Assalamualaikum Wr.Wb.
Ambo satuju jo usul sanak untuak baturun mambantu sanak di Bengkulu. Ambo
satuju pulo jo usul Mak Ngah untuak mambantu TGM salah seorang pengurus RN
nan aktif dulu di RN ko. Kalau nan taralah awak mabantu musibah di
kampuang halaman, rasonyo patuik bana kalau awak kini mambantu anggota RN
nan kanai musibah. Kalau misalnyo bantuan nan takumpua untuak TGM cukup
banyak, mako bisa pulo disarahkan sabagian untuak mambantu sacaro labiah
luas, apokah rang Minang sajo atau sacaro umum di Bengkulu. Tapi
sabalunnyo, sarancaknyo dihubuangi TGM talabiah dulu untuak mandapek
informasi apo baliau ikuik kanai musibah dan baa musibahnyo. Apo ado sanak
nan bisa mahubungi TGM? No. telpon liau bisa ditanyokan ka Mak Ban dan
rasonyo panah ado dalam email Mak Ban dulu. Kemudian sia pulo sanak nan
bisa mangumpuakan bantuan ko?
Wassalam
dr
At 22:34 8/06/00 -0700, Sjamsir Sjarif wrote:
>At 12:14 AM -0700 6/6/00, muhammad dafiq saib wrote:
>>Assalamu'alaikum wr.wb.,
>> ...
>>Dikito nan lai kalapangan marilah samo baturun pulo untuak mangurangi
>>baban jo derita dunsanak-dunsanak awakko.
>>
>>Wassalam,
>>Lembang Alam
>>
>At 12:26 AM -0400 6/9/00, Boestamam Roestam wrote:
>>> Inna lillahi wa inna ilaihi raji'un.
>>>
>>> Apo dari rantau-net/RF alah ado rancana untuek mangumpuekan bantuan ala
>>> kadarnyo? Kok iyo, rancak awak cari jalur lansuang ka Bengkulu supayo
>>>sampai lah
>>> bantuan awak nan saketek tu. Ba a kiro2 di dunsanak kasadonyo?
>>> wassalam,
>>> Boes
>
>Mano Rang Lapau nan Basmo,
>
>Ikolah nan ambo tunggu-tunggu sambia maambaukan kaba malapetako ko dari
>sagalo sumber nan ado. Nan dakek di sinan Angku Bandaro komputer baliau
>kanai pituih. Mak Sati lai maagiah kaba mulo-mulo tapi jarang pulo kalua.
>Tiok gampo susualan ko takana dek kito Dunsanak kito di Bangkahulu nan
>sadang mandarito kasadonyo. Kito doakan kasabaran dan tawakkal para
>penderita. Mudah-mudahan bantuan dari segalo pihak datang sugiro dari
>sagalo panjuru untuak mambantu sacaro massal.
>
>Bagi kito di Lapau ko. Nan kito tahu basamo iyolah Dunsanak kito Angku
>Masdar alias Tan Galamainda sakaluargo baa lah kini. Kok indak dapeklah
>kito manolong Dunsanak nan Banyak tu, baa rasonyo kok kito baturun ala
>kadarnyo untuak disarahkan ka Tan Galamainda?
>
>Kapado Adidunsanak nan alun tahu jo Tan Galamainda bialah ambo tambahkan.
>Baliau tadinyo anggota Lapau kito dari Alabama, USA, nan sangat aktif
>batuka pikiran dalam ota kito basamo. Tapi sajak pulang ka Bangkahulu
>(maaja baliak di Universitas Bangkahulu) taputuih hubuangan kito.
>Mudah-mudahan dengan kajadian ko, kok hilang nak samo kito cari kok luluih
>samo kito salam. Kito cari kaba baritonyo, kito uluakan tangan basamo-samo.
>
>Salam,
>Sjamsir Sjarif
>
LAPAU RantauNet di http://lapau.rantaunet.web.id
Isi Database ke anggotaan RantauNet:
http://www.egroups.com/database/rantaunet?method=addRecord&tbl=1
=================================================
WEB-EMAIL GRATIS ... @rantaunet.web.id ---> http://mail.rantaunet.web.id
=================================================
Subscribe - Mendaftar RantauNet Mailing List, kirimkan email
Ke / To: [EMAIL PROTECTED]
Isi email / Messages: subscribe rantau-net email_anda
Unsubscribe - Berhenti menerima RantauNet Mailing List, kirimkan email
Ke / To: [EMAIL PROTECTED]
Isi emai / Messages: unsubscribe rantau-net email_anda
=================================================
WebPage RantauNet http://www.rantaunet.web.id dan Mailing List RantauNet
adalah servis dari EEBNET http://eebnet.com, Airland Groups, USA
=================================================
