Server mailing list RantauNet berjalan atas sumbangan para anggota, simpatisan dan semua pihak yang bersedia membantu. Ingin menyumbang silahkan klik: http://www.rantaunet.com/sumbangan.php ~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
Assalamualikum WW. Nakan Rahima dan sanak nan ambo sanjuang tinggi. Awako iyo sangat terpengaruh jo miliu dama awak digadangkan. Caro bapikia iyo cuman itu juo. Jadi kalau awakko gadang didaerah Patriarchat, mako caro pikia awak akan jadi patriarchat, walau awak sadang manilai matriarchat. Iko satahu ambo, kalau ambo salah tolong diluruihkan. Pambagian harato di Mianag indak dibagi abih, sudah itu harato nan bagian awak bisa bak kandak hati awak, indak baitu doh. Mayoritas pembagian harato di Minang adolah pembagian dalam pemanfaatannyo. Umunyo harato di Minang indak buliah dipajua balikan, paliang juo buliah digadaikan. Walau itu harato gono gini nan dibagi, akan terpengaruh jo lingkungan di ma awak mambagi harato tsb. Bia nan laki-laki bana di bagikan harato kainyo dan dibaonyo karumah bininyo, mako nan dapek dimanfaatkan di rumah bininyo, iyo bungonyo sajo, alias hasianyo. Nan pangka mako tetap dimilki dek induak nan asanyo. Kalau indak mantun malu rasono diawak. Bilo nan laki-laki nantun maraso punyo bini nan mampu dalam ekonomi, mako inyo indak mambao harato ka rumah bininyo doh. Jadi harato dinilai jo azas manfaatnyo. Harato nantun direlakannyo untuak dimanfaatkan dek kabanakannyo, nan nota bene labiah gadang manfaatnyo sacaro kehidupan atau ekonomi. Awak kini kan mangecekkan hukum adat, jadi itu iyo hukum nan turun tamurun dan dianggap bana oleh sekelompok orang nan mempercayainyo. Kan itu nan namono hukum adat. Di adat saurang mamak maraso malu kalau inyo mambao harato ka rumah bininyo sadang kamanakannyo kakurangan sacaro ekonomi. Mamak harus basikap "anak diapangku, kabanakan dibimbiang dan urang kampuang dipatenggangkan. Iko jikok dirantang panjang iyo panjang jadinyo. Kalau di ranah Minang, bilo malang indak dapek ditulak, mujua indak dapek diraiah. Kiniko malang dipihak kito, terjadi perceraian antaro suami istri, mako si bapak maraso malu kalau inyo sato pulo mambagi harato pancariannyo tabang. Biasano si bapak akan mancari iduik baru, dek inyo bisa survive walau deweean. Walau indak jarang nan harus lalok di surau. Dek itu sbagai laki-laki harus kuat tanago, kuat kamauan, kuat keyakinan. Itu kecek rang gaek awak. Kini cubo pulo awak bapikia, apo itu indak dilarang dek ugamo awak, bararti itu slah. Apo pembagian harato nan manuruik ugamo itu wajib bantuak itu. Kalau misanyao salah surang dari nan bahak atas harato warisan itu indak maabiaknyo dan marelakan ka nan mambutuahkan sacaro ekonomi, itu adolah salah dan inyo badoso. Dsikolah pokok pikiran dalam palakat panjang. ABSSBK, sapanjang adat mamakai dan ugamo maatur indak baa doh. Jan pulo dikecekkan itu batantangan. Kalau saandainyo ambo malu mambao harato pancarian urang tuo mbo untuak mambali rumah untuak anak bini mbo di Jakarta, bararti ambo malawan hukum Islam. Indak bukan? Salanjuiknyo, ambo juo mangecekkan ka urang rumah mbo, injan sampai dijua pulo sawah untuak kami di Jakarta, itu slah manuruik adat. Indak pulo. Nan paralu caliak sesuatu jo ukurannyo. Mancaliak adat Minang, iyo harus dicaliak jo hukum adat Minang na ABSSBK, injan dicaliak samiang jo hukum Islam, apo lai jo hukum Islam nan di praktekkan di Arab sana. Di Arab Saudi, negara adalah milik keluarga Raja. Apa ini benar dengan hukum Islam? Saya kira itu hukum adatnya, karena nenek moyangnya yang pertama menggarab Jazirah Arab itu dulu. Jadilah seluruh bumi Arab dan Airnya milik raja. Kalau di Minang, karena adanya pelakat panjang, terjadilah penyesuaian hukum Islam disana. Apa ini salah? Asal agama tidak melarang dan selama agama tidak mengharuskan, tidak ada salahnya. Misal orang tua saya melarang saya kawin dengan orang Jawa, itu salah menurut Islam? pada hal sesama Islam kita bersaudara. (Kalau kalimat terakhir ini diterjemahkan literlek dengan adat Minang, berarti kita tidak boleh menikah sesama Islam, orang bersaudara). Jadi yang benar, ukurlah sesuatu dengan standard ukurannya. Jangan dipakaikan baju orang Indonesia untuk orang Eropa, sampik jadinyo, Dan injan dipakaikan baju orang Arab untuk orang Minang, manggaroyoh jodinyo. Sakiti sajolah dari ambo, maaf talambek maresponse, dek tigo ari di remote area internet nan bisa access. Wassalam. WW Darul (50 + 5 hari) Jkt -----Original Message----- From: [EMAIL PROTECTED] [mailto:[EMAIL PROTECTED] Behalf Of Rahima Sent: Tuesday, November 11, 2003 7:56 PM Assalamulaikum WW Kalau itu bukan hukum adat, tapi hukum kerelaan. Lantas hukum adat terhadap harta warisan pencarian ortu itu sendiri bagaimana mak Darul,boleh dijelaskan pada kita-kita di sini,apakah seperti harto pusako tinggi juo,diagiah sadonyo ka anak nan padusi ? ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Ingin memasarkan produk anda di web RantauNet http://www.rantaunet.com Hubungi [EMAIL PROTECTED] atau [EMAIL PROTECTED] ~~~~~~~~~~~~~~~~~~~~~~~~~~~~~~~~~~~~~~~~~~~~~~~ Isikan data keanggotaan anda di http://www.rantaunet.com/daftar.php ---------------------------------------------------- Berhenti menerima RantauNet Mailing List, silahkan ke: http://www.rantaunet.com/unsubscribe.php ========================================
