Re: [RantauNet.Com] Palarai II.

[hendrif hendrif]

 

Assalamu'alaikum w.w.

 

ampun baribu kali ampun, ampun ka Mamak Nan Gadang Basa Batuah, Alim Ulama Cadiak Pandai, Bundo Kanduang sarato Rang Mudo Sidang RN, ambo susun jari nan sapuluah batakuakkan sabaleh jo kapalo, sarato simpuah kaki nan duo.

 

Kok manyiang dinan tumbuah, tumbuah sarupo iko kini, lorong kapado polemik nan ado, mancaliak Posting Palarai nan di postingkan baliak Mak Bandaro, iyo tabik pulo pangana nak sato sakaki. tabuti, Gabak dihulu tando ka hujan, Cewang dilangik tandono ka paneh.

 

Tibo diparuk indak bakampihkan, tibo dimato indak bapiciangkan, kok manimbang iyo nan samo barek, mauji iyo nak samo sirah, itu mukasuk nan kadisampaikan.

 

Partamo.:

Mancaliak kapado materi nan disampaikan oleh Sidang RN (ambo indak manyabukkan namo jo gala doh, tantuno Sidang RN alah maklum tantangan itu) manuruk ambo (pribadi = maaf kalau kurang sapandapek) iyo lai rancak, kok diambo kurang bana tantangan ilimu-ilimu nantun, dek karano diambo alun (bukan indak) mangarati mangkono ambo sato manyimak jo mambaco sajo, untuang-untuang hari isuak ambo mangarati pulo, bisa puo ambo sato maagiahkan pandapek. 

 

nan tapacik diambo :

Panakiak pisau sirauk

panungkek batang lintabuang

salodang ambiak ka niru

 

satitiak katokan sa lauk

sa kapa katokan sa gunuang

ALAM TAKAMBANG jadikan GURU

 

jadi di RN ko ambo bisa pulo baraja, baraja indak disakolah sen doh

 

Kaduo :

 

mancaliak pado materi nan disampaikan, ambo bapandapek (bari maaf ambo) bahwasono baliau-baliau nan manulih nantun iyo bak bijo boneh nan talayau (talatak di pasamaian), bijo nan rancak bana, tingga diawak nan basamo mamupuak jo manyiangi, raso ibo hati kamalapehkan jo mambiakan bijo nantun indak gilo-i (digabah-i). elok disiangi kini-kini, paralu pupuak dicarikan, supayo dapek hasia nan rancak, rancak sarupo bijo nantun

 

Katigo :

 

Mancaliak kapado materi nan disampaikan, manuruk ambo (bari maaf kalau indak sapandapek) nan agak kurang tapek hanyolah ado caro-caro panyampaian, kadang-kadang sampai mangaca puncak hiduang bagai, lai pulo sampai ka paranak-an, tagisia pulo puncak kada tu, mangko agak bagalesoh saketek, sabanano sagalo sasuatu tu tagantuang dek caro, pandai awak manyampaikan , Isyaallah, kok paik bana, lai batarimo juo no. Kok ndak pandai-pandai awak manyampaikan sasuatu, nan rancak, buruak juo ditarimo urang. Kan lah ado papatah urang awak "Tagangno manjelo-jelo, kanduano badantiang-dantiang, Sakareh-kareh urang awak, kalau lai tahu caro masuakno, ano ka lunak surang sen, baitu pulo, kok lunakno indak pulo amuah disudu doh, amuah takalang dikarangkuang..

 

Kaampek.

Bialah basilang kayu ditungku, nak api buliah ka hiduk, disinan mangko nasi kamasak. tingga diawak ka ma-aru, pandai-pandai kito mangariah (a lah bahaso indonesia no du ma-aru jo mangariah ?), janno nasi jadi karai, atau taraso lambiak bana, nasi nan masak taraso lamak, mangko dipakai raso jo pareso, tahu diherang dengan gendeng,  ingek dibayang kato sampai, jaleh dirantiang kamalata, tahu didahan kamanimpok.  karano kalau kakai tataruang lai inai padahanno, tibo muluk nan tasorong iyo ameh babungka pambaia no, rugi awak basamo jadino. (maklum Sidang RN tantang itu

 

 

Sakitulah nan dari ambo, untuang lai baguno,

 

Gadang aia no batang sarasah, mailia sampai ka Padang Tarok,

Dipaelok-i sado nan salah, diambiak sado nan elok

 

Tabiiiiiiiiiiiiiiiiik.

 

 

 

Bandaro Labiah
======= Dikarek ==========
Hayatun Nismah Rumzy <[EMAIL PROTECTED]> wrote:

 

Assalamu Alaikum W. W.

 

 

 Ambo Indak gadang nak malendo, panjang nak malindih do Sutan. Ambo hanyo kok lupo maingekkan , kok takalok manjagokan.

Kok angku SBN nan nampak dek ambo nan barajo diati basutan dimato.

 

 

Sahinggo iko dulu kalau dek sanak, nanda nan lain ado nan taraso tolong ditambah dan dikurangi.

Wassalam

Hayatun Nismah Rumzy

 

[EMAIL PROTECTED] wrote:

Ass,wr,wb.

Ancaknyo kito tutuik sajo membicarokan Topik nan saroman iko.
Baeko, Arang habih basi binaso, ancak awak suruik baliak ka pangka, ganti
jo topik nan lain nan mambuek kito happy di palanta ko, setuju .......!!!

Wassalam,
M.St.Bangsawan
Rang Suliek Ayie di Bumi Sriwijaya

-------------------FILE USALI

> Assalamu'alaikum wr. wb.
>
> Manolah Sutan Parpatiah basarato jo Uni Nismah, sarato pulo dunsanak nan
> salingka milis iko.

================ dikuduang sebahagian !

> Ambo sangaik manghargai keberatan St. Parpatiah jo Uni Nismah, namun
> tolong disaratoi argumen dan
> wacana, dek karano sintesis tatap barasa dari tesis jo anti tesis.
>
> .... mupakaik barajo ka alue jo patuik,
> alue jo patuik barajo ka nan bana.
>
> Mohon maaf sakali lai kok ado kato nan manyingguang.
> Salam
>
> St. Bagindo Nagari
 

---

Do you Yahoo!?
SBC Yahoo! DSL - Now only $29.95 per month!

---

Yahoo! Plus - For a better Internet experience