyo kalau baliau-baliau nan haruihnyo mamaliharo HPT kudian maabihkannyo untuak kapantiangan baliau surang ?; 5) baa caronyo mangurangi silang sangketo tantang harato pusako iko, nan alah manjadi salah satu pinyakik dalam masyarakat urang awak, sampai balaruik-laruik ka pangadilan ? Ambo basimpati ka partanyaan nan disampaikan dek Ananda St Sinaro, yaitu baa caronyo manyatukan kaidah adat nan alah ado sabalum Islam datang, jo kaidah ugamo Islam nan memang datang kudian? Rumus umumnyo alah ado yaitu ABS SBK, tapi kan dalam masalah harato pusako nan takaik jo masalah hukum kakarabatan, masih jalan surang-surang. Kan itu kabanyo nan dikritik padeh dulu dek Syech Achmad Chatib al Minangkabauwi. Sampai di siko dulu. Wassalam, Soetan Madjolelon (69th)
Sutan Sinaro <[EMAIL PROTECTED]> wrote: Ahmad Ridha wrote: >Bismillahirrahmaanirrahiim, >Assalaamu 'alaikum warahmatullahi wabarakaatuh, >Muncul lo pertanyaan di banak ambo. Dari; >Apo iko berlaku ka satiok harato? Kok dari zhahirnyo yo batantangan jo >hukum waris Islam. Dek Islam punyo aturan waris nan lain. Dalam Islam >laki-laki jo padusi samo-samo punyo hak milik jo hak usaho. Memang, ... karano katiko lembaga ko menetapkan hukum... Islam alun dikenal lai do. >Dari: >ttp://www.cimbuak.net/content/view/62/56/ ----------------------------- >aa lo dianggap indak terpuji manjual atau mambagi harato waris? Apo >ulo hubungannyo antaro jumlah ahli waris jo status pusako randah atau >inggi? Ahli waris ko kamanakan sajo atau baa? Ataukah ahli waris >anuruik hukum Islam? Islam alun dikenal lai... katiko hukum ko ditetapkan... nan jadi tumpuan mereka adolah "alua jo patuik". "alua jo patuik" ko menurut mereka adolah "kabanaran" >Dari: >http://www.cimbuak.net/content/view/61/56/ ----------------------------- >Manuruik petitih ko tantulah di sadonyo wilayah nan paliang patuik >ditagak-an hukum Islam dek iko bumi milik Allah Azza wa Jalla. Bumi dipijak langik dijunjuang, manuruik urang Minang dulu. Bumi nan punyo adolah lembaga adat, dan langik nan dimukasuik adolah ketentuan nan berlaku di sinan. Baa kito ka mamasokan ka mereka ... "indak sasuai jo hukum Islam" dek karano maso tu alun dikenal Islam lai ?. >Mohon keterangan dari Bundo, Mamak jo Dunsanak nan ado di palanta. >Mohon maaf kok ada kato nan indak sasuai. Lembaga adat nan alah turun temurun dari datuak Parapatiah nan Sabatang, sampai kini alun bisa diasak atau dianjak urang lai dalam kehidupan urang Minang. Dek karano indak ado lembaga nan labiah gadang nan lah "ma lembaga" untuak manuka hukum-hukum tu. Sacaro "ati ketek" se lah kini ko kito katokan bahaso "Urang Minang" bahkan Urang Indonesia "masih Sekuler". Tibo di karajo-karajo nan sarupo itu mereka tetap memakai "hukum Adat" dek karano ado "lembaga" nyo. Lain hal nyo kalau "Lembaga Islam" alah tagak dengan sendirinyo urang Minang akan ikuik dek karano sabananyo mereka "takuik" ka peraturan Allah nan labiah dipicayonyo dan alah mendarah dagiang bahaso Kampuang Akhirat tu memang ado. Jadi karajo managakkan lembaga ko lah nan labiah dulu kito kaja. Urusan ko bisa belakangan sasudah lembaga tu ado. Sabab hukum Islam akan tagak dengan caro "tabosek dari bumi" susah untuak dapek. Nan ka bisa tantu "titiak dari ateh" dari lembaga Islam. Lembaga ko lah nan harus kito perjuangkan. Jadi kaji ko rancak ditundo dulu. Wassalam St. Sinaro >Allahu Ta'ala a'lam. >Wassalaamu 'alaikum warahmatullahi wabarakaatuh, -- >Ahmad Ridha ibn Zainal Arifin ibn Muhammad Hamim (l. 1400 H/1980 M) --------------------------------- Blab-away for as little as 1ยข/min. Make PC-to-Phone Calls using Yahoo! Messenger with Voice. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Yahoo! Messenger with Voice. PC-to-Phone calls for ridiculously low rates. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
