Assalamulaikum Ww.
Sata pulalah hamba sakaki, maulang nan alah pernah ambo posting dulu.
Tampakno alah barubah tapian, alah baaliah jalan, tapi ubah jo aliahnyo iyo manuruik adat juo, tapi itu adat kini. Jikok baliak ka saat bangku sikola dulu. Nan banamo adat adolah " suatu kebiasaan nan barulang dan diikuti oleh sekelompok masyarakat secara terus menerus, sehingga kebiasaan ini menjadi aturan nan tidak tertulis". Disamping itu aturan nan tertulis juga berasal atau bersendi dari budaya atau adat ini.
Jadi kalau nan diikuti kini, alah diikuti dek sakelompok masyarakat dan dianggap aturan, itulah adat kini. Tarutamo urang Minang nan dirantau (tamasuak nan sadang manulihko kini), nan kadang bamuko duo. A muko duono, kalau alah manganai kewajiban keuangan, mako awak adolah batangguang jawab kakeluarga batih sajo (anak bini), tapi kalau satantangan nan lain, apo lai nan dikampuang masih maarokan coman saisuak. Kanakan diurus dek mamak. Cuba lah awak nan dirantauko batanyo kadiri awak, lai apo sajo, lai bara persen hasia awak nan diarahkan ka kanakan?
Dalam adat ado juo: "Anak dipangku kabanakan dibibimbiang, rang kampuang dipatenggangkan. Disikopun nampak bahaso tangguang jawab nan paliang dakek adolah kaanak, dek anak dipangku, bararti dibao atau dirus sacaro dakek. Sadang kanakan disuruah bajalan sandiri, nan diminta cuma bimbiangan.
Jadi nan kanakan kan iyo paralu bimbiangan, dibantu kalau alah tabedo, atau diusahokan supayo mereka tu indak tabedo dalam iduiknyo.
Satantangan kawin sasuku, di Canduang alah ditarimo sajak saisuak, paliang indak sajak ambo ketek. Dek wakatu ambo klas duo SR (1962) alah ado uda (sainyiak) nan kawin samo suku sikumbang. Cuma syaratnyo indak saparuik dan indak saadat (nan bararti indak sa Datuak.
Wass. Ww
St.P
Muhammad Dafiq Saib <[EMAIL PROTECTED]> wrote:
Muhammad Dafiq Saib <[EMAIL PROTECTED]> wrote:
Assalamu'alaikum wr.wb.,Sato pulolah ambo saketek.Disatujui atau indak, disukoi atau indak, ado bahagian dari adaik nan sadang barubah dan tatap kataruih barubah. Tantu indak kaparalu pulo ambo ulang bahaso alah samakin indak basuo lai kini mamak nan pai manaruko sawah untuak kamanakan. Padohal saisuak baitu adat, awak nan laki-laki, saisuak, manaruko, mangarajoan sawah nan hasiano untuak dibao ka kapuak gadang di rumah dunsanak padusi awak. Indak pulo lanteh angan awak mangecek-an nan bahaso awak alah 'marusak'an adat katiko kini panghasilan dibao ka rumah anak, tampek awak batangguang jawab saratuih persen.Katuju atau indak, tapian lah barubah, medan nan bapaneh lah bakisa, tampek lalu lah baganti.Kini baliak ka pakaro kawin sasuku. Nan sitereng bana tantu indak ka maijinkan anak rang Koto dinikahi dek rang Koto pulo. Padohal nan surang di Koto di Balaigurah di Ampek Angkek, di Agam. Nan surang lai di Koto di Tanjuang Pati, di Limo Puluah Koto. Kok di elo ranji kateh, mungkin basuono duo tingkek di bawah Datuak Perpatiah Nan Sabatang. Jadi ka indak buliah juo urang tu di kawinkan?Mako ado nagari nan alah labiah dulu 'progresif revolusioner', bialah samo-samo Piliang bana dalam kampuang, asa indak saparuik, di panikahkan urang sajo. Ratap kampuang jo nagari, indak ado surang juo nan maraso paralu nak mahujat. Indak bagai tarago marabahkan kabau sabagai dando adaik doh. Diparalek-an juo, jo alek baradaik juo, jo japuik bajapuik juo.Wassalamu'alaikum wr.wb.,Lembang Alam
bandaro <[EMAIL PROTECTED]> wrote:
- Lah ado babarapo komen dari Yoel, Zul ( Bali), Z Chaniago.
Dari ambo ;
- Kalau nak nio melestarikan adat, lah jaleh indak buliah.
Kalau dilanggar ( bisa sajo indak saparuik), berarti
lah melunturkan adaik.
- Makin dakek hubungan perkawinan, resiko cacat keturunan
makin ado.
St. Lembang Alam
Do you Yahoo!?
Yahoo! SiteBuilder - Free, easy-to-use web site design software
Do you Yahoo!?
Yahoo! SiteBuilder - Free, easy-to-use web site design software
