[Rantau-Net]

[Henri Alia Putra]

manyimak lanjutan kaba Syahril Syahbirin ari kini, lah banyak nan kasak kusuak, diantaronyo ado komisi DPR nan basimpati, Amien Rais pun cando itu. kalau manuruik ambo politik lah babaliak ka orde baru dulu, cuman SS ko nan jadi korban. mungkin lai takana dek kito bahaso politik orba tu mambuek paniang urang banyak untuak manutuik parsoalan lamo. cando nan kito tau , masalah nan kiniko sangaik tasasak kito adolah mangarajoan masalah ekonomi, masalah ambon, bangkulu dst dst... nah kiniko ditambah pulo jo SU MPR bulan salapan isuak... jadi strategi nyo baa caro supayo pamerintahan tu indak tasasak. ambo bukannyo tukang takok.. tapi dari pangalaman nan talah daulu pasti sasudah masalah SS ko akan muncul masalah baru sahinggo masalah ko kabua sakabuanyo. tapi yo nan kito sayangkan disiko ado saketek diskriminasi... baa kok SS sajo nan ditangkok (?????) ,samantaro si Baramuli, jo si tanri abeng indak, atau memang urang awak kiniko ingin disipak dari pamerentahan , karano sipaik urang minang tu kan iyo terkenal jo cadiaknyo, kadang kadang ado malah nan agak stereang. na itam keceknyo yo itam nan putiah indak ka jadi abu abu .atau Pak SS ko indak bisa diajak bakarajo samo jo pamarentahan supayo masalah Bank Bali ko manjadi abu abu saketek wallahualam