Sanak Jo Angek jo Titik, Batua juo kecek sanak Titik tu. Kalau dikaji, NU, MUI dan ICMI tu aratinyo samo, yaitu organisasi untuk membangkitkan dan mangambangkan ilmu. Tapi baa mangko asosiasi awak jadi babeda? Sabab awak labiah mamantiangkan namo dari pado isi dan mampasampik caro bapikie dan ruang gerak jo namo tu, sahinggo dibedo-bedokanlah urang-urang muslim tu manuruik namo kelompoknyo. Cubolah kito caliak, bara banyak urang bailmu/sarjana nan indak bisa/indak biaso disabuik ulama, pado hal nan maagiah predikat sarjana tu adolah lembaga2 nan diakui dunia sebagai lembaga keilmuan. Itu contoh sampiknyo pandangan kito. Indak pulo bisa disasa kalau kualitas urang nan disabuik ulama tu jadi co itu. Sia dan lembaga ma nan lai mamikiekan kesejahteraannyo, inyo kan manusia nan butuh hiduik layak pulo tu. Di awak satiok nan baasosiasi jo agamo salalu dipandang dengan konsep lillahi ta'ala, alias murah kalau indak gratis. Kok guru agamo maunyo awak bayie murah, tapi kalau artis awak namuah mambayie bara sajo. Ambo parnah takajuik, dalam suatu seminar tantang Dana Pensiun, katiko acara tanya jawab, tanyato salah surang nan batanyo manyabuik dirinyo dari Dana Pensiun Gereja. Masya Allah! Baitu di urang, baa di awak? Jan ka soal pensiun lai, untuak hiduiknyo sa-hari2 se indak ado nan mau tahu doh. Di zaman nan mautamokan profesionalisme dan spesialisasi ko paralu dikambangkan : Urang nan maraso dirinyo ulama/mubalig/da'i paralu mamikiekan dan barusaho untuk mamanuhi kebutuhan hiduiknyo jo usaho-usaho sendiri nan profesional. Inyo harus jadi contoh baa bana nan khaira ummah (golongan terbaik) dan rahmatan lil 'alamin (memberi manfaat bagi alam sekeliling) itu, sahinggo indak manjadi baban masyarakat. Awak nan indak maraso ulama tapi tatap sebagai umat Islam tantu bakawajiban pulo manyasiahkan kelebihan penghasilan kito untuk mambiayai urang2 nan mangarajokan apo nan indak bisa kito karajokan, sabab dunia ko indak ka salasai diawak surang doh. Itulah fungsinyo zakat, infaq jo sadaqah (ZIS). Kalau awak ingin hasil karajo urang tu profesional, tantu panyediaan dananyo harus profesional pulo, indak sakadar receh2 sajo doh. Jan sampai mamakan nak roti, tapi mambali nak ubi. Urang2 nan maraso punyo ilmu tantang ZIS kito arokkan mampu mangalola BAZIS nan kini lah dikukuhkan jo undang2 dan bisa direstitusikan jo pajak. Cubolah tunjuakkan ka umat baa mangalola ZIS tu nan batua dan bisa manjadi jalan kalua untuk maningkekkan kesejahteraan umat, tarutamo bagi mereka2 nan mangaku atau maraso bajuang untuak agamo dan umatnyo. Kalau umat nan banyak, tantu akan rela se manunaikan zakat nan jaleh2 parentah Allah tu salagi pengeloaannyo batua dan bisa manjadi jalan kalua dari panyakik masyarakat di bidang ekonomi kini ko. Ubek ditawarkan, sia lo urang nan indak ka namuah pulo. Sagitu pulo daulu, mudah2an awak indak sasa-manyasai lai nan ka datang sasudah bamaaf-maafan di rirayo. Wassalam.
RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
