Assalamu Alaikum W. W.
Nanda sadoe serta sanak-sanak nan di palanta,
Kiro kiro bulan nan lalu bundo minta tanyo ka palanta baa caro maminang dan adat istiadatnyo. Bundo iyo sabana kaget dan taparangah dek indak tahu karano di kampuang bundo iyo nan laki-laki nan maminang sasuai dengan agama Islam.
Saoe minantu padusi bundo kami nan malamar baitu juo sadoe minantu laki-laki datang malamar. Jadi katiko kababesanan jo urang Banuampu, Sungaipua, Cingkariang mako bundo maminta urang datang "manapiak bandua" dan mereka minta juo kami datang malamar jo carano. Akhirnya dicari jalan pintas dan diselesaikan dalam satu acara.
- Acara perkenalan kedua belah pihak
- Acara partamo iyolah di Luhak 50 urang Agam datang malamar anak kami dan acaranyo langkok siriah jo carano
- Lamaran dimupakati dan sudah tu ditarimo. Sudah tu adaik bapindah ka luhak Agam dan bak kecek nanda Arman urang tu punyo buruang katitiran nan gagah dan kami punyo sangka ameh nan sasuai untuak tampek buruang tu. Kami agaiahkan siriah jo gambie dan pinang untuak dicicipi. Dan dek inyo baduo batigo mako dimupakati pulo dan sasuai jo rundingan mako kami tu batimbang tando.
- Jadi dalam samalam tu tajadilah perpaduan adaik bak kecek urang tuo tuo abih adaik dek bakarilaan.
Itulah sekedar laporan pandangan mato dari bundo dan disiko bundo ingin mangatokan asa kato Cingkariang yaitu dari Change Ring - kereta api waktu tu manurun (mandaki) mako harus manuka rem (ring) jadilah lamo lamo kato Cingkariang
Note: Kabatulan bundo lai punyo carano jo tutuiknyo kok ado nan paralu malamar iyo buliah dipakai ha ha ha.
Wassalam bundo Nismah
Do you Yahoo!?
SBC Yahoo! DSL - Now only $29.95 per month!
