Assmualaikum w.w. terima kasih carita nya, saya lagi menunggu cerita lanjutan dari pa' hendri tentang "pakaro manjapuk indak pakai Carano" ceerita ini menarik, karena jika melamar saja tanpa pakai carano apalagi waktu menjemput, seru nih
kalau boleh tau juga, apa dan bagaimana isi carano, kawan saya pernah, bahwa carano itu tidak sumbarang diisi saja tapi ado cara2 khusus. menurut teman saya isi carano itu sirih,rokok, biji gambir ...(duh lupa saya yang lainnya) kira2 dimilis ini ada yang tahu dan bisa ga' tentang bagaimana menata isi carano?? wassalam, harman -----Original Message----- From: hendrif hendrif [mailto:[EMAIL PROTECTED] Sent: Wednesday, June 04, 2003 3:47 PM To: [EMAIL PROTECTED] Subject: RE: [RantauNet.Com] Acara Maminang Assmualaikum w.w. Dek duduak surang basampik-sampik, duaduak basamo balapang-lapang, mangko supayo dapek pulo padanan nan kadiambiak, Ambo sampaikan pulo Pangalaman nan tajdi satahun kabalakang ko. Carito no mangko a. Kabatulan ambo mawakili pihak nan padusi (asa dari Banuhampu) ka maminang calon Sumando (asa dari Pariaman). Dek lah maninjau-ninjau, akhia no batamu, mako dalam pambicaraan tasabuklah kalau maminang beko pakai uang japuk, uang japuk no sakitu a kecek Mamak kito dari Pariaman, indak baa doh kato kami nan dari Banuhampu, tapi tolong juo diingek bahwasono dibaliak uang japuk tu, ado uang anta, nah tolong pulo Mamak pikiakan tantangan itu, dan juo di Banuhampu, pihak nan Laki-laki iyo mambaok pulo untuak nan Padusi parlengkapan, sagalo macam no, Ibaraik Puti Ranum, iyo bahiasi jo Intan Parmato, dari Kapalo sampai ka Ujuang kaki. Dek lah lamo mangecek, ditimbang ringan barek no, basuo papatah lamo Babaju kusumbo lusuah, Pakai Rajo Tigo Jurai, Tanunan puti diulak-an, Dapek paham nan saukua, Batamu bana nan sasuai, Jatuahlah kato kabulatan, Bulek lah buliah digolongkan, picak nan buliah dilayangkan, aratino lah tibo golek di nan data. nan isi no bana, iyolah Habiah adaik bakarilahan, karano papatah mangecekkan juo : Rumah gadang bari bapintu Nak tarang jalan kahalaman Jikok dikumpa saleba kuku jikok dikambang saleba alam Dek alah bakarilahan, mako bapakai sajo adaik masing-masiang nagari, jikok Di Banuhampu indak ado uang japuk doh, jadi indak paralu pakai uang japuk. mantun pulo sabaliak no. A nan dipadapek dari masalah sarupo nantun, iyolah, dalam maiisi adaik dapek disalasaikan sacaro musyawarah, dirundiangkan dahulu a sajo nan kadijalankan, karano babedo nagari, bedo pulo adaik no (Adaik salingka nagari) jadi indak ado salah manyalahkan, raso tasingguang, biaso no ado surang duo urang nan batugeh marambah jalan supayo nak tarang. Jadi, nan pokok no bana adolah baa awak manyampaikan, Insyaalah indak ado kusuk nan idak kasalasai doh, indak ado karuah nan indak tajaniah-i. Alhamdulilla, kini anak jo minantu tu alah jo cucu ambo pulo kini. Sakitu lah dulu. bisuak ko ditambah pulo jo carito lain nan alah tajadi pulo, yaitu pakaro manjapuk indak pakai Carano. Wass. w.w. SBL * lah larek dirantau Note : di Banuhampu iyo pihak nan Padusi nan maminang (umumnyo di Sumbar), tapi di Payokumbuah (kalau indak salah) ado pihak laki-laki nan maminang (Sia nan ka Manjalo, haruih barani turun) RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ===============================================
