Waalaikumsalam wr wb.
Manuruik ambo, "panyakik" ko bukan di anak2 tu, tapi di urang gaeknyo.
Ambo raso, ndak usah jaua2 bana mancari sumbernyo, ndak usah langsuang sampai
ka Perang Paderi bagai do. Awak cubo dulu mancaliak nan nampak kini.
Mungkin dari siko lah nampak masalahnyo: apokah anak2 urang awak ko ndak
takabek katinyo jo Minangkabau dek karano keinginannyo sendiri atau memang
anak2 tu ndak "diaja" untuak mengabekkan hati nyo ka kampuang, bahaso, dan
adaik "leluhur".
Ambo tantunyo ndak punyo kewenangan untuak mancaliak ka keluarga lain. Labiah
tapek kalau ambo mancaliak di dalam keluarga surang.
Ambo lahia sampai umua 16 di Padangpanjang, ditambah lo 2 1/2 tahun karajo di
Padang. Sampai di rantau acok bakumpua jo dunsanak maupun urang Minang lainnyo.
Kami selalu berkomunikasi dalam bahaso Minang, bacarito tentang kampuang.
Tapi antah ba'a (mungkin karena alasan praktis?) kalau berkomunikasi jo
anak-anak, ambo manggunokan bahasa Indonesia. Anak nan gadang laia waktu ambo
karajo di Padang, tapi setelah baliak ka Jakarta, baru 2X nyo ka Sumbar. Anak
nan ketek malah baru sakali.
Kami acok bakumpua badunsanak, tapi ambo caliak, kasadonyo berkomunikasi jo
anaknyo dalam bahaso Indonesia.
Bukan cuma ambo nan "tagadai ka Jawa", tapi pasangan kakak nan "asli Minang"
pun baitu juo.
Nah, kalau mancaliak contoh di ambo ko, dima "panyakik" nan sabananyo, di
"anak2" tu atau di "urang gaek"nyo?
Belakangan ambo alah menyadari tu, ambo lah mancubo maubah - walaupun baru
dalam konteks bahasa/ komunikasi, dan saketek tentang adaik nan ambo tau -,
tapi ndak tau nan lain.
Jadi kalau kesimpulan ambo, masalahnyo bukan di anak2 tu, tapi di urang
gaeknyo. Urang gaeknyo nan - sacaro indak langsung, dan ndak disadari - nan
"maaja" anak manjadi lupo.
Wassalam
Riri
Hilman Mahyuddin <[EMAIL PROTECTED]> wrote:
Assalamu'alaikum wr wb;
Saketek komentar mengenai raso minang anak2 keturunan Minang bayiek yang lahie
dikampuang maupun di Parantauan,apo lai urang gaeknyo ciek nan
minang.Kabanyakan mereka indak baitu takabek atinyo jo minang,dan cukuik banyak
nan alun parnah pulang kakampuangnyo.Sangat babeso (berbeda) jo urang mudo
tahun limo puluhan,indak urang minang sajo nan respek, urang dilua
minangpunrespek,bahkan cukuik banyak nan bacito cito balaki urang minang.Iko
bisa difahami karano dekade ampek puluhan dan limopuluhan sangat banyak urang
cadiak pandai jadi tokoh di nusantara.(mintuo ambo karano dipalakian,indak
dapek balaki jo urang awak mako inyo bacito cito baminantu urang
awak,alhamdulillah cito2 nyo tacapai juo ).Namun kini banyak anakmudo2 apolai
nan diluar minang agak kurang suko,karano dicap suko manang suranglah atau
cadiak burueklah,apolali dek dikecekkan taimpiek nak diateh ,takuruang nak
dilua.Mungkin karena mereka pai marantau indak dilapeh jo nasihat :mandi di
ilie ilie (urang dulu
mandi disungai/kali) bakato dibawah bawah dan sebagainya.Urang maanggap
bahaso urang minang sangaik sukuisme.Mungkin mereka inadk tau katiko M.Natsir
jadi Perdana Menteri dalam Republik Indonesia sesudah R I S,dan Mr Asaat
menjadi Menteri Dalam Negeri,Gubernur Sumatra Tengah mereka ganti dari Mr
Nasrun yang urang Minang dengan Ruslan Muljohar djo.Waktu itu tidak ada protes
dari DPRD Sumatra Tengah.(Propinsi Sumatra Tengah terdiri dari Sumatra
Barat,Riau dan Jambi dengan ibukota Bukittinggi.)
Sakitu dulu dari ambo mohon ma'a talabieh takurang.
Wassalam;
H M
Fussy? Opinionated? Impossible to please? Perfect. Join Yahoo!'s user
panel and lay it on
us.http://us.rd.yahoo.com/evt=48516/*http://surveylink.yahoo.com/gmrs/yahoo_panel_invite.asp?a=7
hot CTA = Join Yahoo!'s user panel
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Konfigurasi dan Webmail Mailing List: http://groups.google.com/group/RantauNet
Tapi harus mendaftar dulu di: https://www.google.com/accounts/NewAccount dengan
email yang terdaftar di mailing list ini.
-~----------~----~----~----~------~----~------~--~---
