Assalamu'alaikum wr.wb.,
Lembang Alam
CARO MANCARI PITIH (3)
Kalau pareman mamalak, lah samo tau juo awak. Tapi
kalau aparat nan mamalak tantu lain pulo caritono.
Biasono, kalau nan indak sanderehko, untuak manjago
namo korop (baa mambahaso awakano go �corps� ko)
disabuiklah �oknum�. Nan banyak jadi oknum dan baserak
di jalan gadang adolah �oknum� pulisi. Pulisi nan
mancari-cari nan tagendeang, antah urang salah jalan,
atau urang salah baranti, langsuang di�priit�. Itu
caro dulu, caro kini alah labiah �sopan�. Disuruah
urang katapi, cukuik jo aba-aba tangan, datang maagiah
horomaik (baangkek bana tangan kakapalo), sudah itu
babaso basi saketek, �bapak tau nggak barusan masuk di
lampu merah.� Kalau iyo lah salah a juo lai, nan
samustino tantu ditilang. Kalau urang nan basalahko
balagak andia, iyo pak ambo salah, sudah, tilang
sajolah, mako pulisi kamaagiah �nasiaik�. Bapak datang
saja nanti sidangnya hari itu. Tapi jamnya saya nggak
tahu, mungkin pagi mungkin siang. Kalau kira-kira
bapak nggak akan repot ya silahkan�.dst�dst.� sambia
tanganno mamacik-macikan balangko surek tilang.
Aratino? Kalau bapak mau, lebih baik kita damai saja.
Iko kalau basobok jo nan pura-pura andia taditu, nan
digiriang supayo kasudahanno badamai sajolah. Masuak
juo pitih.
Kalau iyo awak salah, kabaa lai. Nan sakik ati awak
katiko awak kanai parangkok. Sakali ari akaik, di
jalan Daan Mogot arah ka Tangerang, ambo distop dek
pulisi nan tagak bakalompok di tapi jalan ado 5-6
urang. Sabalun ambo alah distop pulo duo tigo buah
oto. Ambo sangko ado razia, katapi ambo. Tibolah
sersan surang, maagiah horomaik sarupo taditu,
mananyoan surek-surek sarupo biaso. Ambo tanyoan
�razia apo ko pak?�. Bukan razia, kecekno, bapak
menerobos lampu merah!. Hah? Lampu merah dima, indak
ado bagai simpang dakek itu doh, kecek ambo.
Ditunjuakaanno, lampu merah tagantuang, nan tatutuik
dek daun kayu, dakek �zebra cross� nan biaso dilalui
buruh manyubarang. Lampu tu sabana tasaok. Itu lampu
merah buat apa? Tanyo ambo. Dan baa mangko tasaok
sarupo itu. �Kalau bapak pelan-pelan pasti melihatnya,
itu lampu merah untuk orang menyeberang.� Eei iyolah
kapunduang kecek ambo, kalau baitu barasiahkan malah
daun nan manyaokino tu. Mako baulanglah carito tilang
atau indak tilang cako. Kecek ambo pulo silahkan
tilang, atau kalau indak silahkan di denda langsung
saya di sini, buekan surekno kecek ambo.
Ado pulo nan alah sarupo balangganan mambaia uang
takuik. Di tangah jalan lintas Sumatera, katiko ambo
sadang bairiang-iriang jo oto parah gadang, nampak
bana di ambo sitokar oto parahko maampokan pitih, ee
lapeh, kirono uang karateh limo ribu. Oto jalan
taruih, indak baranti bagai doh. Nan maampokan galak,
nan manarimo galak, samo galak kaduono, ambo sajo nan
tabulalang mancaliak.
(basambuang insya Allah)
__________________________________________________
Do You Yahoo!?
Get email at your own domain with Yahoo! Mail.
http://personal.mail.yahoo.com/
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
