Assalamualikum wr.wb: Sidang Rantaunet Yth ;
Kilek camin lah kamuko , kilek baliung lah kakaki , biapun indak basabuik gala lah jaleh sia nan dimukasuik dek sanak SBL .Lah jaleh panahtu tatuju ka SBN , Ambo iyo sapaham bana jo sanak SBL bahaso kabaradoan awak di palanta rantaunet ko iyolah marupokan aset Minang nan ka mampakayo khasanah palanta ko , walau sekecil apapaun kontribusi yang dapat kita sumbangkan , bak kecek sanak SBL sabagai biji boneh nan kamanjadi baniah dan bisa manghasilkan buah � buah boneh pulo dimaso nan kadatang. Sangat disayangkan kalau sampai biji boneh ko sampai cigin atau diciginkan karano indak sapandapek dan, sapaham jo anggota nan lain . Ambo molah nak mausul kalau buliah , kapado pangalola R/N ko , supayo tatib nan balaku kini , kalau buliah ditinjau ulang atau direvisi , karano barangkali tatib tu dibuek sabalun reformasi digulirkan th 1998 , apokoh masih relevan dengan maso kini . Karano ambo danga tujuah sajo anggota kabaratan dengan suatu suatu tofik yang dibahas , alah bisa dibuek suatu petisi untuak manciginkan anggota dari palanta ko , Apokoh memang demikian ??? Kajadian comanko bukan hanyo sakali duo tajadi , melihat kehadiran Rantaunet sajak dulu , karano ambo paliang sanang mambuka file / carito lamo , lah pernah juo tajadi kapado sanak kito banamo UPAS (urang pasisie ?) , dek pandapekno agak nyleneh istilah kininyo , mako barami rami anggota nan lain manghujatno , supayo kalua kan UPAS dari keanggotaan , namun banyak juo nampaknyo nan mambela , antaro .lain sanak Indra J. Piliang , antah dimaa kabaradaan Upas kiniko indak jaleh pulo jalan caritonyo , barangkali bisa sanak maagiah tahu , atau si Upas ko lah baganti baju baru ?? Wassalam : Zul Amry Piliang di Bali. --- In [EMAIL PROTECTED], hendrif hendrif <[EMAIL PROTECTED]> wrote: > > Assalamu'alaikum w.w. > >> Kok manyiang dinan tumbuah, tumbuah sarupo iko kini, lorong kapado polemik nan ado, mancaliak Posting Palarai nan di postingkan baliak Mak Bandaro, iyo tabik pulo pangana nak sato sakaki. tabuti, Gabak dihulu tando ka hujan, Cewang dilangik tandono ka paneh. > > Tibo diparuk indak bakampihkan, tibo dimato indak bapiciangkan, kok manimbang iyo nan samo barek, mauji iyo nak samo sirah, itu mukasuk nan kadisampaikan. > > Partamo.: > Mancaliak kapado materi nan disampaikan oleh Sidang RN (ambo indak manyabukkan namo jo gala doh, tantuno Sidang RN alah maklum tantangan itu) manuruk ambo (pribadi = maaf kalau kurang sapandapek) iyo lai rancak, kok diambo kurang bana tantangan ilimu-ilimu nantun, dek karano diambo alun (bukan indak) mangarati mangkono ambo sato manyimak jo mambaco sajo, untuang-untuang hari isuak ambo mangarati pulo, bisa puo ambo sato maagiahkan pandapek. > oh > > Kaduo : > > mancaliak pado materi nan disampaikan, ambo bapandapek (bari maaf ambo) bahwasono baliau-baliau nan manulih nantun iyo bak bijo boneh nan talayau (talatak di pasamaian), bijo nan rancak bana, tingga diawak nan basamo mamupuak jo manyiangi, raso ibo hati kamalapehkan jo mambiakan bijo nantun indak gilo-i (digabah-i). elok disiangi kini-kini, paralu pupuak dicarikan, supayo dapek hasia nan rancak, rancak sarupo bijo nantun > > Katigo : > > Mancaliak kapado materi nan disampaikan, manuruk ambo (bari maaf kalau indak sapandapek) nan agak kurang tapek hanyolah ado caro-caro panyampaian, kadang-kadang sampai mangaca puncak hiduang bagai, lai pulo sampai ka paranak-an, tagisia pulo puncak kada tu, mangko agak bagalesoh saketek, sabanano sagalo sasuatu tu tagantuang dek caro, pandai awak manyampaikan , Isyaallah, kok paik bana, lai batarimo juo no. Kok ndak pandai-pandai awak manyampaikan sasuatu, nan rancak, buruak juo ditarimo urang. Kan lah ado papatah urang awak "Tagangno manjelo-jelo, kanduano badantiang-dantiang, Sakareh- kareh urang awak, kalau lai tahu caro masuakno, ano ka lunak surang sen, baitu pulo, kok lunakno indak pulo amuah disudu doh, amuah takalang dikarangkuang.. > > Kaampek. > Bialah basilang kayu ditungku, nak api buliah ka hiduk, disinan mangko nasi kamasak. tingga diawak ka ma-aru, pandai-pandai kito mangariah (a lah bahaso indonesia no du ma-aru jo mangariah ?), janno nasi jadi karai, atau taraso lambiak bana, nasi nan masak taraso lamak, mangko dipakai raso jo pareso, tahu diherang dengan gendeng, ingek dibayang kato sampai, jaleh dirantiang kamalata, tahu didahan kamanimpok. karano kalau kakai tataruang lai inai padahanno, tibo muluk nan tasorong iyo ameh babungka pambaia no, rugi awak basamo jadino. (maklum Sidang RN tantang itu > > > Sakitulah nan dari ambo, untuang lai baguno, > RantauNet http://www.rantaunet.com Isikan data keanggotaan anda di http://www.rantaunet.com/daftar.php ----------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ==============================================
