Assalamu'alaikum wr.wb.,
Nampak di ambo babarapo hal nan manimbuakan tando
tanyo dalam uraian di bawahko. Ambo mampatanyokan
namo jo gala rajo nan mambuek kerajaan Koto Batu di
Pariangan yoitu Sultan Sri Maharajo Dirajo. Manuruik
carito disiko nampakno iko nan jadi asa-usua nagari
Minangkabau, jauah sabalun kerajaan nan ado di
Pagaruyuang (Cati Bilang Pandai, pambantu Sultan Sri
Maharajo Dirajo, kawin dengan Puti Indo Jalito,
mandapek anak nan kamudian bagala Dt. Prapatih nan
Sabatang). Batuakah baliauko bagala Sultan. Sultan
adolah gala rajo Islam dan kato sultan itu sandiri
barasa dari bahaso al Quran. Apo urang Minang alah
baagamo Islam sajak sabalun karajaan Minangkabau nan
di Pagaruyuang tu?
Baitu pulo jo namo nagari Limo Kaum nan di sangkuik
pauikan jo namo limo urang nan 'kaum'no nan mamuloi
mambuek nagari. Sakali lai 'kaum' ko bahaso Arab,
bahaso nan baru datang ka nagari awak sasudah Islam
tibo. Apokah kalau baitu sajak asa-muasa nagari
Minangkabau ko alah baugamo Islam?
Islam dipakirokan masuak ka pulau Sumatera, kakarajaan
Pasai di Aceh di sakitar abaik kasabaleh, atau mungkin
labiah awal pado itu. Sadangkan ka Minangkabau jauah
labiah kudian (kacuali mungkin di Pasisia sarupo
Tiku, Pariaman, Ulakan nan sajaman jo nan di Aceh).
Pagaruyuang di jaman Hayam Wuruk jadi rajo Mojopahit
(patih Gajah Mada ditahun 1350 an) masih baugamo
Hindu.
Jadi kalau sijarah nan awak bacoko tajadi alah dijaman
Minangkabau nan Islam baarati alun lamo bana lai tu
doh, mungkin baru sakitar tahun 1400 - 1500an atau 500
taun nan lapeh. Kalau iyo pulo sarupo itu, jadi sampai
di sinan sajo sangkuik sijarah nagari Minangkabau?
Lai nan kamanukuak?
Wassalamu'alaikum wr.wb.
Lembang Alam
"Adyan" <[EMAIL PROTECTED]>
Sent by: [EMAIL PROTECTED]
01/26/02 10:05 AM
Please respond to rantau-net
To: <[EMAIL PROTECTED]>
cc:
Subject: [RantauNet] Luhak Tanah Data
Tanah Data
[ Home ] [ Up ] [ Tanah Data ] [ Dusun Tuo ] [
Pariangan ] [ Limo Kaum ] [ Sungai Tarab ] [
Pagarruyuang ]
Luhak nan Tuo
Pariangan
Adolah Sultan Sri Maharajo Dirajo mambuek kerajaan
Koto Batu di Pariangan, dengan pembantu utamo Cati
Bilang Pandai dan Datuk Suri Dirajo.
Pariangan Padang Panjang
8 Koto di Ateh
Guguak - Sikaladi
Paraingan - Padang Panjang
Koto Baru - Sialahan
Koto Tuo - Batu Basa
7 Koto di Bawah
1. Galogandang
2. Padang Lua
3. Turawan
4. Balimbiang
5. Kinawai
6. Sawah Kareh
7. Bukik Tamusu
Sabalun ado 8 koto diateh dan 7 koto di bawah, nan ado
hanyolah Pariangan Padangpanjang dan Sungai Jambu.
Kemudian Dt. Suri Dirajo maangke duo deputi lai:
1. Dt. Bandaro Kayo di Pariangan
2. Dt. Maharajo Basa di Padang Panjang
Dt. Bandaro Kayo akhirnyo manjadi pimpinan tertinggi
Lareh nan Panjang
Limo Kaum
Adolah kerajaan Dusun Tuo nan didirikan oleh Cati
Bilang Pandai, kawin dengan Puti Indo Jalito, mandapek
anak nan kamudian bagala Dt. Prapatih nan Sabatang.
1. Limo Kaum Tuo :
1. Dusun Tuo, Ampek Batue nan Usali didiami oleh suku:
1. suku Caniago
2. suku Tujuah Rumah
3. suku Korong Gadang
4. suku Sumagek
2. Balai Batu, Limo Suku
1. suku Sungai Napa
2. suku Jambak
3. suku Sumagek
4. suku Mandaliko
5. suku Bodi Supanjang
3. Balai Labuah, Anam Suku
1. suku Sumpu
2. suku Kutianyie
3. suku Mandaliko
4. suku Bodi
5. suku Sumagek
6. suku Sungai Napa
4. Kubu Rajo, Tigo Sandiang
1. suku Sumagek
2. suku Mandaliko
3. suku Singkuang
5. Kampai, Tigo Tumpuak
1. suku Kampai
2. suku Sumagek
3. suku Balai Gamba
Klik di siko untuak mancaliak Pangulu-pangulu nan
mamipin suku di ateh.
Namo Limo Kaum iko barasal dari namo limo urang dan
kaumnyo nan partamu mambangun dan mandiami Dusun Tuo,
yaitu:
1. Indojati yaitu Cati Bilang Pandai sandiri,
<dikarek>
__________________________________________________
Do You Yahoo!?
Great stuff seeking new owners in Yahoo! Auctions!
http://auctions.yahoo.com
RantauNet http://www.rantaunet.com
Isikan data keanggotaan anda di http://www.rantaunet.com/register.php3
===============================================
Mendaftar atau berhenti menerima RantauNet Mailing List di
http://www.rantaunet.com/subscribe.php3
ATAU Kirimkan email
Ke/To: [EMAIL PROTECTED]
Isi email/Messages, ketik pada baris/kolom pertama:
-mendaftar--> subscribe rantau-net [email_anda]
-berhenti----> unsubscribe rantau-net [email_anda]
Keterangan: [email_anda] = isikan alamat email anda tanpa tanda kurung
===============================================
