Assalamualaikum w.w.
Batua sakali kato Ananda Dt Endang. Nan paralu kito karajokan adolah maambiak
intisari dari inti norma nan ado dalam tambo itu sabagai titiak tulak,
digabuangkan jo intisari ajaran Islam, nan pokok-pokoknyo alah tasusun dalam
Kompilasi Hukum Islam (1991), dan dilatakkan dalam bingkai hiduik banagara,
khususnyo baotonomi. Kalau langsuang dari tambo tantu agak susah juo
malaksanakannyo, karano kadaan alah barubah banyak. Lagi pulo paralu kito agiah
tampek untuk posisi urang Rantau, nan jumlahnyo hampia saparo urang Minang, dan
pancahariannyo indak lai di bidang partanian.
Karano itu, rancana kito mambuek buku Kompilasi Hukum ABS SBK -- nan balaku
untuak saluruah Minangkabau -- paralu kito lanjuikkan. Kalau jadi, itu akan
manjadi sumbangan kito nan paliang gadang untuk kampuang halaman kito sacaro
manyaluruah.
Ambo satuju untuak dibueknyo inventarisasi masalah, saroman di DPR, nan
disabuik DIM, singkatan dari Daftar Inventarisasi Masalah. Lalu disalasaikan
ciek-ciek.
Rancak sakali kalau Sulik Aia alah mampunyoi katantuan adat. Agar ado
legalitasnyo, paralu dituangkan dalam Peraturan Nagari (Perna). Kalau indak,
indak ado daya ikatnyo sacaro hukum. Kalau mungkin, nanti ambo ingin hadir
sawakatu peraturan itu dibahas di nagari Sulik Ayia.
Sampai di siko dahulu.
Wassalam,
Soetan Madjolelo (69th)
Datuk Endang <[EMAIL PROTECTED]> wrote:
--- ambo guntiang disiko ---
Manolah mamanda kami Pak Saaf ysh,
Rumusan ABSSBK sabananyo alah tatulih dan terkompilasi di dalam tambo, dan
talisan dalam pitatah patitih adat. Kalau lai namuah, sabananyo dapek kito
seleksi dari 4 tambo nan alah diseleksi oleh Edwar Djamaris, lalu dikambangkan
saketek. Mungkin ado perkembangan zaman dalam seabad terakhir iko nan paralu
ditambahkan. Kalau coitu, buliah kito inventarisasi dulu permasalahan itu, lalu
dibahas basamo. Contoh, masalah tanah ulayat memang alun ditulih di dalam
tambo, walau sacaro lisan alah jaleh aturannyo, buliah kita tambahkan. Itu di
dalam hukum adat disabuikkan: kato kudian kato bacari.
Sasuai jo pituah, mairik parang jo berani mairik karojo jo usaho, tadi malam
ambo baru manarimo draft 01 ketentuan-ketentuan adat di Nagari Sulit Air, cubo
ambo lampirkan di siko. Runcano dalam 3 bulan ka muko akan kami diskusikan dan
sosialisasikan di masyarakat laweh di ranah dan di rantau untuak dapek
menyepakatinyo. Limbago nan akan managakkannyo adolah Kerapatan Adat Nagari
(KAN), karono balaku di salingkaran nagari. Mudah-mudahan dengan keikhlasan dan
usaho saroman itu dapek memulai gerakan baliak banagari, kumbali ka adaik,
pulang ka surau.
Satantang pun baitu, kiniko kami pun alah pulo mamulai peradilan perdamaian
adat, nan alah hampia saabad hilang di bumi Minangkabau. Rupono alah baderet
persoalan nan mintak penyelesaian sacaro adat. Kini kawan-kawan di ranah sadang
mamilah mano pakaro nan ka didahulukan. Mudah-mudahan minggu depan peradilan
perdamaian adat itu akan dimulai, untuak maso uji coba 3 bulan ke depan. Pemda
Prov sasuai nan alah disampaikan dalam pidato di rumah Ibu Yamin bulan lalu
menyambut antusias peradilan adat ko, dan menjadikan Sulit Air sebagai
percontohan.
----- siko juo ambo kuduang --
chaidir latief wrote: assalamualaikum ww
Maaf pa Syaf Iko bana nan ingin kito bicarokan dengan mantan ketua ketua LKAMM
teramsungk angku. Iko masalah nan sasalu dibicarokan nan undak pernah ado jalan
kaluanyo Bicaro terus
Ambo kini sedang di Padang mambicarokan dengan Dt Simulie Ketua LKAAM Rasonyo
itu paralunyo organisasi Bicaro perorangan baputa puta disinan kasinan juo
Kitro nan mandisikan Lembaga Kerapatan Adat Alam Minangkabau Paralu kita
luruihkan apo fungsi sabananyo dari organisasi ko Kito nanti nan akan dituntut
Salagi masih iduik Organisdasi ninik mamak untuik marapekkan adat Rapek kan ado
kesimpulan dan keputusan Lah sekian lamo aa kesimpulan dan keputusan
Wakatu ambo ka LKAAM Dt Simulie sulit dihubungi Talipon di LKAAM putuih indak
ado pitih mambbaie talipon Apo indak tragis
Ambo io penganut AAGIM Mulai dengan yang ketek dari diri sendiri dan sekarang
juo
Karano itu tolonglah pak Syaf bilo kito batamu para mantan Ketua LKAM yang
menurut janji kito pak Syaf yang akan mengatur waktunyo Pak Baharudin Dt
Rangkayo Basa masih iduik dan ado di Jakarta
Pak Dt Simulie setuju kalau paralu kito bantulah bara bana tiket kapa tabang
kibni
Tarimo kasih
Ch N Latief Dt Bandaro 78
Saafroedin BAHAR wrote:
Assalamualaikum w.w.
Buliah ambo manyalo saketet\k ? Ambo satuju jo paringatan Ananda Ajo Dutamardin
Umar di Amrik. Saluruah anak ambo nan lahia di Sumbar dan kini sabagian gadang
di Rantau, indak ado nan baminat ka adat jo budaya Minang, walaupun ambo
mandorong mereka untuak satidak-tidaknyo tahu. Mereka labiah maraso jadi urang
Indonesia.
Ado nan kurang sasaik sabalango nan nampak di ambo baa mako indak banyak minaik
nan mudo ka adat jo budaya Minang, yaitu jauahnyo jarek antaro nan kito katokan
jo kanyataan sahari-hari. Jo kato lain, apo nan kito katokan indak ado atau
kurang ado dalam kanyaan hiduik. Kito manyamokan adat dan budaya Minang itu jo
papatah patitih, dan papatah patitih itu kita samokan jo norma sakaligus
kanyataan.
Baa jalan kaluanyo ? Ambo alah mangusulkan ka Ananda Rahimah, Ananda Datuk
Endang Pahlawan, dan Ananda Datuk Marah Bangso, agar supayo saluruah norma
adat, budaya, dan ugamo nan kito inginkan maatur hiduik kito sabagai urang
Minang, yaitu ABS SBK, dikumpuakan jadi satu dalam Kompilasi Hukum ABS SBK, dan
kito kukuahkan dalam suatu Kongres Minangkabau.
Sasudah dikukuhkan, mako salain balaku untuk kito -- paliang tidak dalam
masalah keperdataan -- juo sakaligus bisa manjadi bahan ajaran untuak nan
mudo-mudo. Kalau indak baitu, mako masalah gadang iko akan majadi wacana ka
wacana sajo bakapanjangan.
Sakianlah tanggapan ambo.
Wassalam,
Soetan Madjolelo )69th)
---------------------------------
Talk is cheap. Use Yahoo! Messenger to make PC-to-Phone calls. Great rates
starting at 1¢/min.
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
