Waalaikum salam ww.wb Tagilitik hati mambaco utopia(???) sanak Lembang Alam nak mambangun tanah pusako ditangah-tangah masyarakaik nan sadang mandarito kaateh indak bapucuak, kabawah indak baurek ditangah-tangah sadang digiriak kumbang eh..eh.
Ditukuak pulo dek imbauan pulang nan mamilukan dari da Bandaro ka urang minang nan hibaik2. Padahal elok malah jadi parasit ditampek urang daripado jadi tambahan baban dikampuang surang (lah kaji nan kajaleh miang no du eh..eh). Ibaraik urang ka manabua baniah di tanah bailalang, lah jaleh banyak nan ka mati pado nan ka tumbuah. Kok nan tumbuah lah bisa diarokkan ka jadi padi hampo. Bukannyo indak ado dunsanak awak dikampuang nan takun manyiangi ilalang disakitar pasamaiannyo. Lai bih manuai padi boneh juo no tapi tu mah alun saimbang jo capekno tumbuoh ilalang. Lah sambuah tiori cespleng nan dibao angin lalu dari subarang, mulai dari tiori minta sidakah sampai ka tiori managemen lampu Aladin. Tapi ibaraik tajak cek awak pangkua cek no, asak cek awak ansua cek no, hasie no banyak nan saroman berembus angin malam, bisuak no paja2 nan lah bi masuak angin. Untuak urang dikampuang, nan paralu cuma mampanyak urang2 nan rajin manyiangi ilalang nan lah marimbo. Sagalo macam tiori jo teknologi nan tinggi2 indak labiah dari sakadar untuak mampacapek proses (itupun kalau takaran no sadang elok). Sumbar tu talampau kayo kalau cuma untuak maiduiki 4 juta urang nan takauik malaraik, tapi talampau malaraik untuak maiduik bara kapalo nan takuik indak kayo. Dari pado kujua dek mambangkik batang tarandam nan indak jaleh ujuang pangkano, elok molah awak ba ansue-ansue ma-minangkan urang Minang, nak joleh tompek bapijak, nak joleh koma kaki ka dilongkahkan. Wass, JD > Iko antah rasian antah angan-angan. Tanyo nan sasek > singgah di kapalo ambo. > > Wassalamu’alaikum wr.wb., > > Lembang Alam > > TA SIO-SIO > > Biapun maha untuak ukuran rato-rato, namun dek > kagengsi-gengsian, dek pitih balabiah-labiah nan > walaupun antah dima datangno, tiok taun konon ado 1,6 > juta rakyaik Indonesia nan pai maambua-ambuaan pitihno > kian. > > > > Cubo awak tengok nagari awak Ranah Minang. Awak muloi > jo macam-macam ‘kok’ . > > Kok, dibuek tampek kapa balabuah jo sagalo fasilitas > nan paralu di Taluak Bayua sainggo urang palauik > kanti-kanti angku Patiah, nan balaia dari Barat nak > pai ka Timur katuju singgah di Taluak Bayua. > > Kok, dibuek tampek kapa tabang balabuah nan bakelas > Internasional di Katapiang, sainggo paliang indak > kapatabang nan kapai ka Australi dari arah Eropah, > labiah dakek kok no singgah di Katapiang dari pado di > Changi. > > Kok, diansua sajak kini, sarupo urang Cino maansua > sajak 30 – 40 taun nan lapeh di Singapura (nan labiah > intensif bana), managakan tampek mambali balah untuak > ukuran Internasional di Padang. > > Kok, diansua sajak kini mampagadang jalan-jalan rayo > sabalik nagari Sumatera Baraik atau Minagkabautu > sainggo mampamudah akses kasagalo suduik disinan. > > Kok, diansua sajak kini mambadaki tampek-tampek atau > panorama nan sabanano alah tamusaua kasabalik dunia. > > Kok diansua mampromosian pariwisata nagari > Minangkabauko sacaro sunguah-sunguah. (Caliak pulo > usaho Malaysia nan mampagalehan pariwisatano jo nagari > ‘the true Asia’) > > Kok, diansua sajak kini manyiapkan mental masyarakaik > Minangkabau untuak bangkik supayo amuah bakarajo > kareh indak pamaleh, amuah luruih indak pangicuah, > amuah ramah indak panyandek, amuah baraja supayo > santiang, amuah batanyo nak buliah tau, amuah manconto > ka nan elok, amuah maningkekan iman jo taqwa supayo > walaupun awak didatangi banyak urang (nanti) awak > tatap urang nan mampu mamaliaro iman. > > Kok, diajak anak nagari mamanfaaikan lahan nan ado di > sabalik rumah satiok urang Minang nan ado di Ranah > Minang, mananami jo tanaman nan ka mampunyoi nilai > tambah. > > Cukuik samantaro jo ‘kok-kok’ diatehtu. Ranah Minangko > jaleh banyak labiah santiangno pado pulau Tumasek, > tapilah ta sio-sio sajo, indak kunjuang ba’tangani’ . > Kan indak kaparalu angku Raffles baru bana bagai awak > untuak maansua karajo, managakan bangkalai di > parumahan nan sabana data jo elokko, nan santiangno > bukan dek baminyak-minyaki. Kan indak ka paralu pulo > diundang urang Cino babaju sitin untuak mancaliak > ‘paluang’ nan alah adoko. > > Cuma kasialah ka diadokan ‘kok’ awak ko go ah. Lai > kamungkin kok kadiadokan ka angku Basa nan di rumah > bagonjoang di Padang tu. > > > > > __________________________________________________ > Do You Yahoo!? > Yahoo! Games - play chess, backgammon, pool and more > http://games.yahoo.com/ > > RantauNet http://www.rantaunet.com > > Isikan data keanggotaan anda di http://www.rantaunet.com/register.php3 > =============================================== > Mendaftar atau berhenti menerima RantauNet Mailing List di > http://www.rantaunet.com/subscribe.php3 > > ATAU Kirimkan email > Ke/To: [EMAIL PROTECTED] > Isi email/Messages, ketik pada baris/kolom pertama: > -mendaftar--> subscribe rantau-net [email_anda] > -berhenti----> unsubscribe rantau-net [email_anda] > Keterangan: [email_anda] = isikan alamat email anda tanpa tanda kurung > =============================================== RantauNet http://www.rantaunet.com Isikan data keanggotaan anda di http://www.rantaunet.com/register.php3 ==============================================Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ==============================================
