Wassalamualaikum w.a. Ananda Hanifah, Batua sakali kasimpulan Ananda tu mah. Santiang. Tapi ado nan paralu ambo tambahkan ciek, yaitu latar belakang pendidikan dan pangalaman ambo dalam bakarajo. S1 sampai S3 ambo adolah dalam ilmu sosial, khususnyo dalam ilmu pamerantahan dan ilmu administrasi negara, di UGM Yogyakarta. Ambo luluih nomor satu dalam Sekolah Staf dan Pimpinan Addministrasi Interdepartemental tahun 1981. Sacaro pribadi ambo paminat ilmu sejarah, tamasuak sejarah Minangkabau, sahinggo idola ambo adolah Prof Dr Taufik Abdullah, nan banyak sakali mambuka mato ambo tantang ilmu sejarah dan Minangkabau. Dalam dines, saluruah karir ambo adolah dalam TNI Angkatan Darat, pangkek ambo terakhir Brigadir Jenderal Pur, dan ambo luluih nomor duo dalam Sekolah Staf dan Komando ABRI Bagian Darat KR XVII tahun 1980 di Banduang. Ambo manambah ilimu soal 'modernization and development' di Princeton University, NJ, USA tahun 1973/74 dan tantang 'international human rights law' di Oxford University, England, tahun 1997. Kini ambo masih maaja dalam Program S2 UGM, di Lembaga Ketahanan Nasional (Lemhannas) , dan Sesparlu Departemen Luar Negeri tantang Etnisitas dan Integrasi Nasional. Kini ambo juo manjadi Komisioner Hak Masyarakat Hukum Adat pado Komisi Nasional Hak Asasi Manusia (Komnas HAM), dan manjadi 'member' dari 'Advisory Group' dari 'The United Nations Development Programme' (UNDP), 'Regional Initiative on Indigenous Peoples Programme' (RIPP) di Bangkok. Sudah barang tantu saluruah pandidikan dan pangalaman ambo tu mawaranoi pancaliakan ambo tantang Minangkabau, baiak di Ranah maupun di Rantau. Dalam ba-'minang-minang' [iko istilah pak Fasli Jalal], ambo ikuik mandirikan Lembaga Kerapatan Adat Alam Minangkabau (LKAAM) dan manjadi Sekretaris Umum salamo anam tahun (1966-1972) dan ikuik pulo mandirikan Gebu Minang, dan manjadi Sekretaris Umum salamo 11 tahun pado Lembaga Gebu Minang (1990-2001), dan 15 tahun pado Yayasan Gebu Minang. Dan terakhir, ambo jadi Ketua Dewan Penasehat Gebu Minang, tahun 2005-2010. Ringkasnyo, dalam mamandang Minangkabau, ambo indak baranti pado tingkek buah paruik, suku, kaum, atau nagari, dan indak baranti tantang soal sako dan pusako sajo, tapi lanjuik pado tingkek kabupaten/kota (nan iko ditulih dek Dunsanak Ir Mohammad Zulfan Tadjoeddin, M.A. dalam buku ambo [2004] 'Masih Ada Harapan: Posisi Sebuah Etnik Minoritas dalam Kehidupan Berbangsa dan Bernegara', Yayasan Sepuluh Agustus, Jakarta), taruih ka tingkek Sumatera Barat, dan ka tingkek Indonesia. Ambo juo indak baranti pada dongeng, kaba, dan mitos Minangkabau, tapi ambo sigi kanyatoannyo dalam sejarah. Sasudah ambo ranuangkan bana-bana, ambo sabana taheran-heran mancaliak banyaknyo inkonsistensi dan inkoherensi dalam adat Minangkabau tu, walaupun ambo sangaik kagum jo kaarifan nan takanduang dalam budaya Minangkabau [Adat adolah sabagian sajo dari budaya Minangkabau, umumnyo bakisa jo soal sako dan pusako]. Tantang kaarifan budaya Minangkabau, kudian ko ambo maraso mandapek banyak dari tulisan-tulisan Dunsanak Dr. K. Suheimi. Untuak mambantu maluruihkan sagalo inkonesistensi dan inkoherensi dalam adat Mianngkabau ko ambo takana ka pasan almarhum Prof Dr Bahder Djohan, nan manyarankan agar didirikan Fakultas Sastra di Sumatera Barat, nan kalau ambo indak salah kini alah ado di Universitas Andalas. Kalau buliah ambo mausulkan, paralu didirikan pulo Fakultas Filsafat atau Jurusan Filsafat pado Fakultas Sastra, supayo ado kader-kader mudo Minangkabau nan dapek mambantu maluruihkan sagalo inskonsistensi dan inkeherensi adat Minangkabau tu. Pancaliakan ambo tantang Minangkabau akhir-akhir ko mangarucuik pado soal ABS SBK, nan alah kito nyatokan sabagai 'jati diri Minangkabau'. Sasudah ambo 'lemparkan' masalah ko ka palanta, dan mandapek sambutan, tanyato memang ado masalah dalam pamahaman dan pangamalan kito taradok ABS SBK ko. Manganai masalah ko dalamilah kaluahan Ananda Rahima nan sacaro konsisten dari sagi agamo Islam manunjuakkan bahaso memang ado masalah dalam pamahaman dan pangamalan ABS SBK tu, nan paralu bana diluruihkan, baiak supayo konsisten dan koheren jo niaik dan tekad kito baagamo Islam, maupun jo status kito sabagai bangso Indonesia. Baitulah, ambo mancaliak urang awak itu indak sabagai suku bangso nan tagak surang dan iduik dalam abad ka 17-18, tatapi sabagai salah satu etnik dari 1.072 etnik nan ado di Indonesia dalam abad ka 21, nan bisa ambo bandiang-bandiangkan jo suku bangso Indonesia lainnyo. Ambo ingin mancaliak urang awak tu labiah konsisten dan labiah koheren dalam caronyo bapikia dan batindak, jan sarupo nan acok ambo danga: 'angguak anggak, geleang amuah, dalam duo tangah tigo, unjuak nan indak babarikan'. Dari sagi kahidupan sosial ekonomi, salah satu tolok ukur nan ambo gunokan kini untuak maukua kaadaan urang awak di ranah adolah 'Human Development Index' (HDI) nan alah ditarimo dek negara kito. Tahun 2004 daulu ambo sato mamperkenalkan konsep HDI ko ka pajabat-pajabat Sumatera Barat di Padang. Ambo mancubo mamanfaatkan kasulurahan latar balakang pandidikan dan pangalaman ambo itu untuak 'sato sakaki' mambangun Minangkabau dan Sumatera Barat dalam bidang nan bisa ambo tangani. Syukur-syukur ado hasil dan manfaatnyo di maso datang. Itulah ringkasnyo, Ananda Hanifa. Wassalam, Saafroedin Bahar (70 th kurang).
----- Original Message ---- From: hanifah daman <[EMAIL PROTECTED]> To: Saafroedin BAHAR <[EMAIL PROTECTED]>; palanta minang <[email protected]> Cc: Warni - DARWIS <[EMAIL PROTECTED]>; hanifah daman <[EMAIL PROTECTED]>; Rahima <[EMAIL PROTECTED]>; chaidir <[EMAIL PROTECTED]>; Idris Talu <[EMAIL PROTECTED]>; Prof. Dr. Asmaniar IDRIS <[EMAIL PROTECTED]>; darul - MAKMUR <[EMAIL PROTECTED]> Sent: Wednesday, September 27, 2006 7:11:34 AM Subject: Re: Visualisasi komposisi hipotetik pengaruh adat dan syarak dalam budaya Minangkabau menurut domisili pendukungnya Ass Wr Wb Bapak Saafroedin Bahar dan dunsanak kasadono yth Pak Saaf Bia nan mudo mudo mangarati apo nan sabana no nan bapak nio, hanifah cubo tebak apo nan bapak inginkan dari rang mudo dih. Namo no tebak-tebakan, kalau salah mohon bapak luruihkan. Karano bapak labiah banyak bergaul jo rang jawa dan mungkin jo rang batak juo, bapak mancaliak keberhasilan rang jawa dan rang batak adolah karano mereka punyo jejaring. Kanapo mereka bisa tajalin dalam jejaring karano mereka punyo budaya yang bisa mangikek satu dengan yang lain. Kanapo jejaring indak bisa tabantuak di suku Minang karano indak ado talipangikekno. Lalu sabagai urang yang paham politik, tau agamo, tau adaik, bapak mancubo manggali baa caro mambuek budaya bisa jadi pangikek. Batua ndak pak? Kahadiran Rahima adolah pamanciang diskusi, karano tampakno rahima mamahami agamo dengan baik, tapi indak mamahami palaksanaan adat. Dari polemik nan tajadi bapak bisa memahami kanapo dulu tajadi parang Padri, dan kanapo muncul kasapakatan marapalam. (sayangno hanifah alun baco sado tulisan nan muncul di milis li, alun sempat) Dari tulisan bapak,hanifah bisa menebak kalau dulu katiko di kampuang,bapak indak manikmati indahno adaik minang kabau. Karano nan tau kaduono cendrung maambiak jalan tangah. Maaf kalau salah, jangan marah ya pak, kan kita puasa. Itu sen dulu hasil tebakkan hanifah. Talabiah takurang mohon maaf Wass Hanifah Damanhuri Saafroedin BAHAR <[EMAIL PROTECTED]> wrote: Assalamualaikum w.w. para Dunsanak sa palanta, Dalam mambahas masalah pamahaman dan pangamalan ABS SBK sabagai jati diri Minangkabau, lambek laun timbua ka pamukoan tigo kacenderungan saparati barikuik. 1) Walaupun samo-samo manganuik ABS SBK, namun nampak jaleh bahaso ado nan gigih bana manitiak barekkan ka adat dan ado pulo nan samo gigihnyo manitiak barekkan da syarak. 2) Nampak-nampaknyo para Dunsanak nan indak ado kapantingan apo-apo jo masalah sako jo pusako, saparati para kaum Ibu nan alah sapanuahnyo tingga di kota-kota Rantau, labih gadang pulo porsi pengaruah syaraknyo daripado pangaruah adat. Ambo kiro baitu juo jo kaum Bapak nan indak ado kapantiangan lai jo masalah sako jo pusako nan takaik jo masalah partanian. Raso-rasonyo ambo tamasuak ka dalam kategori ko. Aratinyo, gigih indaknyo orang surang taradok masalah adat ko tagantuang pado posisinyo dalam struktur adat. Mungkin itu nan bisa manjalehkan kanyataan manga para angku datuak sabana kareh tagak di adat, walau tantu baliau-baliau indak mangabaikan syarak. 3) Di Ranah sandiri, para Dunsanak kito nan alah bamukim di kota-kota, dan indak lai iduik dari bidang partanian, tapi alah pindah ka bidang industri, jasa, atau pamarentahan, nampaknyo ampia samo sikapnyo jo urang Rantau nan iduik di kota-kota, yaitu labiah banyak porsi syaraknyo daripado porsi adatnyo. Cuma karano jumlah urang Ranah nan tingga di kota-kota labiah saketek dari nan tingga di nagari-nagari, baa juo tantu pangaruah dari para dunsanak nan tingga di kota-kota ko indak gadang bana. Supayo kito jan basiarak taruih, apolagi supayo kito jan sampai pacah, paralu bana kito cari apo nan dinamokan pak Chaidir sabagai 'sintesis'. Barikuik ko sakadar sumbangan ambo sabagai 'calak-calak ganti asah, mananti tukang tibo'. Kok para Dunsanak mancaliak visualisasi ko ado manfaatnyo silakan dipakai. Kok indak satuju, kito cari malah caro manjalehkan nan lain. Kiro-kiro samacam ko nan nampak di ambo. KOMPOSISI HIPOTETIK PENGARUH ADAT DAN SYARAK DALAM BUDAYA MINANGKABAU MENURUT DOMISILI PENDUKUNGNYA No.Unsur ABS SBK sebagai Jati Diri MinangkabauKomposisi Hipotetik Pengaruh menurut Domisili Orang MinangkabauKomposisi % RanahRantau 1.Adat80 [50?]20 [50/]100 2.Syarak20 [50?]80 [50?] 100 Komposisi %100100 Jakarta, 26 September 2006, SB:sb Angko-angko dalam tabel tu ambo buekduo alternatif. Nan indak dalam kuruang tu adolah pandapek ambo. Nan dalam kuruang tu adolah nan netral sajo, saimbang duo-duonyo. Para Dunsanak tantu buliah maubah-ubah manuruik pandapek para Dunsanak surang. Akan amat manarik, kalau sagalo angko ko kito jumlahkan, dan kito bagi, nanti akan dapek angko rato-rato sabagai pandapek kito basamo. Sia Dunsanak nan basadio maadokan 'polling' soal iko ?. Baa Ananda Miko jo Dunsanak Darul ? Sampai di siko daulu. Salamaik bapuaso. Wassalam, Saafroedin Bahar Want to be your own boss? Learn how on Yahoo! Small Business. -------------------------------------------------------------- Website: http://www.rantaunet.org ========================================================= * Berhenti (unsubscribe), berhenti sementara (nomail) dan konfigurasi keanggotaan, silahkan ke: http://rantaunet.org/palanta-setting * Posting dan membaca email lewat web di http://groups.yahoo.com/group/RantauNet/messages dengan tetap harus terdaftar di sini. -------------------------------------------------------------- UNTUK DIPERHATIKAN: - Hapus footer dan bagian yang tidak perlu, jika melakukan Reply - Besar posting maksimum 100 KB - Mengirim attachment ditolak oleh sistem =========================================================
