Ass Wr Wb bapak Saaf yth
Hanifah cubo jawek tanyo bapak di bawah dih.
Kalau di keluarga hanifah maupun kaluarga lain di kampuang hanifah nasab
tetap manuruik bapak, suku manuruik suku ibu. Cuman karano indak biaso namo
diikuti namo bapak, saakan akan nasab indak manuruik bapak. Jadi sajak SD
hanifah hanyo banamo HANIFAH tanpa Damanhuri di balakang. Pernah katiko
kelas 6 SD, kato mama tambahlah namo di balakang jo Damanhuri ... hanifah
manggeleng ...apoli wakatu itu papa indak jadi pagawai lai, papa baru baraja
jadi patani... maluuu, dan kawan-kawan indak pulo mamakai namo bapak di
balakang, bukan berarti indak buliah.
Kakek hanifah H Abdul Djalil, punyo babarapo anak dari babarapo urang istri
nan tersebar dikecamatan Banuhampu. Kakek hanifah urang siak
.. baliau salah
surang guru di Sumatra Thawalib Parabek, jaman nyiak Ibrahim Musa pendiri
sekolah tersebut (kalau indak salah).
Dari adat budaya kita yang matrilineal, pertemuan keluarga se ayah terjadi
kalau hari rayo atau kalau ado pesta di rumah bako. Kalau bako kayo mungkin lai
bisa acok pesta dan acok pulo bakumpua jo saudara. Itupun katiko anak-anak
karano pesta dikampuang nan hadir adolah induak-induak dan anak-anak tanpa
bapak-bapak
baa pulo manjalehkan go eh?
Baitu alah mulai ABG nan laki-laki indak dibao lai pai balek. Dari carito
etek-etek jo bapak-bapak nan basaudara tapi jarang basuo karano balain kampuang
kadang ado asmara dan kadang ado musuhan antaro mereka karano indak saliang
kenal. Lucu-lucu caritono.
Tibo di cucu kakek namono Abduh bin Damanhuri Djalil samo sikola di SMP jo si
PETE bin Thaib Djalil. Namo indak batulih sarupo mantun ladoh, cuman batulih
Abduh dan PETE sen. Kirono mereka baduo gon suko pulo bacakak. Suatu hari ado
pertemuan urang tuo murid .. . hadirlah papa Damanhuri dan bapak Thaib
kasekolah
.. bitakajuik menah si Abduh dan si PETE... badunsanak karajo saliang
bacakak.
Sajak itu papa minta kaadiak-adiak baliau untuak maadokan pertemuan Dinasti
Djalil. Namo anak-anak kalau bisa di tulih saroman iko
NAMO + inisial namo Bapak + Djalil (namo kakek).
Diantaro nan sempat mamakai namo saroman nantun adolah:
Fatma D Djalil
Hilma D Djalil
Minda T Djalil dll
Alhamdulillah sampai kini kekerabatan Dinasti Djalil masih baik. Kalau ado
pesta atau kamalangan saluruhno masih bahimbauan dan bahambauan.
Tantang konsep punah di suku hanifah
Dari dunsanak hanifah sasuku ado mamak Daranih (mak Nih) nan tungga babeleng.
Samaso baliau hidup, baliau jadi mamak di suku kami, apolai indak bara
laki-laki di suku kami nan tingga atau dakek kakampuang. Mak Nih sendiri tingga
diparabek, dakek kampuang kami. Hanifah sendiri indak pulo punyo mamak
kanduang. Jadi hubuangan kami ka mak nih sangaik dakek, taraso ka mamak
kanduang.
Katiko baliau alah maningga, hubuangan baik jo anak-anak baliau tatap
tajalin, iko bisa diliek katiko ado pesta atau kamalangan di antaro kami. Kami
masih saliang bahimbauan dan bahambauan.
Oh ya lupo
kakek hanifah dipihak ibu juo anak tungga. Warisan kakek
diturunkan ka anak-anak dari tiga ibu. Walaupun pernah ado sengketa antaro mama
jo bako, tapi tibo di acara adat, bako mama tatap maisi adat. Bako mama jadi
induak bako bagi kami.
Itu sen dulu nan takana, talabiah takurang mohon maaf, mudah-mudahan paguno
Wass
Hanifah Damanhuri
Assalamualaikum w.w. Dunsanak Arnoldison,
Tarimo kasih ateh penjelasan Dunsanak. Ado ciek
pertanyaan ambo ka Dunsanak -- dan para dunsanak nan
lain di palanta ko -- sahubungan jo sistem kekerabatan
matrilineal kito, baa malaksanakannyo di Minangkabau ?
Saparati alah ambo sampaikan dalam kesempatan lain,
masalah iko bana nan marumuakkan hati Ayah ambo dan
mandorong ambo maangkek persoalan ko ka RN untuak
mandapek perhatian kito sadonyo dalam rangka ABS SBK.
Manuruik Islam, katurunan Ayah ambo indak putuih
karano anak baliau banyak. Tapi manuruik adaik kito
baliau 'punah'. Nah.
Sabagai tambahan,hukum internasional hak asasi manusia
dan hukum nasional kito sajalan jo hukum syariat itu.
Nah lagi.
Wassalam,
Saafroedin Bahar
--- Arnoldison <[EMAIL PROTECTED]> wrote:
>
> Kedudukan Ilmu Nasab Dalam Syariat Islam
> Posted Ali wardana
> Fri, 09 Mar 2007 18:41:30 -0800
>
> Berfirman Allah swt dalam alquran :
>
> 'Hai manusia, sesungguhnya Kami menciptakan kamu
> dari
> seorang laki-laki dan perempuan, dan Kami jadikan
> kamu
> bersuku-suku dan berbangsa-bangsa, supaya kamu
> mengenal satu sama lain. Sesungguhnya yang paling
> mulia di sisi Allah ialah yang paling bertaqwa'.[1]
>
> Diriwayatkan oleh Ibu Asakir dari
> Abdullah
> bin Abbas, Rasulullah saw bersabda :
>
> 'Aku adalah Muhammad bin Abdullah bin Abdul Muthalib
> bin Hasyim bin Abdi Manaf bin Qusay bin Kilab bin
> Murrah bin Ka'ab bin Luay bin Ghalib bin Firh
> (Quraisy) bin Malik (bin al-Nadhir) bin Kinanah bin
> Khuzaimah bin Mudrikah bin Ilyas bin Mudhar bin
> Nizar
> bin Ma'ah bin Adnan'.[2]
>
---------------------------------
Ahhh...imagining that irresistible "new car" smell?
Check outnew cars at Yahoo! Autos.
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Daftar dulu di: https://www.google.com/accounts/NewAccount
-~----------~----~----~----~------~----~------~--~---
