Ass,wr,wb. Kalau buliah ambo sato sangenek perihal perdebatan sengit antaro dunsanak Adrisman dan Indra, itu hanyo cabiak2 bulu ayam, paruah juo nan ka manyalasaikan. Itu nah Mak Bandaro Kayo nan ka manyalasaikan. Dalam diskusi, perdebatan buliah paneh tapi hati tetap dingin, cool ...cool...cool.
Kito sangaik beruntung punyo duo anggota nan piawai dan tangguh dalam berdiskusi dan berdebat. Kalau prinsip ini terus tercermin dalam prilaku sehari-hari, mako lawan bicara kito tentu akan berhitung sepuluh kali untuak menjatuh dan mengalahkan kito. Manuruik ambo kuncinyo hanyo ciek, dek kito jarang copy darek dan mungkin kaduo dunsanak ko alun pernah batamu muko barangkali, sahinggo masiang2 alun tahu karakter individunyo. Baa bana bantuak bahaso tubuh masiang2, mimik, intonasi dan langgam bertutur sapa. Kadang2 dalam berdiskusi hal nan ambo sabuik cako sangat mendukung jalannyo diskusi, sadangkan dalam kito berdiskusi di dunia maya ko, mimik, bahaso tubuh, intonasi dan langgam itu indak bisa kito wujudkan secaro nyato. Paliang2 kalau kito berang, tulisan nan kito tampilkan dalam bantuak huruf gadang dan kadang kala di bold, kalau bernada sendu diagiah huruf cetak miriang, sarato pemakaian tando baco nan lainnyo, seperti : titik, koma, tando kutip dll sebagainyo seperti apo nan alah pernah disampaikan dek pakarek-an ambo M.Ismet Ismail nan dari Pusri Palembang juo baru2 ko. Jadi diskusi nan tajadi di palanta ko manuruik pandangan ambo nan kurang dalam ilimu komunikasi ko (maklumlah ambo cuma kuli pabirik) adolah tidak lengkapnyo kito manggunokan komponen2 diskusi tadi sahinggo sering terjadi kesalah pahaman. Maap, ambo bukannyo maajari, bukannyo ambo ingin manunjuakkan ambo labiah tahu, maap, bukannyo ambo sok pintar, sebab mpok Oneng sama Bang Bajuri sering kenak marah oleh Emak. Sakian sajo ulasan dari ambo tentang apo nan Mak Bandaro Kayo sampaikan dalam hal duo dunsanak kito ko. Mungkin nan kadatang frekwensi kito batamu alias copy darek paralu ditingkekkan, seperti nan kito buek pado tgl 06-06-2004 nan baru lalu di Lap.Tenis. Sungguah ambo nan dari daerah ko sanang hati mahadirinyo, apolai bisa bamain tenis jo Apak Asmardi Arbi dan Rang Mudo RN. Talabiah raso persaudaraan nan alah ambo tarimo dari dunsanak Bandaro Labiah sarato kehangatan keluarganyo di Bogor dalam manarimo ambo jadi tamunyo samalam. Tarimo kasiah, sakali lai tarimo kasiah dunsanak. Wassalam, M.St.Bangsawan (47 th) Rang Sulik Ayie di Pusri Palembang > Ad dan Indra > > Ini jelas hanya kesalahpahaman. Walaupun belum pernah bertemu muka > (ketika diundang menghadiri pernikahannya saya berhalangan) saya sudah > cukup lama mengenal Indra di dunia maya. Meskipun dia tahu saya tidak > sepandai dia, sesekali dia mengirim tulisannya sebelum dikirim ke media > untuk dikomentari. Indra menyapa saya dengan uda atau mamak. Sebagai > pemikir dia teguh dan konsisten dan di milis---termasuk milis keras > seperti Proletar---dia siap beratrung dengan siapa saja untuk > mempertahankan apa yang dia anggap baik dan benar. Dia pernah juga > “marah” sekali waktu kepada saya, ketika saya ikut mengamini postingan > penyair Herry Latif di FID yang mengatakan dia brilian. Dia minta saya > tidak memuji-muji dia, tetapi mengritiknya, sebab bagi dia pujian bisa > menyesatkan sedangkan kritik akan membuat dia lebih tangguh. Sebagai > manusia, apalagi di usianya yang relatif muda tentu saja Indra tidak > luput dari berbagai kekurangan, tetapi saya berani mengatakan bahwa > walaupun sedang naik daun, Indra bukanlah seorang yang sombong atau > tinggi hati dan suka merendahkan orang lain. > >>>>>>>>>>>> Mak Ban, maap dikuduang disiko, bia indak bajelo-jelo ... ____________________________________________________ Berhenti/mengganti konfigurasi keanggotaan anda, silahkan ke: http://groups.or.id/mailman/options/rantau-net ____________________________________________________
