Oo, tarimo kasih Angku Taufiq. Tampaknyo labiah sistemais lo mareka tu dari
rangik malaria mah yo. Ambo sangko samo jo rangik malaria nan bagurila
dimaa sajo siang malam. Ambo alun panah mancaliak urang kanai Damam Badarah
lai,tapi kok malaria iyo lah kanai duo hari sisuak.
Tahun 1965 ambo dalam pajalanan panjang dari Bukittinggi, Sibolga, Gunuang
Sitoli, Nieh kuliliang pulau, taruih ka Sabang, Banda Aceh malala sampai ka
Pantai Barat sampa LamNo dan padalaman sampai ka Takengon, Danau Lauik
Tawa, taruih ka Medan baliak ka Bukittinggi. Di Taluak Dalam, Nieh, ambo
kanai panja dek bala malaria ko. Takana dek ambo hari sapaneh garang tu,
awak "mangkatutuih" (maminjam istilah ayah mabo) kadinginian. Untuanglah
ambo kenal jo dotor dan jadi tamunyo nan langsuang maubek ambo. Sahari nan
bedo bana, bisuaknyo lah takawo baliak manaruihkan pajalanan ka Pulau Telo
taruih ka Hinako di Pantai Barat taruih ka Lahewa taruih ka Sabang.
Wakatu tu ambo impress jo Nias, dari segi rumah sakik misanyo, Rumah Sakik
Gunuang Sitoli jauah labiah modern dari Rumah Sakik Bukittinggi.
Dotor-dotornyo banyak nan dari Juruman, perawat-perawatnya gadih-gadih Nias
rancak-rancak, segeh-segeh profesional, lulusan pendidikan Juruman. Ambo
pai ka asrama bidan di ateh Taluak Dalam, Bawomatalauwo jo Hilismaetano.
Anak anak Nias sampai ka Pedalaman, bukan sajo anak-anak sikola bidan,
mampagunokan bahaso Juruman nan diadaptasi ka dalam bahaso Nieh. Takana di
ambo anak-anak manyapo ambo mangucapkan selamat jalan "Bidace Gawe" nan
aratinyo "Selamat Jalan Pak" . "Bidace" diadaptasi dari Bahaso Juruman "auf
Wiedersehen" (Selamat Jalan), "Gawe" (mungkin Pak atau Tuan, mungkin dialek
Nias untuak Pegawai, kurangjaleh dek MakNgah).
Jadi dek takana panyakik malaria di Taluak dalam tu, wakatu ambo pulang
(duo puluah tahun kamudian) tahun 1985 kama pai di Indonesia taruih mambawo
kulambu ketek dalam tas; dibawo dalam pajalanan taruih dari Padang ka Jawa,
ka Bali ka Makassar. Di maa lalok kama pai lai indak lupo doh mamakainyo.
Jadi kalau siang hari rangik BDB tu baoperasi di kota iyo lah rancak tu
mah, lah ado gunonyo urang padusi bakodek (indak pakai rok) jo bajibab
supayo indak digigiknyo.
Salam,
--MakNgah
From: "Rasyid, Taufiq (taufiqr)" <[EMAIL PROTECTED]>
Date: Fri Jun 2, 2006 1:56 am
Subject: Re: [EMAIL PROTECTED] Deman Berdarah Berjangkit di Bukittinggi
[EMAIL PROTECTED]
Kalau DBD agak balain snek. Inyo manggigik siang hari , indak katiko
malam doh makNgah.
Sahinggo umumnyo nan banyak kanai urang di perkotaan daripado nan
dikampuang. Terutama anak-anak nan agak palalok atau main dirumah. Sabab
kalau urang kampuang siang ari pai ka parak. Inyopun jarang pulo lalok
siang.
Baitu juo larvanyo ado di aia nan janiah, sayak nan landai ( kaleng
kosong dan berbagai bejana lain).
Jadi kalau siang ari susah juo bakulambu ko, apolai kalau
baunduang-unduang kulambu kaniak -kanin, ingkin kama-I ,kok di galak-an
urang awak beko. Itu ..kan misalnyo sajo.... He....he....
No virus found in this outgoing message.
Checked by AVG Anti-Virus.
Version: 7.1.394 / Virus Database: 268.8.1/354 - Release Date: 6/1/2006
--------------------------------------------------------------
Website: http://www.rantaunet.org
=========================================================
* Berhenti (unsubscribe), berhenti sementara (nomail) dan konfigurasi
keanggotaan,
silahkan ke: http://rantaunet.org/palanta-setting
* Posting dan membaca email lewat web di
http://groups.yahoo.com/group/RantauNet/messages
dengan tetap harus terdaftar di sini.
--------------------------------------------------------------
UNTUK DIPERHATIKAN:
- Hapus footer dan bagian yang tidak perlu, jika melakukan Reply
- Besar posting maksimum 100 KB
- Mengirim attachment ditolak oleh sistem
=========================================================
