----- Original Message ----- From: "Bandaro" <[EMAIL PROTECTED]> To: <[EMAIL PROTECTED]> Sent: Saturday, April 20, 2002 9:40 PM Subject: Re: [RantauNet] Ta sio-sio
> > Tambuah ciek nan mungkin diparalukan ...... > Kok lai namuah parantau Minang nan santiang - nan energetic > - nan masih productive - nan lah "kelas internasional", untuak > pulang kakampuang. > Lalu namuah "berkorban" wakatu - tinago - jo moral, mambangun > kampuang dikampuang, Bandaro, Idealisme saroman ko lah sajak saisuak disorakan ko mah. Ado nan mangganja, sapanjang nan ambo caliak salamo ko. Rang rantau nan amuah pulang dan mangabdi kampuang, dek sabagian rang kampuang dianggap ancaman ka mareka. Kok nan pulang bisnesmen, nan rasah rah panggaleh di kampuang. "Iko iyo lah ka batambah sarik iduik ko mah. Lah tibo lah rang kayo dari rantau nan ka maabihan galeh awak ko ha." Kok nan tibo pagawai pamarentah, nan indak sanang pagawai bulo. "Manga lo urang Jakarta nan dibao pulang jadi Kakanwil, apo indak ado awak di kampuang ko nan pandai lai?" Inyo dianggap marabuik kasampatan rang nan manatap di kampuang, dan biasonyo dimusuahi, dirongrong, indak didukuang. Di pihak nan datang, baitu pulo. Inyo pasti baretong dulu sabalun mamutuihan untuak pulang ka kampuang. Kok indak ka labiah rancak iduik pado di rantau, manga pulang. Kok indak ka labiah tinggi pangkaik pado di lua, rancak lah batahan di rantau. Kadang-kadang sikapnyo bangang sangaik, inyo sen nan santiang, rang kampuang ko bodoh sadonyo. Alun lai masalah ereang jo gendeang, adaik bakorong bakampuang nan indak jaleh dek inyo, indak tantu dek inyo kato nan ampek, nan mambuek rang kampuang sakik paruik mancaliaknyo. Muncullah konflik, dan kasudahannyo, dek indak tahan, nyo lari baliak ka rantau. Tu pangalaman nan ambo caliak ampia satangah abaik iduik di kampuang, Bandaro. Jadi rang rantau nan ka "mangabdi" di kampuang, nasiaik ambo, Minangan diri dulu, baru pulang. Apo lai nan laia dan gadang di rantau. Kok indak pandai babahaso Minang, baraja dulu. Bahaso sangaik bapangarauah dalam iduik bamasarakaik di Minangkabau. mS RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
