Wa'alaikumsalamwarahmatullahiwabarakaatuhu. Batua tu pak Saaf. Labiah elok awak mampajaleh, dan manyalasaiannyo, bia indak saroman urang nan bacinto tadi. "bagantuang indak batali".
Nan alah ambo salasaikan masalah pernikahan/pacaraian, dllnyo, indak baitu banyak permasalahannyo.Hanya rancak juo awak beko manyalasaian harato gono gini, bia indak talantar salah surang pasangan apabilonyo indak ado rasaki untuak basamo lai. Salamoko kan pihak padusi nan banyak mananggung darito jo akibaik dari pacaraian tu, ambo ingin ado undang-undang khusus diranah Minang tu nan mambela hak-hak wanita tapi sasuai jo aturan Allah.(ibo awak mancaliak nasib padusi, nan takadangnyo bisa sajo tertekan bathin dek ulah pasangannyo, minta carainyo, kanai pulo hukum khulu', etc...etc...). Awak indak ingin harato pusako tinggi, indak jatuah katangan urang lain, atau suku lain, apolai kaurang lain. Tapi apo awak rela, mamakai harato nan indak jaleh dimaa ujuang pangkano. Sarancaknyo manuruik ambo, masiang-masiang mancubo mamulai mancari ranji-ranji, atau garis katurunan, dan mancari asal dari harato tu,bia baliak kapangka, ka asal. Kalau alah jaleh awakkan bisa basikap, tanang mamakan, mamakai dek memang hak awak. Kalau ambo pribadi iyo memang takuik bana mamakai, atau mamakan nan indak jaleh tu. Salah satu pengorbanan nan alah ambo jo amak ambo lakukan masalah harato ko bia janiah, adolah banyak steknyo memang sacaro pribadi(keluarga)ado nan harus diagiahkan ka baitulmaal. Contoh. Amak ambo anak padusi surang-surangnyo dari nenek ambo. kamudian nenek ambopun surang juo, indak basaudaro kanduang, indak baadiak, indak bakakak, baitu sampai ka nenek,dari nenek ambo. Nah, dek harato di Minang, jatuah kapadusi sadonyo, sado harato maka jatuahlah katangan amak ambo(sebagai garis nan tarakhir).Harato ko asal muasalnyo milik nenek dari nenek ambo, nan katiko tu sabananyo punyo anak lalaki, tapi dek harato jatuah kapadusi, indak mandapeknyo. Mungkin kajadian saroman kolah asal muasalnyo harato pusako tinggi tu(kamungkinan), sabab indak mungkin harato indak bapamilik daulunyo. Dek amak ambo anak surang, tantu dapek bagian satangah dari harato, satangah lai kama, ado cucu-cucu dari pihak nenek/kakek, ado ibu, nenek etc..ado saudaro kakek/nenek etc.....etc..(makanyo saharusnyo masiang-masiang punyo ranji atau garis katurunan tu), sabab kalau indak ado si ayah, si kakek bisa manarimo, kalau pulo sikakek indak ado, cucu kan lai ado, cucunya cucu..cucunya cucu, baitu sataruihnyo. Nah, baa pulo kalau urang nan indak pulo jaleh garis keturunannyo. Sabahagian harato sarancaknyo diagiah ka baitulmaal, diwakafkan, atau dizakatkan, atau dijadikan harta berserikat, milik basamo, untuak kapantingan basamo, untuak masyarakaik umum/banyak dan nan mambutuhkan. Itu kalau awak lai namuah bakorban membersihkan harato. Harato nan jaleh sajo harus dizakatkan, apolai kalau indak jaleh, apo indak takuik awak beko pengadilan Allah. Sabalun ditimbang diakhiraik kelak, rancak awak manimbang diri dulu.Iko kok lai namuah, kalau lai indak namuah, tugas ambo alah salasai, alah basampaian. Ambo yakin, tantu palaksanaannyo indak sagampang tu, sabab indak sado urang di Minang tu mau marugi, mau bakorban, kalau bisa batambah haratonyo. Dek salamoko alah tabiaso mamatiak hasianyo, dan menikmatinyo. Untuak nan kadatang, pihak padusi Minangpun harus tahu potensi dirinyo, harus tahu hak-haknyo dalam hal apapun, asal lai halal, jo sasuai undang-undang ugamo, baiak dari sisi harato, apolai kalau inyo katiko masih baduo ikuik juo mambantu mancarikan nafkah, atau inyo punyo warisan (nan sasuai jo pembagian hukum ugamo)dari ortunyo, harato warisan tu haknyo salamonyo, sang suami indak berhak manga-manga doh. Kalau dipakai baa, kalau dijadikan usaho lain dan berkembang pulo usaho tu baa(sadonyo ado undang-undang dalam Islam nan mangaturnyo). Jadi, jaan pulo perempuan Minang takuik kahilangan haratonyo, dek salamonyo, inyo nan mamaciak, kamudian ado hukum Islam, tantu stek banyaknyo akan bapangaruh juo. Ondeh, kalaulah ummaik Islamko sadar akan keadilan hukum-hukum Allah, pasti inyo akan manarimo dengan sagalo kapatuhan, sabab Allah indak kamungkin mandzalimi sia-sia juo diateh duniako, manusianyolah nan mandzalimi dirinyo surang. Dan ado rancaknyo di ranah Minang tu mamiliki lembaga khusus, yaitu lembaga pengelolaan zakat, kalau memang ranah Minang ingin maju kedepannyo. Indak kamungkin maju masyarakaik, kalau ekonominyo juo kalang kabuik, emang bisa emas permato turun dari langik baitu sajo tanpa usaha dan upayo dari awak nan banamo manusia? Allah berfirmn : " Allah tidak akan merubah suatu kaum, sehingga kaum itu sendiri yang merobahnya". Firman Allah lagi : " Kalaulah beriman dan bertaqwa penduduk suatu negeri, maka Allah akan membukakan untuk penduduk negeri itu, keberkahan akan turun dari langit..". Perbanyak maaf. Wassalamu'alaikum. Rahima.(37thn) --- Saafroedin BAHAR <[EMAIL PROTECTED]> wrote: > Assalamualaikum w.w. > > Ambo dukuang panuah usul Ananda Dt Marah Bangso > untuak manuntaskan masalah iko. Baa kok diadokan > bana seminar khusus dilanjuikkan jo Kongres > Minangkabau untuak maambiak kaputusan final?. > Sabagai bahan, kito gunokan draft Kompilasi Hukum > ABS SBK nan alah ampia salasai disiapkan dek Ananda > Rahima nan ka pulang bulan Juni muko. > > > Wassalam, > Soetan Madjolelo (69th) > > __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
