Ambo ikuik bakomentar saketek sanak. Kolo wak liek sariat islam dengan kaco mato kiniko memang sangaik lah manakuikkan mamusiangkan dan mangambirakan , mahzab nan ado 6. Kolo ambo urang awam ko bataqliq sajo, cuman masalahnyo sia nan bisa awak picayo dalam mangaluakan fatwa tantang banyak hal. Jumaat nan saharusnyo manjadi samacam tampek mangaluakan tema tema nan barubungan dengan fatwa dalam sariah manjadi ndak jaleh bantuaknyo, tema tema nan dibawokan lah bacampua jo tema nan saharusnyo disampaikan dengan dialog. Kamudian MUI nan salamoko awak arokkan mambenahi banyak hal tajebak jo susahnyo cari makan. Ditambah lai kurangnyo pangharagoan urang banyak taradok ulama, jadinyo mereka yo malacuakan diri ka nan banyak pitih.
Saharusnyo satiok kalompok masyarakaik manyisihkan haratonyo untuak ulamo, gunonyo untuak biaya hiduiknyo dan biaya manambah kapustakaanyo, tapi kan kabanyakkan urang bapikia ulama tu orang hebaik ancaknyo puaso puaso sajo, ilumunyo dapek dari kakaramaiak.an dan ndak paralu baco buku banyak. jadinyo kajadian cando kiniko. sibuk jo tujuanyo ndak mamahami kerangka dasarnyo. Diparalukan urang urang nan bakapalo lapang untuak marekonsruksi aturanyo dengan bana, ditambah lai ikatan prasayarat manjadi ahli hukumtu demikian rumiknyo. Budaya debat nan manajak naik dalam rangko marekosruksi kabanaran saatko, diurang islam lah direduksi dengan anggapan bakal marusak silahturahmi, jadinyo nan tajadi kapia mangapiakan dan samakin manjauhnyo tema tema iko dari rang banyak. Dalam realita wak liek baitu banyak tamatan alazhar dan sikola sikola nan lah diyakini mumpuni dalam marekonsruksi aturan sariat islam akan tatapi pabedaan pandapek salalu ado dan kacandrunganyo saliang bakubu kapandapek surang surang. Mudah mudahan dengan mulai banyak nan ma pabincangkan, benturan nan merekonsruksi bangunan sariat islam bisa tacapai. Salam dari rang akaik ----- Original Message ----- From: <[EMAIL PROTECTED]> To: <[EMAIL PROTECTED]> Sent: Wednesday, December 26, 2001 4:32 PM Subject: Re: [RantauNet] Siapa Mau Syariat Islam "Cap Babi"? Saudarku Titik. Partamu sakali Mina 'aidin wal faizin dululah dan maaf lahir dan batin. Pada prinsipnyo awak sapandapek bahwa syari'at Islam itu bersumber dari sunnatullah (ketentuan Allah) yang berlaku mutlak dan universal terhadap ciptaanNya, yang secara sekuler disebut hukum alam.Jadi indak salalu nan babau Arab tu bisa disebut Islam doh. Apo lai kalau hanyo sakadar atribut2 lua nan artifisial, nan kadang2 sering digunokan untuk menutuik-i kalamahan hakiki kito sabagai manusia. Nan paralu bagi kito sabagai umat nan hiduik di zaman nan memang lah barubah kini, adolah baa ma-aktualisasikan prinsip2 aqidah tauhid yang masih ingin kito anuik untuak ma-adok-i masalah hiduik kini. Hiduik nan sasuai jo sunnatullah tu adolah hiduik nan sasuai jo hukum2 nan berlaku mutlak dan universal di alam nangko. Sunnatullah nan mutlak dan universal tu hanyo bisa dipahami dengan iptek nan sitimatis dan logis. Jan ma-nutuik2-i kemalasan mampalajari hukum2 sistimatis dan logis dari Sang Pencipta tu jo hal-hal nan indak logis, sabab itu nan mambuek umat ko indak maju2. Itulah pandangan ambo Sanak. Nan ambo mukasuik caro bapikie nan indak logis itu pun baitu. Banyak diantaro kito nan mangaku sebagai umat terbaik ( khaira ummah ukhrijat lin naas), tapi indak bisa mambuktikan kapado dunia dengan karya2 terbaiknya. Awak se nan mangecekkan awak santiang, tapi dunia indak mangakui doh. Aa tuh? Kok ditanyo a bukti, kok iyo awak umat terbaik, jawabnyo sering, nan penting kan di akhirat nanti. Ee yayai! Kok iyo akhirat tu nan lebih penting, a gunonyo nabinyo bajuang mampataruahkan angok dulu, kalau indak untuk mambuktikan keunggulan Islam kepada umat manusia. Dan kok iyo akhirat juo nan labiah paralu dinyo, capek selah pai akhirat tu, manga juo awak batahan di dunia nan indak penting ko. Kan baitu Sanak? Jadi jaanlah Sanak pancapek tuduah tu. Bilo pulo ambo mangecekkan barasao nan syari'at Islam tu hanyolah nan disusun pado zaman Umar jo Usman tu sajo? Apo lai kalau di-kait2-kan jo Mu'awiyah nan anak Abu Sofyan, mantan lawan barek Nabi di Makkah dan kamudian majauhkan Islam dari para keluarga dan sahabat Nabi dengan mamindahkan pemerintahan ka Damaskus nan sekuler tu, aa batambah jauah panggang dari api tu Sanak. Sudah tu ambo satuju jo niaik urang Minang kumbali ka adaik basandi syara', syara' basandi kitabullah, tapi jan dibaliak sanak, kitabullah basandi syara', syara' basandi adat. Kok sampai sarupo nan kaduo, aa itu samo jo kritik Sanak sandiri bahwa nan syara' to indak nan barasa dari budaya Arab doh. Sagitu dulu Sanak. Mudah2an batambah arek ukhuwah awak, baiak sabagai ssasamo muslim mapun sasamo Minang. Wassalamu'alaikum wr. wb. RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
