Assalamu'alaikum wr.wb.,
Aa bana sabanano nan di mukasuik jo hukum Islam, jo
tagakno syariat Islam, mungkin banyak awak nan indak
tau tapi alah alergi sajo talabiah dulu sainggo awak
mancap bahaso hukum Islam tu 'biadab', indak
baperi-kamanusiaan, ingin menang sendiri dsb. dsb.
Walaupun bukan urang nan bakacimpuang jo masalah
hukum, bukan sarjana hukum, tapi sabagai urang awam,
tanpa manggunoan istilah nan dinjelimet-njelimetkan,
mudah-mudahan awak sapandapek nan bahaso guno dari
hukum itu adolah untuk manjamin kadamaian, sarato
kaadilan bagi umaik manusia, supayo nan gadang jaan
sampai malendo nan lamah, nan gapuak jaan sampai
mamakan nan kuruih, nan santiang jaan sampai manjua
nan bodoh dst. Mako paralu ado sangsi bagi urang nan
malangga 'hukum', urang itu dikanaikan hukuman. Ikolah
nan balaku dimaa-dimaa sajo ado kumpulan manusia.
Namun kaadilan itu kadang-kadang bisa juo dibali, bisa
sajo urang nan alah babuek laku nan malangga hukum,
tapi dek awakno santiang, atau kayo, atau cadiak, atau
galia, atau pandai manipu sainggo urang lain jadi
takicuah nan bahaso awakno alah salah sainggo indak
jadi kanai sangsi atau hukuman. Itulah caro
pangaratian hukum nan balaku sacaro umum di ateh
duniako. Walaupun awak nyato-nyato salah, tapi dek
karano dibela dek pambela santiang nan sangaik pandai
mambuek pambelaan bisa sajo urang nan basalah lapeh
dari hukuman atau bahkan urang nan lain jadino nan
kanai. Itulah caro malatakan hukum 'dunia'.
Islam maajaan labiah dari itu. Keadilan nan diajakan
dek Islam adolah untuak dunia jo akhiraik.
Hukum-hukumko bagian-bagian nan pantiangno langsuang
diwahyukan Allah SWT dalam al Quran. Mako mandanga
awak dari al Quran tantang hukum qisas, tantang hukum
dera atau rajam, hukum potong tangan, nan kasadoannoko
adolah untuk kamashlahatan manusia hiduik di dunia
sampai kaakhiraik. Allah SWT nan manantukan hukum
sarupo itu. Simaklah sabagai contoh ayat Allah dalam
surek Al Baqarah ayat 178 tantang hukum qisas,
mambalehkan baliak hukum bunuah kapado si pambunuah,
kacuali kalau ahli waris dari nan tabunuah mulo-mulo
mamaafkan. Caliak pulo katatapan Allah untuak urang
nan pazina di surek An Nur surek 24 ayat 2, dimaa
Allah manyuruah dera saratuih kali urang-urang nan
pazina tu, nan jo contoh dari Rasulullah SAW caro
mandera itu adolah jo marajam, mambae jo batu sampai
mati. Iko kecek Allah dalam al Quran. Alergi bana
urang nan tipih kaimananno mandangan nan sarupo iko
bahkan sampai mangecekan nan bahaso hukum sarupo itu
biadab, hukum Allah dikecekanno biadab, na'utzubillah.
Apo sabanano esensi hukumko sacaro Islam? Aratino bana
adolah bahwa hukuman itu adolah katatapan Allah nan
kalau indak dikarajoan sangsino di ateh duniako, jaan
disangko kasalasai sajo urusan, karano nanti di
akhiraik Allah akan manjatuhkan hukuman barupo siksa
narako, dan hukuam di akhiraik itu jauah labiah barek.
Urang buliah sajo manang pakaro dek pitihno banyak,
atau dek karano awakno bisa mangalabui hukum jo carono
sandiri. Urang bisa sajo mangecekan nan bahaso awakno
malakukan zina itu jo dasar suko samo suko, jadi jaan
digaduah pulo hak azazino jo hukuman, santiangkan?
Tapi hukuman Allah akan balaku isuak di pangadilan
Allah di hari pambalasan. Di hari nan kasadoan tingkah
laku, parbuatan, kasalahan satiok manusia akan di
pacaliakkan sampai saditail-ditailno. Cubolah simak
firman Allah dalam surek al Zalzalah (99) ayat 7 jo 8.
" Barang siapo nan malakukan kabajikan walau sagadang
biji zarrah, niscaya akan manampakno baliak. Dan
barang siapo nan babuek kajahatan walau sagadang biji
zarrah niscayo akan manampakno baliak." Indak ado nan
kalupuik ciek juo. Baa caro Allah manjagoi satiok
umaik manusia nan sabanyak itu, kok ado pulo nan
santiang bagai batanyo sarupo itu. Allah adokan bagi
satiok manusia tu pangawal, malaikat nan khusus
mancataik satiaok amal parbuatan manusia cako. Cubo
pulolah caliak di surek Qaf (50) ayat 16, 17, 18 "
Dan sesungguhnya Kami menciptakan manusia dan Kami
mengetahui apa yang terguris dalam hatinya. Dan kami
lebih dekat kepadanya dari urat lehernya. Ingatlah
ketika dua malaikat mencatat duduk sebelah kanan dan
kiri. Setiap perkataan yang diucapkan seseorang selalu
hadir disisinya malaikat pengawas."
Mako baliak kamasalah hukum dalam Islam, tujuanno
adolah untuak kamashlahatan dunia sampai akhiraik.
Mako urang nan ikhlas manarimo hukuman itu di dunia,
sabab awakno alah basalah, mako salasai sudah urusanno
di sisi Allah, isuak di akhiraik awakno indak
kadihukum lai. Jo dasar kaimanan nan sarupo itulah
surang padusi nan talanjur bazina di jaman nabi,
datang ka baliau SAW mintak dihukum sacaro Islam
diateh duniako. Diagiah Nabi SAW kasampatan untuak
manundo-nundo mamjatuahkan hukuman tad, manyuruah
mananti sampai anak nan dikanduangno sasudah bazina tu
lahia, sudah itu biko disuruah pulo baliak manyusuan
anak ketek itu dulu sampai baumua duo tahun, namun
awakno tatap tegar, satiok kali janji jo nabi untuak
panundaan wakatu salasai awakno baliak baliak ka Nabi
minta di hukum, dan akhirno awakno dijatuhi hukuman
rajam. Nabi bahkan mangecekan ikolah contoh iman nan
sanagik kuaik dan panuah paretongan. Sabab urang
padusi itu takuik manarimo hukuman itu isuak di
akhirai dari Allah. Sabab awakno tahu nan bahaso
hukuman diakhiraik jauah labiah barek. Hukuman diateh
dunia, samisal dihukum qisas, atau dihukum bunuah
baliak dek awak alah mambunuah, sasudah hukuman
dijalankan indak bagai kataraso sakik lai doh,
paliang-paliang babarapo saat sajo awak marasokan.
Baitu juo hukum rajam, kecekanlah, mungkin alun abih
batu nan saratuih tibo di badah angok alah pudua,
indak taraso lai sakik. Tapi hukuman diakhiraik jauah
labiah manakuikkan. Kok nak ingin dapek gambaran baa
bana hukuman di akhiraiktu cubolah baco surek - surek
pendek di penghujung Al Quran (misal surat Al Haqqah,
surat al Muzammil, surat al Qiyamah dst).
Mako ado urang, di Indonesiako, atau di duniako nan
ingin nak managakkan hukum Islam sarupo itu, adolah
karano dorongan iman pulo. Maikuki himbauan Allah agar
tatap ado di antaro umauikko sabagian urang nan tatap
bausao untuk menagakkan kabanaran, manyuruah bauek
baiak, managah urang babuek mungkar. Iko himbauan
Allah sarupo nan tasurek didalam surek Ali Imran (30)
ayat 104 (tolong dibaco surang). Urang-urang sarupoko
adolah urang nan maingekan, jaan sampai awak nan
mangaku bariman ka Allah, ka hari akhiraik samapi
marugi baiak di dunia maupun di akhiraik nanti. Tapi
urang-urang nan sarupo iko memang pulo mahadang resiko
di musuhi urang, difitnah urang, diparangi urang.
Ambiak contoh urang-urang nan bagabuang di lasykar
jihad, di FPI, atau kelompok Usamah bin Ladin, apo
awak yakin nan bahaso marekako 'teroris' sarupo nan di
hambuih-hambuihan urang nan banci, nan alergi jo
Islam. Apo awak punyo bukti tantang itu? Kalau indak
elok dipaliaro diri, dipaliaro lidah, jaan sampai awak
mamfitnah pulo sasudah itu. Manusia bisa sajo sakali
lai mambuek opini, manyalahkan nan batua, mamburuakkan
urang nan indak disukoino, bahkan bisa mamarangino
bagai. Urang-urang sarupo iko maraso saolah-olah
awaknao alah babuek adia. Padohal Allahlah Nan Maha
Adia. Kapado Allahlah baliak sagalo urusan.
Sasungguahno Allah adolah nan saelok-elok hakim.
Itu sajolah dulu. Mudah-mudahan ado manfaat.
Billahit taufiq wal hidayah
Wassalamu'alaikum wr.wb.,
Lembang Alam
----- Original Message -----
From: "J.Dachtar" <[EMAIL PROTECTED]>
J.Dachtar---> Ambo satuju jo sanak. Alasannyo: bumi ko
diciptakan
Tuhan untuak umat manusia, indak untuak urang Islam
sajo do. Justru
Al Qur'an alah maajakan baa ba-sosialisasi sacaro adie
jo urang nan
balain agamo tanpa harus marugikan urang sakaligus
aqidah agamo awak
tajamin. Kalau sasamo umat Islam awak badusanak, jo
urang lain awak
wajib maharagoi sabagai makhluk ciptaan Tuhan.
my--> Memang angku JD, dunieko diciptakan untuak kito
manusia, bahkan
untuak penghuni sekalian alam, tapi yang
menciptakannyo itu sia????,
Tuhan umat Islamkah atau tuhan umat lain.
Dalam melakukan syariat islam yg dimaksud dunsanak
Rizal dan juo
syariat islam nan dimakasuik dunsanak2 kito
nansalamoko maraso
mempejuangkannyo, bukan bertujuan untuak merugikan
umat lain, tapi
untuk Rahmat bagi sekalian umat, rahmat bagi sekalian
alam.
Jadi sinkeknyo.... manga awak umat islam sampai takuik
dengan syariat
islam nan diperjuangkan kawan2 seperti FPI itu??
B. Hasan---> Nampaknya logika Suara Hidayatullah yang
diposting oleh
engku Muhammad Rijal yang nggak jalan, bagian terbesar
muslim
indonesia toh nggak setuju dengan disebutkan dalam
uud: "dengan
kewajiban menjalankan syariat islam bagi pemeluknya".
�Kami sendiri
justru menganggap sikap rekan-rekan yang kebelet
syariah itu adalah
sikap munafik dari para pembajak islam seperti halnya
osamah bin
laden, lasykar jihad dll. Mereka ingin berkuasa lalu
dipakai jalan
gampang yaitu agama, sehingga bisa terjadi paham orang
lain haram dan
orangnya boleh dipancung.
my--> Angku mangecekan sebagian umat muslim indonesia
ndak setuju
dengan apo yg ado di uud/Piagam jakarta.
Ambo katokan disiko, sabatuanyo nan MUNAFIK adolah
urang muslim nan
takuik dengan syariat islam.
Ambo akui juo, mungkin memang ado sebagian kecil dari
urang2 tuh nan
cuman manjua untuak kepentingannyo, tapi cubolah
pikiakan, inokkan
bana dek angku2 nan alah cukuik lamo menikmati hiduik
di muko bumiko,
bagaimano caronyo untuak menyelamatkan kami, generasi
nan masih anyia-
anyia ko dari cengkraman zaman nan samakin hari
samakin gilo.
Ambo heran.... angku B. Hasan mangecekkan usamah bin
laden, laskar
jihad dan lain2 nan mamparjuangkan syariat islamtu
pembajak islam,
angku ndak mancaliak urang seperti osama itu, seorang
milyiuner, nan
mano pitihnyo itu dibagikan kapado urang2 nan indak
mampuuu....
mambantu urang2 nan tertindasss.....
kalau baitu angku alah samo pulo jo amerika mahhhhh
B. Hasan----> Bangsa ini malas melihat sejarah,
cobalah lihat apa
yang terajdi dalam perang Padri di Minangkabau dan apa
yang terjadi
di masyarakat sesudah itu, menurut saya istilah Tempo
sudah sangat
pas sekali.
my---> Yang ambo tau dalam perang Padri adolah
rukunnyo dan saling
bahu membahunyo kaum adat jo kaum ulama diranah
minang, semua itu
adolah akibat penjajah lahnat yang notabene adalah non
islam.
Dan istilah tempo itu adalah profokator yang tidak
bertanggung jawab.
Wassalamualaikum Wr, Wb
T. Lare
__________________________________________________
Do You Yahoo!?
Check out Yahoo! Shopping and Yahoo! Auctions for all of
your unique holiday gifts! Buy at http://shopping.yahoo.com
or bid at http://auctions.yahoo.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
