Assalamu'alaikum wr. wb. Pandapek sanak indak takok uok-uok tu, jan lah marandah bana, malu lo ambo deknyo. Latar belakang nan bukan sosiolog, iyo sanasib awak tu, ambo pun sabananyo tukang juo. Kabatulan ado pulo posting balasan dari sanak Nuzirman1: ------------------ Ikolah jaleh dan ambo satuju sajo apo nan jadi latar belakang"munafik" (hypocrite ?),...tp nan labiah penting bgmn masa yg akan datang di depan mata yg sangat mengancam existensi kita (kita perlu diskusi formal, meng expose, siapa kita dan bgmn kita ).. tp secara singkat saya beberkan :(data ini tidak saya cek di file saya, just garis besar) -------------------------- Baliak ka pangka kaji, soal degradasi iko ambo satuju sajo kalau dianggap sajak PRRI, tapi baa mangko tajadi PRRI, ambo masih takana wakatu sakola rakyat (SR) jaman itu, sagalo paragaik sikola disadiokan dek pamarintah, batutulih, buku-buku sado alahe pakai cap Departemen P &K... dan perai sagalonyo. Ekonomi kami nan dikampuang, cukuik elok, kato urang jauah diateh Korsel pado waktu itu. Sampai kini ambo alun bisa manarimo alasan lain PRRI nan dibuek dek Ahmad Hosein, Dahlan Jambek plus Natsir, Sumitro dll sapanuahnyo alasan ambisi politik dan ekonomi pribadi/golongan, apokah banamo Masyumi, PSI,GAK dll, nan jaleh AH indak kabagian dalam nasionalisasi perusaan Bulando nan disponsori dek Nasution, kecemburuan pado pembangunan di Jawa, indak babaun tunjuak rasono, takuik dek Komunis indak masuak aka pulo. Walaupun ambo agak yakin hasutan dek CIA tamakan dek baliau-baliau nan bakuaso wakatu itu. Nan aneh iyolah mambari namo Pemerintahan Revolusioner Republik Indonesia, tapi manangkoki sagalo nan babaun PKI dan PNI, jadi jaleh itu pamainan politik sajo. Kabatulan partai nan mayoritas wakatu itu = Masyumi nan nota bene adolah wahabi wajah baru atau wajah Indonesia, saketek pun indak ado PRRI usaho nan mambangkik nilai-nilai kultural Minang satau ambo, urang nan indak amuh sato diteror jo sabutan kuminih. Persis model Pak Tuo jalan cendana mambina orde baru. Kasimpulan samantaro, urang awak mamuloi experiment model Mataram di Minang, jadi jan disalahkan urang Jawa nan mamuloi javanism di Minang, justru dimuloi dek urang Minang sendiri. So whats wrong? Urang Minang mancubo mamakai wahabism dam javanism itulah PRRI, pasti gagal dek karano urang Minang itu indak talahia untuk jadi tantara (ambo picayo iko), tapi talahia jadi panggaleh dan murik Socrates. Apo iko indak repetion of paderi? atau kelanjutan dari paderi nan alun salasai. Sampai kini pamikiran ABS-SBK kan baru muloi, implementasi Ulando mamakai sistim lareh dan mamak kapalo warih ambo raso alun final lai, satidaknyo baru menghasilkan "first lot of thinkers" sarupo Tan Malaka, Bapaknyo HAMKA dan HAMKA, Syahrir nan tercabut dari akarnya, Hatta yang terpesona oleh anti merkantilisme dan lain-lain. Second lot? mudah-mudahan kamanakan bisa sato sakaki, sumber-sumber kajian Stamford Raffles mungkin labiah dakek disitu, ambo dalam hati ingin mancigok related manuscripts dari parjajian marapalam, tractact London dari sisi Inggirih, tapi taparangkok dalam situasi ekonomi primitive di Nusantara. Wassalam,
B. St Bagindo Nagari ----- Original Message ----- From: "J.Dachtar" <[EMAIL PROTECTED]> To: <[EMAIL PROTECTED]> Sent: Monday, April 22, 2002 11:32 PM Subject: Re: [RantauNet] Indak sio-sio manyiangi tanah ba ilalang > Wa'alaikum Salam wr.wb, > > Iko sakadar jawab takok2 uok se nyo ko Mak (ambo iyo sabana > tukangnyo Mak-bahaso kerennyo Teknisi eh..eh, indak ahli > sosiology bagai do). Tapi kalau di-uruik dari parang paderi rasonyo > talampau jauah. Kok mancaliak faktanyo, sasudah paderi tu urang > Minang bantuak2nyo sempat manamukan kasaimbangan baru nan > bapijak ka hasie kompromi ABS-SBK (nan kiniko lah manjadi > dendang tanpa makna dek pajabaik2 dikampuang). Nyatonyo > sasudah maso tu, Minang masih bisa mamproduksi intelektual2 > (nan ambo mukasuik INTELEKTUAL, indak ado sangkuik pauik > nyo jo 2000 doktor urang minang do Mak) > > Nampak2nyo iyo PRRI nan manjadi galodo. Alun jadi mancaduak > lai lah tibo pulo gelombang feodalisasi jawa ndeso (kok ado bagai > nan maanggap ambo sukuisme, harusnyo urang2 saroman Kunto > Wijoyo, Mangun, Darmanto Jatman dll harusnyo bisa dianggap > penghianat urang jawa eh..eh). Lansuang gayuang basambuik dek > slogan Mambangkik Batang Tarandam, mako ta-ekploitasi lah > bakaik materialistis urang Minang (sabananyo kalau takontrol > halal2 sajonyo). > > Kini samo2 bisa awak liek kalau nan tumbuah tu Raden Mas- > Raden Mas jadi2an nan maukua nilai manusia dari jabatan, > pancapaian materi, tingkaik pandidikan (mungkin mak SBN satuju > jo ambo kalau tingkat pandidikan kadang2 indak basangkuik pauik > jo tingkaik intelektual manusia), tarutamo pandidikan nan bisa > mahasiekan pitih capek. Masalah caro mancapainyo indak > talampau penting. Ujuang2nyo awak diantakan ka hukum rimbo, > kesempatan cuma tabukak untuak urang bagak. > > Nan paliang taraso akibaiknyo ka distribusi SDM, dek urang > mamiliah sakolah sa-mato2 sasuai jo parmintaan pasa, indak > badasarkan talent jo ability. Jadilah jurusan2 nan saharusnyo > dibutuhkan SDM kelas satu diisi dek manusia kelas kambiang, > nan saharusnyo cukuik diisi dek manusia kelas kambiang diisi dek > manusia kelas satu (malah banyak diisi dek sabana kambiang nan > bisa mambali). Ado nan lah panuah kapalonyo jo bahan tapi indak > pandai manalar, ado nan pandai manalar tapi indak cukuik bahan. > Jadi indak aneh Mak, kalau awak tu gampang diatua urang. > Padahal bukannyo fungsi pandidikan tu untuak ma-optimal-kan > potensi manusia? Bukannyo penghargaan untuak pancapaian anak > retarded nan bisa dididik maapuih salemo surang harusnyo > satinggi si jenius jadi profesor? > > Lha, kalau lah sadonyo ta fokus ka model pancapaian primitif > saroman itu, tantu sajo indak tadukuang lai dek alam. Mungkin > baban alam agak bakurang kalau bantuak kekayaan tu bisa di- > diversifikasi-kan ka bantuak nan agak baradab. Contohnyo, untuak > urang nan mamiliah jalan iduik di industri intelektual, harusnyo > kekayaannyo diukua dari Ilmu pengetahuannyo, sadangkan materi > harusnyo dilatakkan sabagai faktor pandukuang untuak > mangambangkan ilimunyo. Tokh Hamka pernah jadi tukang cuci > piriang untuak bisa mangaji. Tokh Hamka mangaji dek niaik nak > bailimu, indak untuak manjadi kiyai milioner. Kalau mamiliah jalan > jadi pamong, harusnyo kekayaannyo diliek dari kamampuannyo > malayani masyarakaik, indak dari man-cilok-i pitih untuak jadi > urang tapandang. Kalau dokter harusnyo diukua dari > kamampuannyo manyanangkan urang sakik, indak kapandaiannyo > minta sidakah ka pabrik farmasi. > > Sagitu se dulu Mak, maaf se pabanyak kok salah2. > > Wass, > JD > > > > RantauNet http://www.rantaunet.com > > Isikan data keanggotaan anda di http://www.rantaunet.com/register.php3 > =============================================== > Mendaftar atau berhenti menerima RantauNet Mailing List di > http://www.rantaunet.com/subscribe.php3 > > ATAU Kirimkan email > Ke/To: [EMAIL PROTECTED] > Isi email/Messages, ketik pada baris/kolom pertama: > -mendaftar--> subscribe rantau-net [email_anda] > -berhenti----> unsubscribe rantau-net [email_anda] > Keterangan: [email_anda] = isikan alamat email anda tanpa tanda kurung > =============================================== > RantauNet http://www.rantaunet.com Isikan data keanggotaan anda di http://www.rantaunet.com/register.php3 =============================================== Mendaftar atau berhenti menerima RantauNet Mailing List di http://www.rantaunet.com/subscribe.php3 ATAU Kirimkan email Ke/To: [EMAIL PROTECTED] Isi email/Messages, ketik pada baris/kolom pertama: -mendaftar--> subscribe rantau-net [email_anda] -berhenti----> unsubscribe rantau-net [email_anda] Keterangan: [email_anda] = isikan alamat email anda tanpa tanda kurung ===============================================
