Re: [RantauNet.Com] Perkawinan langka - Kebebasan.

[SBN]

Assalamu'alaikum wr. wb.   Manolah Sutan Parpatiah basarato jo Uni Nismah, sarato pulo dunsanak nan salingka milis iko. Ambo susun jari nan sapuluah sabaleh jo kapalo, dek ado nan maraso kusuik, elok awak baiyo jo batido baliek. Sajak ambo diajak bagabuang ka milis iko, indak lain dek karano masih samo-samo atensi ka ranah Minang, kanyataan pulo urang minang dan ranah minang itu banyak masalahnyo kini. Sagalo macam posting masuak sahubuangan soal iko dari nan manih, tawa, kalek sampai nan paik sadonyo ingin ka "mambangkik batang tarandam" sarato baa ka manjadi "center of exellence" (istilah St Parpatiah). Alah banyak usaho nan dikakok walaupun hasianyo alun nampak lai. Ambo sadar bana masalah minang tu indak sederhana, kan lah nampak salamoko bara sariknyo untuak mamuloi dan antah bara pulo dunsanak nanlah korban parasaan. Mungkin awak babeda persepsi soal masyarakat khususnya masyarakat minang, dulu wakatu MI sadang angek lai satuju jo arah masyarakat terbuka, tapi kiniko kok lah balain pulo salero pulo soal masyarakat ko.   Soal balain salero adolah hak dan kodrat manusia nan sunatullah, nan kaindak mungkin manusia manyatukan inyo, baitu pulo soal kabebasan bapikia, adolah kodrat dasar dari manusia. Setiap pemikiran akan menemui disetujui atau tidak disetujui atau tidak disenangi. Nan paliang rancak memang nan katuju dek urang lamak diawak, namun iko indak barati nan indak katuju dek awak lalu basilanteh angan sajo mausia urang. Kamanakan-kamanakan bisa sajo diagitasi jadi banci ka pamikiran sasaurang, tapi iko bukan caro nan sasuai jo alue jo patuik. Kok ado pamikiran nan indak sasuai jo salero, eloknyo di counter jo argumen nan labiah kuek, kalau argumen itu labiah kuek, dengan sandirinyo pemikiran itu akan hilang sendiri.   Mambatasi topik, kabaliak pulo baliak kajaman pak tuo, iyo indak lanteh angan doh, antahlah kok lah banyak pulo para doens nan lah tamakan angin militeristik sarato mataramisme nan muloi barambuih baliak, bak  sindiran sanak IJP barapo wakatu nan lalu. Namun kok ka mambatehi jo argumen atau wacana, silahkan. Duduak basamo balapang-lapang, indak bisa dimuloi tanpa kelapangan dada, ado nan indak sasuai jo salero silahkan di counter jo argumen an labiah kuat, kalau argumen awak lamah, iyo balapang dado pulo manarimo. Indak sio-sio pulo urang saisuak mananamkan adat nan basandika n ka nan bana. Tingga di awak kini lai namuah manaruihkan mancari nan bana tu.   Ambo sangaik manghargai keberatan St. Parpatiah jo Uni Nismah, namun tolong disaratoi argumen dan wacana, dek karano sintesis tatap barasa dari tesis jo anti tesis.    .... mupakaik barajo ka alue jo patuik, alue jo patuik barajo ka nan bana.   Mohon maaf sakali lai kok ado kato nan manyingguang. Salam   St. Bagindo Nagari       ----- Original Message ----- From: Darul Makmur To: [EMAIL PROTECTED] Sent: Thursday, July 10, 2003 4:15 PM Subject: Re: [RantauNet.Com] Perkawinan langka - Kebebasan. Assalamualaikum Ww   Bundo dan sanak dipalanta nan terhormat. Indak ado mukasuik ambo handak mausia urang doh. Tapi dek ambo tabao jo caro dinas. Dipembukaan jalehkan tujuan, jadinyo Bundo juo maambiak baitu pulo. Tujuan ambo cuma ingin manasehati kanti, bia wak bisa samo silia samudiak juo disiko, ditompaik awak nan damaiko. Cubo ambo copy-paste kan baliak bagian email mbo nan tadi : " Ambo susun jari nan sapuluah, sabaleh jo kapalo, kahadok-an nan mambao "kebebasan, pemikiran bebas atau Islam bebas" di balai nan bapanehko, supaya indak manaruihkan misinyo. Balai atau palanta awkko iyo paralu juo kerukunan dan manjago perasaaan nan sensitif diantaro awak." Baitu mah Bundo dan sanaks, kalau ambo kaliru mohon dimaafkan. Wassalamulaikum Ww. St.P Hayatun Nismah Rumzy <[EMAIL PROTECTED]> wrote: Assalamu Alaikum W. W. Puji dan syukur kita kepada Allah SWT dan salawat dan salam untuk junjungan kita nabi besar SAW yang telah memberi kita segudang nikmat dan rahmatnya. Kemudian bundo mohon maaf kepada nanda St. Bangsawan nan bamukim dibumi Sriwijaya nan lah salah bundo manulih namo indak sangajo tu namonyo. Terima kasih untuk nanda James, Ely, Martoni, Andriza Chaniago dllnya yang sependapat dengan bundo terima kasih. Alam Takambang jadi guru – duduak surang basampik sampik duduak basamo balapang lapang bukan bundo indak suko jo urang rami bundo indak lamak  jo apo nan sadang dipakecekkan. Kok dapek awak urang Minang ko tahu ereng jo gendeng tahu dek cunduang ka manimpo tahu dek tunggua kamanaruang, tengok tengok rantiang kamancuek, duri kamangaik, pandanglah urang lalu linteh. Lamak dek awak katuju dek urang. Tantang awak di palanta kabukik samo mandaki kalurah samo manurun. Barek samo dipikua ringan samo dijinjiang. Jan manuruikkan bana surang. Sutan Parapatiah, bundo indak manyuruah Sutan Bagindo Nagari pai dari palanta tapi bundo mangharap ka Sutan Bagindo tu mancari ota nan lamak,  lamak basamo samo, ka parintang rintang hati jan ota tu talalu barek, bayang bayang sapanjang badan. Kok Sutan nio bana maota topic itu juo carilah tampek nan lain ado Minang Net ado Proletar bagai. Pandapek bundo awak uruih dulu rumah tanggo awak baru awak uruih rumah tanggo urang lain. Jadi awak uruih sajolah dulu Minang awak tacinto ko dulu. Jadi Sutan bundo mangharapkan ko batenggak raso dima bumi dipijak disinan langik dijunjuang. Kok dek urang indak katuju jan ditagakkan juo banang basah tu.  Jadi bundo indak baniak manaruihkan angket tu do asa lai Sutan babaliaka suruik. Den tatah indah tatatah Den tateh juo nan jadi Den tagah indak tatagah Den biakan sajo nan jadi. Wassalam dan maaf Bundo Nismah Darul Makmur <[EMAIL PROTECTED]> wrote: Assalamulaikum Ww   Bundo nan terhormat, kalau nan mangecekan taruih tarang iyo baru 4 urang tu. Kalau nan alah mangamukokan kurang sanang mungkin alah labiah, malah mungkin alah sampai melewati angko jumlah minimum untuak diminta indak duduak disiko lai.   Ambo susun jari nan sapuluah, sabaleh jo kapalo, kahadok-an nan mambao "kebebasan, pemikiran bebas atau Islam bebas" di balai nan bapanehko, supaya indak manaruihkan misinyo. Balai atau palanta awkko iyo paralu juo kerukunan dan manjago perasaaan nan sensitif diantaro awak. Supayo nanti jan dikecekkan pulo tirani KTT atau tirani mayoritas, dek disiko, disawahko iyo ado pimatang, ado garih nan kamakan paek, disiko ado tatatertibnyo, jadi awak saharusnyo indak buliah jauah dari tatatertib nantun (Tatatertib = Taratik (Minang)). Kalau dijadikan kalimat negatif, buruak tampakno.   Untuak dikatahui, bagi nan alun tahu, bahaso kalau alah 7 urang nan maraso risi, mako jo sangat menyesal, siurang nantun jo tapaso diminta maninggakan balai nan bapanehko,  maninggakan kampuang. Kan indak paralu pulo diadokan jajak pendapat sagalo doh.   Sakitu dulu dari ambo, salah surang nan salalu mamaralukan sidang RNko jalan taruih dan damai. Kok ado nan rancak toplong dipatimbangkan, kok ado nan centang prenang, iyo dek kalamahan ambo, ambo mohon maaf.   Wassalamualaikum Ww Darul Jkt Do you Yahoo!? SBC Yahoo! DSL - Now only $29.95 per month! Do you Yahoo!? SBC Yahoo! DSL - Now only $29.95 per month!