Angku Dave:
pana katiko tu di tayangkan di --antah te-ve-er-i- atau er-ce-te-i-- di ari
jumaik urang2 ko di drop jo kijang di lokasi halim dakek tumpukan sampah nan
talinduang dari jalan gadang.jadi batue ado organisasinyo tampaknyo.
ah di canada ado juo urang tu. nan sabananyo pamarentah canada ko
'maharamkan' panduduaknyo untuek minta sadakah ka urang. sabao
pamarentah mambantu iduik wajar.
wajar dalam arti, kebutuhan perumahan jo makan se-hari2 bagi penganggur
dibantu cuma2 dek pamarentah. jadi inyo cukuik datang ka lokasi
depsos dan di data kemampuan perekonomiannyo. sudah tu alah tu,
satiok bulan ba kirimkan dek depsos cek,
nah cuma, urang2 ko, dek kalamaan, inyo bae mahisok; minun2 singgo
tantu se indak cukuik. rokok tu disiko sabana barang mewah, apo lai
untuak acara 'nyekek' boto nan tardisi urang2 disiko satiok jumahaik malam.
mangko tu inyo pai maminta sadakah dan indak paduli ari sadang dingin
basalju bagai, inyo lampok dek salamuiknyo utk ma-minta2.
macam2 aka urang tu, inyo bukakan pintu masuek untuak urang2 di
mall2. nan kasa juo ado kok tibo urang indak ma agiah ka inyo.
nan lamak ado para professional nan bamain musik, dan iko asyik awak
dek nyo. ado disiko laki-bini nan co itu. lakinyo ba main biola, bininyo
bamain organ malantunkan lagu2 klasik atau pop. ah, banyak tu paragiah
urang ka mareka.
ba itulah Angku Dave , serba serbi minta sadakah disiko.
indak saroman di Paris, disiko terlarang maminta sadakah di 'metro' atau
'subway' di kami. jadi urang indak buliah tagaduah ke tanangannyo dlm
bajalan.
wassalam,
Boes
----- Original Message -----
From: Muhammad Dafiq Saib <[EMAIL PROTECTED]>
To: <[EMAIL PROTECTED]>
Sent: Sunday, March 18, 2001 9:02 PM
Subject: [RantauNet] Caro Mancari Pitih
> Assalamu'alaikum wr.wb.,
>
> Lembang Alam
>
> CARO MANCARI PITIH (4)
>
> Ado pulo carito urang mintak sidakah. Baiak nan di
> lampu-lampu merah, ataupun di jambatan-jambatan
> panyubarangan, di gang nan banyak dilalui urang, di
> pasa atau di ma sajo. Ado nan iyo cacaik, antah buto,
> antah lumpuah, antah pontong kaki, tapi nan agak unik
> adolah induak-induak sambia mamangku bayi,
> kadang-kadang sambia manyusuan paja ketek tu bagai di
> tapi jalan. Dek lalu di jalan nan ampia samo tiok
> ari, jadi paratian juo diambo, ado urang satangah bayo
> nan biaso mintak sidakah dilampu merah sambia bajalan
> tatatiah-tatiah sarupo urang lameh sangaik. Sakali
> wakatu katiko ambo lalu labiah pagi dari biaso nampak
> baliauko bajalan sangaik sihaik, tagok jalanno kaarah
> tampekno baoperasi. Katiko tacaliak bana diambo mukono
> dibaono manakua, mungkin taraso juo malu agakno.
>
> Pakaro urang mintak sidakahko ado pulo nan agak
> istimewa ciek, nan biaso baoperasi di lampu merah
> 'parapatan' Halim kalau awak dari arah tol Cikampek.
> Ado urang gapuak maosoh-osoh di jalan mangamehi pitih
> nan di ampokan urang. Maosoh-osohko rupono kalau
> sadang dinas sajo, sabab kalau alah salasai biko,
> tagakno elok-elok, bajalan pulono elok-elok.
> Kudian-kudianko bana alah agak jarang nampak. Antah
> kok dek alah samakin jarang urang amuah maampokan
> pitih dek tau baliauko nan sabanano atau ado sabab
> lain indak jaleh diambo.
>
> Ado juo urang-urang gaek padusi, biaso di tapi-tapi
> jalan juo, biasono pagi-pagi bana diturunan urang dari
> oto barombong-rombongan. Nampakno nan sarupo iko ado
> pulo 'koordinator'no.
>
> Nan agak manyadiahan katiko tau nan bahaso anak-anak
> padusi mudo bajilbab nan biaso mintak sumbangan sambia
> maonyokan kotak sumbangan antah untuak anak yatim
> antah untuak pambangunan musajik, tanyato manuruik
> surang ustad di musajik ambo adolah urang cadiak aka
> mancari pitih untuak no surang dibawah koordinator
> pulo. Ustad nan bacaritoko sakali wakatu pai bana
> mairingan kama paino sasudah baoperasi gadih-gadih
> bajilbabko nan tanyato katampek pamondokan nan bukan
> rumah yatim, bukan musajik, bukan sakola agamo.
> Disalidikino bana apokoh paja-pajako mangumpuaan pitih
> untuak diantakan kapanguruih musajik di daerah anu,
> tanyato indak. Antahlah kalau sakalian padusi bajilbab
> nan manyorong-nyorongan kotak di Jakartako iyobana
> sarupo itu atau ado nan sungguah-sungguah mancari
> sumbangan untuak musajik. Paliang indak dek carito
> tadi jadi ragu-ragu awak kabaragiah.
>
> Pakaro mintak sumbangan sabanano banyak modelno. Ado
> nan datang karumah-rumah, mambao daftar, mambao surek
> pangantar nan bacap basetempel, kadang-kadang ado foto
> bangunan (musajik) bagai. Kecek ustad lain pulo nan
> sarupo ikopun banyak nan kicuah. Panah datang urang
> mintak sumbangan sarupo iko, ado daftar-daftar
> panyumbang dari tampek nan agak bajauhan jo tampek
> tingga ambo, tapi sumbanganno gadang-gadang, saratuih
> ribu, limo puluah ribu. Awak indak baprasangko buruak
> doh, tapi iyo paralu juo awak agak bahati-hati. Sabab
> kalau tanyato sumbangan-sumbangan ko iyo bana kicuah
> jadi sato pulo awak badoso.
>
> Sakitu pulo dulu.
>
>
>
> __________________________________________________
> Do You Yahoo!?
> Get email at your own domain with Yahoo! Mail.
> http://personal.mail.yahoo.com/
>
> RantauNet http://www.rantaunet.com
> =================================================
> Mendaftar atau berhenti menerima RantauNet Mailing List di
> http://www.rantaunet.com/subscribe.php3
>
> ATAU Kirimkan email
> Ke / To: [EMAIL PROTECTED]
> Isi email / Messages, ketik pada baris/kolom pertama:
> - mendaftar: subscribe rantau-net [email_anda]
> - berhenti: unsubscribe rantau-net [email_anda]
> Ket: [email_anda] = isikan alamat email anda tanpa tanda kurung
> =================================================
> WebPage RantauNet dan Mailing List RantauNet adalah
> servis dari EEBNET http://eebnet.com, Airland Groups, USA
> =================================================
>
RantauNet http://www.rantaunet.com
=================================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke / To: [EMAIL PROTECTED]
Isi email / Messages, ketik pada baris/kolom pertama:
- mendaftar: subscribe rantau-net [email_anda]
- berhenti: unsubscribe rantau-net [email_anda]
Ket: [email_anda] = isikan alamat email anda tanpa tanda kurung
=================================================
WebPage RantauNet dan Mailing List RantauNet adalah
servis dari EEBNET http://eebnet.com, Airland Groups, USA
=================================================
