Assalamu'alaikum wr.wb.,
Angku Patiah bacarito, bahaso liau dulu pai sikola katiko SMA dari Baso ka Kiktinggi naiak kuretapi. Ambopun panah pulo naiak kuretapi ko pai sikola katiko kalas tigo di SMA III Birugo ditaun 1969. Naiak dari Biaro, turun di stasiun gadang sudah itu bajalan kaki ka Birugo. Bulan partamu ba 'abonemen' atau kuricih bulanan tapi sudah sabulan nan partamu indak panah bapanjangi lai doh. Tiok ditanyo angku kundektur jawab awak tatap juo 'bonemen' sambia bacaliakan sajo saketek kartu abonemen tu dari sakuih. Kalau kareh bana no mamintak, sambia mambulaliak lo saketek dek no alah tau nan bahaso abonemen tu alah malapeh wakatuno, tapaso diagiahan sain pitih. Biasono pulo mato angku kundektur nan mambulalang tadi, barubah kalau dionyokan pitih tu.
Ari Satu jo Rabaa, ari pakan di Kiktinggi, sabana basalingkik-pingkik kuretapi tu. Acok bana awak tasalek dek ramino urang. Satiok daresi panuah jo amai-amai, langkok jo barang galeh baliau masiang-masiang nan babao jo katidiang, jo karuang atau nan jo embe (amai-amai nan manggaleh 'bada') dan sabagaino. Aratino kureta itu cukuik potensial untuak maasiakan pitih. Tapi kanyataan tatap rugi. Baa ka indak. Antah bara parosen nan lai mambaia kuricih tapi rasono nan banyak adolah nan mambaia di ateh kureta jo pitih kontan. Jo kaduo tangan biasono diganggamno dek apak-apak kundektur tu pitih-pitih ketek nan disarahan panumpang nan rami tu..
Jadi kasimpulan no, nan sabanano alah lamo perkeretaapian di nagari awak tu mati, dek dikalola sacaro indak jujur. Alah lamo sabano padi tu abih dek jawi.
Sakadar panambah-nambah ota sajo.
Wassalamu'alaikum wr.wb.,
Lembang Alam
Muchni Effendy <[EMAIL PROTECTED]> wrote:
Assalamu'alaikum Wr. Wb.
Manarik juo carito IBUK/UNI RAHIMA jo dunsanak Harman mangenai Kareta Api di
sumbar kususnyo di BKT., Manarik nyo baa, karano di Bkt itu bakeh rel kareta
api alah ado, tingga mangambangkan sajo lai, tapi dilain pihak, bakeh
jalan/rel itu kini alah tagak rumah-rumah.dan jalan ba aspal....tantu iko
manjadi masalah juo.
Talapeh kapanguaso, tantu kalau mau jujur pamarintah, sagalonyo tu
Insya-Allah bisa talaksano karano sumber alam sumbar itu cukuik kayo..
Was.
Do you Yahoo!?
Yahoo! Mail Plus - Powerful. Affordable. Sign up now
