Assalamualaikum w.w. Batua nan dikatokan Angku Syamsir Syarif. Ambo sempat basuo jo (Letkol CPL Pur) Ir Mangaraja Onggang Parlindungan (almarhum) nan mangarang buku itu sawakatu ado Seminar Sejarah dan Kebudayaan Minangkabau di Batu Sangka tahun 1970. Nan paralu kito kana adolah bahaso mukasuik baliau manulih buku itu adolah mandorong agar urang Minang -- nan disabuik baliau 'brothers from Minang' -- mulai mamparatikan panulisan sejarah nan badasar ka fakta dan indak samato-mato kapado legende sajo. Tantangan baliau itu alah dijawab dek para dunsanak kito, antaro lain Drs. M.D, Mansur, Dra (kini Prof Dr) Asmaniar Idris, Drs Amrin Imran. Kapado Prof Dr Asmaniar Idris kini alah ambo sampaikan agar buku Sejarah Minangkabau nan tabik tahun 1970-an itu dipabarui jo memanfaatkan bahan-bahan terbaru tantang Minangkabau. Iko parabu untuak nan mudo-mudo. Ado ciek lai nan takana, apo indak paralu kito adokan kurusuih nan tarancana sarato bakalanjutan tentang sejarah, adat, dan budaya Minangkabau iko untuak nan mudo-mudo, baiak di Ranah maupun di Rantau ? Kalau iko indak ado, jan bangih kito kalau nan mudo-mudo atau indak acuah atau indak tahu apo nan kito anggap penting tentang sejarah, adat, dan budaya Minangkabau itu. Apo urgensinyo ? Banyak. Suko indak suko, paralu kito akui kanyataan bahaso nan mudo-mudo kini binguang mamparatikan keadaan urang awak, suku bangso Minangkabau, nan kesan ambo masih banyak hiduik dalam alam dongeng dan legenda, kurang dalam realita dan fakta. Baa pandapek Angku Syamsir Sjarif? Wassalam, Soetan Madjolelo (69th)
Sjamsir Sjarif <[EMAIL PROTECTED]> wrote: Maa Angku Ari NGT, Angku Saafroedin BAHAR, Bundo Nisma sarato Rang Lapau nan Basamo, Ambo baco "Tuanku Rao" wakatu buku tu baru kalua tahun 1963. Parlindungan, Mangaradja Onggang. 1963. Pongkinangolngolan Sinambela gelar Tuanku Rao: Terror Agama Islam Mazhab Hambali di Tanah Batak 1816-1833. Jakarta: Penerbit Tandjung Pengharapan. Tabayang Panulihnyo bacarito ka anaknyo Sonny Boy mamakai bahaso campua baua Indonesia jo Inggirih. Rasonyo O.M. Parlindungan saurang tantara karajo di bengke sinjato di Jakarta. Banyak istilah-istilah militer dipakainyo dalam buku tu, rasonyo para perwira pakai gala-gala kolonel, kapten, letnan kavaleri bagai dsb. Apokoh Tuanku Rao bagala Kolonel ambo lupo. Dengan caro manulihnyo nan dinamik, bacarito ka anaknyo Sonny Boy, tabayang jalan paparangan wakatu itu saroman mancaliak pilem awak rasonyo. Takana di ambo keceknyo banyak paninggalan ameh di bawah lubang di Kotanopan (saroman lubang Japang di Bukittinggi tu) nan sampai wakatu itu amehnyo alun ditamukan. Dicaritokannyo pulo manganai Urang Batak nan suko main api panggang mamanggang wakatu itu, banyak katurunannyo dapek karajo sabagai anggota pamadam kabakaran di Tanah Simananjuang. Kami di B-I Sejarah Bukittinggi wakatu itu iyo agak tacangak-cangak dalam mambahas buku tu. Guru kami nan urang awak wakatu itu antaro lain Pak Dahlan Mansur dan Djohan Makmur. Karano kadang-kadang impresi kami tampaknyo panulihnyo baitu basumangaik sahinggo kadang-kadang lupo mancaliak data dengan teliti, kami picaryo wakatu itu buku itu akan jadi sumber kontroversial di kalangan penyetudi sejarah. Urang awak alun sempat mengatahangi Parlindungan wakatu itu karano sadang barek dalam parasaian sasudah bagolak sadang bapanca-panca maninggakan kampuang maninggakan tapian tampek mandi. Ruponyo baru sasudah sabaleh tahun kemudian baru ado nan agak jaleh para pambaco mambari komentar tantang buku tu dengan kaluanyo Buya Hamka dalam tahun 1974 tu. Hamka. 1974. Antara Fakta dan Khayal Tuanku Rao.Jakarta: Bulan Bintang. Ambo sandiri lah jauah di Rantau wakatu itu indak sempat lai mangikuti buku Buya Hamka sarato isu-isu buku tu nan dikatangahi urang. Buku itu rancak dibaco untuak mambandiangkan baa urang lua (tetangga kito) mancaliak Sejarah Awak dengan mato nan agak balain dari mato awak. Salam, --MakNgah > >From: Saafroedin BAHAR >Date: Sun May 7, 2006 6:44 pm >Subject: Re: [EMAIL PROTECTED] apakah milis RN = Surau = Gebu Minang ? >[EMAIL PROTECTED] > > >Wassalamualaikum w.w. > > Ananda Ari, nan mambantah buku Ir Mangaraja Parlindungan itu adolah Buya >Hamka. Kalau ambo ditanyo, baco sajolah kaduonyo. Asyik ! > > Kalau bisa adokan panalitian sijarahnyo sacaro serius. > > Wassalam, > Soetan Madjolelo (69th) > >Ari NGT wrote: > Ass.wr.wb, >Pak Saf ysh, >Sedikit OOT, mandanga judul buku kalangan Ir. ..Parlindungan iko..takana >ambo salah satu buku nan pernah ambo baco sakileh nan dikarang urang >awak...tapi ambo lupo judulnyo...nan mangatoan salah (membantah/kontradikif) >tulisan Ir. Parlindungan di dalam buku yang disebutkan dibawah. >Ambo cari baliak alun batamu bukuko..rasonyo iko buku nan dijua di restoran >Kubang Saharjo...(mungkin, iko agak dejavu saketek)...Siapa tahu ado >rantaunetters nan pernah mambaco pulo. > >Wassalam, >.ari >30th > > >On 5/7/06, Saafroedin BAHAR wrote: > > > > Wassalamualaikum w,w, > > > > Hebat bana koleksi buku Bundo tantang Minangkabau. No virus found in this outgoing message. Checked by AVG Anti-Virus. Version: 7.1.392 / Virus Database: 268.5.5/333 - Release Date: 5/5/2006 -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem ========================================================= --------------------------------- Love cheap thrills? Enjoy PC-to-Phone calls to 30+ countries for just 2ยข/min with Yahoo! Messenger with Voice. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
