Assmualaikum w.w.
Dek duduak surang basampik-sampik, duaduak basamo balapang-lapang, mangko supayo dapek pulo padanan nan kadiambiak, Ambo sampaikan pulo Pangalaman nan tajdi satahun kabalakang ko.
Carito no mangko a.
Kabatulan ambo mawakili pihak nan padusi (asa dari Banuhampu) ka maminang calon Sumando (asa dari Pariaman).
Dek lah maninjau-ninjau, akhia no batamu, mako dalam pambicaraan tasabuklah kalau maminang beko pakai uang japuk, uang japuk no sakitu a kecek Mamak kito dari Pariaman, indak baa doh kato kami nan dari Banuhampu, tapi tolong juo diingek bahwasono dibaliak uang japuk tu, ado uang anta, nah tolong pulo Mamak pikiakan tantangan itu, dan juo di Banuhampu, pihak nan Laki-laki iyo mambaok pulo untuak nan Padusi parlengkapan, sagalo macam no, Ibaraik Puti Ranum, iyo bahiasi jo Intan Parmato, dari Kapalo sampai ka Ujuang kaki.
Dek lah lamo mangecek, ditimbang ringan barek no, basuo papatah lamo
Babaju kusumbo lusuah,
Pakai Rajo Tigo Jurai,
Tanunan puti diulak-an,
Dapek paham nan saukua,
Batamu bana nan sasuai,
Jatuahlah kato kabulatan,
Bulek lah buliah digolongkan, picak nan buliah dilayangkan, aratino lah tibo golek di nan data.
nan isi no bana, iyolah Habiah adaik bakarilahan, karano papatah mangecekkan juo :
Rumah gadang bari bapintu
Nak tarang jalan kahalaman
Jikok dikumpa saleba kuku
jikok dikambang saleba alam
Dek alah bakarilahan, mako bapakai sajo adaik masing-masiang nagari, jikok Di Banuhampu indak ado uang japuk doh, jadi indak paralu pakai uang japuk. mantun pulo sabaliak no.
A nan dipadapek dari masalah sarupo nantun, iyolah, dalam maiisi adaik dapek disalasaikan sacaro musyawarah, dirundiangkan dahulu a sajo nan kadijalankan, karano babedo nagari, bedo pulo adaik no (Adaik salingka nagari) jadi indak ado salah manyalahkan, raso tasingguang, biaso no ado surang duo urang nan batugeh marambah jalan supayo nak tarang.
Jadi, nan pokok no bana adolah baa awak manyampaikan, Insyaalah indak ado kusuk nan idak kasalasai doh, indak ado karuah nan indak tajaniah-i.
Alhamdulilla, kini anak jo minantu tu alah jo cucu ambo pulo kini.
Sakitu lah dulu. bisuak ko ditambah pulo jo carito lain nan alah tajadi pulo, yaitu pakaro manjapuk indak pakai Carano.
Wass. w.w.
SBL
* lah larek dirantau
Note : di Banuhampu iyo pihak nan Padusi nan maminang (umumnyo di Sumbar), tapi di Payokumbuah (kalau indak salah) ado pihak laki-laki nan maminang (Sia nan ka Manjalo, haruih barani turun)
harman <[EMAIL PROTECTED]> wrote:
diskusi tentang maminang ko maingekan kembali diskusi ttg
carano beberapa waktu lalu.
Memang, kadang ado mamak2 awak nan masih mamacik adaik di
tampek no. Contoh nyo nan tajadi di kawan ambo, dek kara
no pihak padusi datang malamar indak mambao siriah jo
rokok dengan carano, pihak mamak2 nan laki2 agak maraso
kurang sanang, walhasil, acaro maminang nan disakaliankan
jo acaro batimbang tando agak kurang lamak jadinyo.
keluarga pihak padusi maraso indak diharagoi oleh tuan ru
mah (pihak laki2) sabaliak no pihak laki2 juga maraso
indak diharagoi, persoalannyo barangke dari kebiasan nan
babedo. Bagi pihak padusi carano tuh indak lah terlalu pen
ting nan penting tuh isinyo samo (daun dan bijo siriah dan
tembakau), padahal bagi keluarga laki2 carano dan isinyo
adolah satu bagian nan indak mungkin dipisah.
Dalam kondisi macam ko, kiro2 a nan bisa dilakukan oleh
pasangan nan ka manikah dan baa pulo mamak2 generasi kini
dan mendatang mensikapinnyo?
wasalam,
harman
-----Original Message-----
From: FST-IAMS-Elect [mailto:[EMAIL PROTECTED]
Sent: Wednesday, June 04, 2003 12:43 PM
To: '[EMAIL PROTECTED]'
Subject: RE: [RantauNet.Com] Acara Maminang
Di Banuampu pihak pidusi malamar laki-laki.
Jiko lah tajadi babarapo "informal" talk, lalu dilanjutkan
dengan proses "formal", nan dinamokan "Baliak Tando",
Proses Baliak Tando ko dilakukan oleh ibu-ibu.
Indak ado "pasambahan" maminang.
Rasono, sacaro umum di Minangkabau, nan pidusi nan malamar laki-laki.
Bar-arti di Guguk - 50 Kota, pengecualian.
( maaf diquote sadono, akan diforwrd ke banuanet.)
mak ban
~~~~~~~~~~~
-----Original Message-----
From: Hayatun Nismah Rumzy [mailto:[EMAIL PROTECTED]
Sent: Tuesday, June 03, 2003 5:05 PM
To: Arman Bahar; Rantaunet
Subject: [RantauNet.Com] Acara Maminang
Assalamu Alaikum W.. W.
Tarimo kasih bany ak ateh informasinya dan memang lain lubuak lain ikannyo,
lain padang lain balalang. Di Pikumbuah sajo ado bamacam macam. Dikampuang
bundo didesa Talang Maur Kec. Guguk Kabupaten Limapuluah Kota nan malamar
iyolah nan pihak laki laki. Sudah tu nan padusi maminta sasuduik yaitu
tampek tidur dan segalo assessoriesnya, salimuik dan sapatagak.
Katiko ado urang Pikumbuah bakanaian ati jo urang Piaman (saisuak) mako diam
diam nan laki laki malakukan adaik manjapuik dan baitu pulo nan padusi
dilamar dek bujang dari Piaman tuh. Kaduonyo lah suko samo suko dan jadinyo
sagalo rintangan dipamudah sajo.
Kiniko mungkin katibo pulo sarupo itu samo samo malamar samo samo mandatangi
indak sia tajun sia kanai doh. Kaduo urang tu lah bakanaian ati indak
mungkin diurai lai jadi sado rintangan nan ketek ketek tu dilangkahi sajo
jadi kami kabatimbang tando lai. Tarimo kasih banyak dari bundo - baa kaba
Duri bundo danga ado Golden Shakehands bagai di Caltex kini.
Bundo Nismah
RantauNet http://www.rantaune t.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================
RantauNet http://www.rantaunet.com
Isikan data keanggotaan anda di http://www.rantaunet.com/daftar.php
-----------------------------------------------
Berhenti menerima RantauNet Mailing List, silahkan ke:
http://www.rantaunet.com/unsubscribe.php
===============================================
Yahoo! Plus - For a better Internet experience
