wa'alaikum salam ww, kini nan lah mulai di lakukan dek kaduo balah pihak nan balain lubuak jo padangnyo adolah pendekatan awal. Iko pernah awak buktikan sendiri prosesnyo. Pihak padusi datang batamu ka rumah pihak laki-laki untuak masalah anak kamanakan nan lah mulai gadang nan lah samo baniaik untuak barumah tanggo, kini dek adaik jo luhak nan balain baa nyo kito cari jalan tangahnyo. Bak kecek pituah juo Kok di ulua buliah panjang kok di kumpa buliah singkek, jikok di kambang buliah jikok di lipek salaweh tapak tangan. Dari hasia partamuan awal tu lah nan baru direncanakan bilo ko hari ka maminang sarato apo saraik jo buah pinangan. Akhianyo tak ado masalah nan timbua karano alah ado kasapakatan dari awal.
Cik lai kisah nan sulik, Si amak rang Maninjau, si bapo rang Batak (pihak laki-laki) sadangkan pihak padusi rang Lintau. Pihak laki-laki tingga di Pakanbaru keluarga padusi tingga di Lintau. Baa caronyo ko supayo bisa klop jo masalah adat ko sadangkan mamak nan laki-laki tingga di Duri dan ndak bisa pulang ka Kampuang untuak mauruih kamanakannyo. Akhianyo di agiah saran ka bapo si laki-laki (batak) untuak manalepon dulu sabalun datang ka kampuang nak padusi dan disuruah mangecekkan kalo baliau rang batak jadi kurang paham jo adaik Minang (perdaerah) sadangkan mak rumahnyo ndak bisa pulang. Dek barakaik ado kasapakatan awal tarnyoto urusan jadi lancar tanpa malalui proses nan babalik-balik dan kini nak daro jo marapulai lah jadi pasangan serasi di rumah tanggonyo. Jadi kasimpulannyo adolah ndak labiah dari kasapakatan awal sabalun acara dimuloi. M\\\ sakitu pandapek awak Batuduang Ameh (36) -----Original Message----- From: harman [mailto:[EMAIL PROTECTED] Sent: Wednesday, June 04, 2003 2:11 PM To: [EMAIL PROTECTED] Subject: RE: [RantauNet.Com] Acara Maminang .....hapuih..... Dalam kondisi macam ko, kiro2 a nan bisa dilakukan oleh pasangan nan ka manikah dan baa pulo mamak2 generasi kini dan mendatang mensikapinnyo? wasalam, harman RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
