Assalamu Alaikum W. W. Sabana sanang hati bundo mambaco email dr nanda Dt. Endang nan mewakili rang mudo Minang. Iyo memang sarancaknyo awak banyak mambaco dulu baru bisa awak bao katangah pandapek-pandapek awak pakaro adaik ko.
Sabana banyak nan indak awak tahu tamasuak bundo lah marantau sajak umua duopuluhan dan juo indak panah baraja tapi bundo iyo suko mambaco dan bundo punyo buku-buku nan manuruik bundo iyo sabaiaknyo dibaco dek niniak mamak, rang mudo Minang jan asa manyalo sajo manyabuik dan manyumbang pandapaik. Buku2 iko iyolah: 1. Sejarah Minangkabau oleh: Drs. MD Mansoer, Drs. Amrin Imran, Drs. Mardanus Safwan, Dra Asmaniar Z. Idris, Drs. Sidi I. Buchari 2. Islam dan Adat Minangkabau oleh HAMKA 3. Sumatra Barat hingga plakat panjang oleh Rusli Amran 4. Sumatra Barat Plakat Panjang oleh Rusli Amran 5. Rangkaian Mustika Adat Basandi Syarak di Minangkabau oleh H. Idrus Hakimy Dt. Rajo Pangulu 6. Alam Takambang Jadi Guru oleh A A Navis 7. Tambo Alam Minangkabau oleh Datoek Toeah 8. Masih Ada Harapan karangan DR. Saafroedin Bahar dan Ir. Mohammad Zulfani Tadkoeddin Misalkan awak ingin manengok tt Harato Pusako Tinggi bukak buku Sumatra Barat Plakat Panjang oleh Rusli Amran halaman 334 tt harato pusako dan harato pancarian. Di Rangkaian Mustika Adaik juo ado hal 206 207 dst. Dalam buku Alam Takambang Jadi Guru juo ado dihal 153 dan 164. Untuak nasihaik ado dibuku 9. Rancak dilabuah oleh oleh M. Z. St. Pamuncak Supayo tahu perbedaan PDRI dan PRRI 10.PDRI dalam Perang Kemerdekaan oelh AmrinImran, Saleh A Djamhari dan J R Chaniago 11.Pemerintahan Darurat Republik Indonesia Sebuah Mata Rantai Sejarah Yang Dilupakan oleh Mestika Zed 12.Peran Stasiun Radio PHB AURI oleh Umar Said Noor 13.PRRI Permesta oleh R. Z. Leirissa 14.Keterlibatan Australia dalam Pemberontakan PRRI/Permesta oleh Hadi Soebadio 15.Dari Pemberontakan ke Integrasi Sumatra Barat dan Politik Indonesia 1926 – 1998 oleh Audrey Kahin Yang mengagetkan bundo waktu membaca Sumatra Barat Plakat Panjang halaman 279 -294 tt Candu dan Perbudakan bahwa perbudakan di Minang tsb habisnya bersamaan dengan perbudakan di AS yaitu disekitar th 1870 dihapuskan oleh Gubernur E Netcher namnanya. Sekianlah dulu mohon maaf terlebih terkurang Bundo Hayatun Nismah Rumzy (67+) -----Original Message----- From: [EMAIL PROTECTED] [mailto:[EMAIL PROTECTED] On Behalf Of Datuk Endang Sent: 07 Mei 2006 18:39 To: [email protected] Subject: Re: [EMAIL PROTECTED] apakah milis RN = Surau = Gebu Minang ? Manolah angku Datuak Bandaro ysh, ditibokan kato, sambah sarato salam mairingi. Mambaco nan tasirek, lai sasuai harapan ambo jo usaho angku datuak. Kiniko masalah pembinaan adat sasuai dirundiangkan dengan LKAAM. Sadangkan GM, ambo liek, pejabat nan membidanginyo alun langkok sarek saroto rukun adatnyo, jadi kalau duduak indak samo randah, tagak indak samo tenggi, alun dapek dibao sahilie samudiak. Selain itu ado pulo semacam forum niniak mamak se-Jabodetabek nan bulan lalu alah dirasmikan, dapek pulo angku baiyo batido disitu. Minggu lalu, dari Datuak Marah Bangso ambo maliek ado beberapa buku ketek nan alah angku tulis dan terbitkan, iko suatu amal nan baiek. Kironyo warisan nan tak ternilai untuak generasi mudo kito. Untuak itu ambo menyampaikan salam hormat. Manolah mamanda kami Pak Saaf ysh, Rumusan ABSSBK sabananyo alah tatulih dan terkompilasi di dalam tambo, dan talisan dalam pitatah patitih adat. Kalau lai namuah, sabananyo dapek kito seleksi dari 4 tambo nan alah diseleksi oleh Edwar Djamaris, lalu dikambangkan saketek. Mungkin ado perkembangan zaman dalam seabad terakhir iko nan paralu ditambahkan. Kalau coitu, buliah kito inventarisasi dulu permasalahan itu, lalu dibahas basamo. Contoh, masalah tanah ulayat memang alun ditulih di dalam tambo, walau sacaro lisan alah jaleh aturannyo, buliah kita tambahkan. Itu di dalam hukum adat disabuikkan: kato kudian kato bacari. Sasuai jo pituah, mairik parang jo berani mairik karojo jo usaho, tadi malam ambo baru manarimo draft 01 ketentuan-ketentuan adat di Nagari Sulit Air, cubo ambo lampirkan di siko. Runcano dalam 3 bulan ka muko akan kami diskusikan dan sosialisasikan di masyarakat laweh di ranah dan di rantau untuak dapek menyepakatinyo. “Limbago” nan akan managakkannyo adolah Kerapatan Adat Nagari (KAN), karono balaku di salingkaran nagari. Mudah-mudahan dengan keikhlasan dan usaho saroman itu dapek memulai gerakan baliak banagari, kumbali ka adaik, pulang ka surau. Satantang pun baitu, kiniko kami pun alah pulo mamulai peradilan perdamaian adat, nan alah hampia saabad hilang di bumi Minangkabau. Rupono alah baderet persoalan nan mintak penyelesaian sacaro adat. Kini kawan-kawan di ranah sadang mamilah mano pakaro nan ka didahulukan. Mudah-mudahan minggu depan peradilan perdamaian adat itu akan dimulai, untuak maso uji coba 3 bulan ke depan. Pemda Prov sasuai nan alah disampaikan dalam pidato di rumah Ibu Yamin bulan lalu menyambut antusias peradilan adat ko, dan menjadikan Sulit Air sebagai percontohan. Manolah Ajoduta ysh, Usaho pembinaan adat adolah usaho kito basamo. Sabananyo sekolah/universitas terbaik untuak mengembangkan pengetahuan adolah “rumah”. Iko untuak manjawek pulo pertanyaan salah saurang sanak nan manuntuik para mamak untuak mengajarkan anak-kamanakannyo masiang-masiang. Jadi sapendek pengetahuan ambo, nan maajakan adat-istiadat itu iyolah urang sumando, atau bapak dari paja. Dalam kondisi kemasyarakatan kiniko, pola bantuak itulah nan tajadi, apolai kiniko awak labiah banyak tingga di rantau. -datuk endang -- No virus found in this outgoing message. Checked by AVG Free Edition. Version: 7.1.392 / Virus Database: 268.5.5/333 - Release Date: 05/05/2006
-------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
