Alaikumsalam nakan Reza dan sanak kasado alahe.
Pemberontakan soal adaik Piaman ko memang alah berlansung
taruih. Waktu bupati zaman Orba, Anas Malik, kalau indak salah
pernah mengeluarkan perda mengatur soal japuik manjapuik ko.
Ambo sendiri nan nikah jo gadih Toboh, lahia di Siantar, basuo
dan nikah di Jakarta, samo sekali indak memakai adaik tu.
Kebetulan kedua pihak kami sepakaik pulo. Ambo mambayia
mahar sebuah Alqur'an. Hanyo itu.
Rasonyo secara perlahan dan pasti, telah tajadi banyak
perobahan. Kadangkala kalaupun dilakukan hanya sekedar
formalitas simbolik sajo.
Baa komentar sanak di lapau "piaman-laweh"?
Wassalam
ajoduta
muhammad syahreza <[EMAIL PROTECTED]> wrote:
Assalamu'alaikum wr.wb.Niniak Mamak salingka Piaman Laweh
Kalau ado yang ingin maratifikasi atau marevisi adat salingka nagari di
Piaman laweh tu, ambo nan partamo mandukuang. Ambo labiah rela tabuang dari
adat daripado tabuang dari agamo. Karano dalam agamo Islam yang namonyo nikah
kawin adolah karajo elek yang harus dipacapek. Dulu ambo pernah punyo hubungan
jo kawan urang X Jeruk juo dan sepakat kami untuak manikah, waktu inyo
manyampaiakan ka keluarganyo nan tajadi adolah keluarganyo indak merestui
hubungan kami, hanyo neneknyo sajo yang mandukuang hubungan kami, karano dimato
keluarganyo status keluarga ambo indak samulia keluarganyo do. Demi
"MENYENANGKAN HATI URANG TUANYO SUPAYA INDAK DIKATOKAN ANAK DURHAKO" inyo nikah
jo calon urang tuonyo. Selain dari itu banyak pulo kasus dari kawan ambo yang
alah manyebar undangan, 3 hari kanikah batal acaranyo dek karano kesepakatan
niniak mamaknyo "mantah" baliak.
Sacaro psikologis jo moril bara barek baban malu yang ditangguang pihak
keluarga anak daro dan marapulai, karano ego niniak mamak..bara gadang doso
yang akan ditangguang niniak mamak nyo tu...padahal nan maagiah makan jo
manggadangkan kamanakannyo tu abak jo amaknyo bukan mamak-mamaknyo..Kebetulan
induak bareh ambo urang Sumani Solok, lahia gadang di Padang. Waktu nikah akhir
Maret patang ko untuak mahindakan pagesekan budaya jo adat antaro Piaman jo
Solok, ambo malangga adat Piaman tanpa mangabakan jo maajak niniak mamak dari
Piaman, ambo turun dari rumah bako ambo di Jati di padang, sebagai niniak mamak
ambo minta tolong se ka urang gaek kawan karib ambo di Padang, kebetulan inyo
juo dari Gasan X Jeruk. Alhamdulillah acara lancar..nan paralu urang gaek lai
restu jo redho...karano kami karajo di swasta yang tabateh waktunyo..banyak
prosesi kami potong se..misalnyo manjalang keluarga marapulai dalam adat Piaman
indak diadokan.
Ambo pribadi indak pernah sadiah atau kecewa indak mamakai adaik
Piaman...malah ambo bangga bisa mahindari pergesekan budaya waktu pernikahan
ambo.
wassalam
Reza
--~--~---------~--~----~------------~-------~--~----~
Berhenti (unsubscribe), kirim email ke: [EMAIL PROTECTED]
Webmail Mailing List dan Konfigurasi keanggotaan lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di:
https://www.google.com/accounts/NewAccount?hl=id&cd=US&service=groups2.
-~----------~----~----~----~------~----~------~--~---
