Waalaikumsalam w.w. Sanak Hilman Mahyuddin, St Lembang Alam, Sandi Yudha,
Karano RN ko lai diikuti dek para pemangku adat, baa kok kito tanyo baa pulo
penjelasan baliau-baliau: Angku Azmi Dt Bagindo, Angku Datuk Endang, Uda ambo
Chaidir Nien Latief Dt Bandaro, dan lain-lain. Baa kok anok-anok sajo ? Apo
indak paralu masalah anak kamanakan ko dibahas dan ditangani?
Sakadar sabagai bahan untuak dibahas, kan sabagian gadang makalah-makalah
semiloka bulan Juni 2007 tantang masyarakat hukum adat Minangkabau di
Universitas Andalas kini alah tabik dalam bantuak buku dan alah dibagi rato
dalam lokakarya di MK tanggal 10-11 Desember nan lalu ?
Wassalam,
Saafroedin Bahar
Hilman Mahyuddin <[EMAIL PROTECTED]> wrote:
Assalamu'alaikum wrwb;
Pak Saaf yth.Tagalitiek ati ambo mambaco tulisan pak Saaf tantang siaakolah nan
paralu kito mintak partanggungjawaban watak urang awak ko.Awak punyo banyak
kiasan2 nan cenderung galieh atau calie,sarpo taimpik nak diateh takuruang nak
dilua.Dalam bautang ado juo papatahnyo:Kalau utang kan dibayie dimaa cadiek
kapaguno atau Janji samo jo utang ,dek karano tuh utang dibayie jo janji,
ditambah pulo janji biaso mukie titian biaso lapuekdsb dsb.sahinggo takasan
dari ungkapan2 tuh caro pareman.Sangat banyak papatah patiteh yang jadi padoman
iduik yang islami antaro lain.Kalau utang indak dibayie dimaa iduik nan kan
sanang;bakato di bawah2 manyawuek di ilie2.
Urang awak tamasahue sabagai pedagang alias manggaleh.Awak dikampuang
manyabuiknyo mancari pitieh.Dalam mancari pitih acok bana barubah manjadi
mangaja (mengejar) pitih sahinggo lupo / indak paduli jo halal haramnyo,dan
disitu acok kalua aka calie.Padohal manggaleh yang islami dipersilakan masuk
syorga.
Agaknyo paralu dirobah pandangan dari mangaja pitih manjadi dikaja pitih.Urang
yang dikaja pitih karajonyo rancak manyanangkan dan mangarajokan sasuatu jo
hati .
Dunsanak2 ambo juo manggunokan tanago tukang dari Jawa bahkan pagawai
toko,maurus mansajik juo dari Jawa.Karano anak2 tuh saulah parangainyo ado nan
bakarajo dikadai saparo hari dan saparo hari lainnyo
disakolakan/kuliah.Alhamdulillah barubah iduiknyo manjadi labieh bayiek.
Wassalam;
Hilman Mahyuddin.
2007/12/11, Dr.Saafroedin BAHAR <[EMAIL PROTECTED]>: Waalaikumsalam w.w.
Sanak Sutan Lembang Alam,
Ambo juo heran baa mako urang awak mako baitu ? Apokoh garan nan manyababkan
sifat caliah tu ? Baa mako di awak sajo tu nan tajadi, mako di urang indak ?
Kok ambo ditanyo, ambo iyo suko maambiak tanago karajo dari urang Jawa: rajin,
indak banyak kecek, umumnyo sopan. Wakatu ambo mameloki pondok buruak ambo di
Jakarta tujuah tahun nan lalu, tukangnyo ambo ambiak dari Jawa Timur. Rajin,
rapi, indak banyak cingcong.
Sia koh nan paralu kito mintak patanggungjawaban tantang soal pambantukan
watak urang awak ko? Atau sadonyo balapeh tangan sajo?
Tapi kok dipikia-pikia, baa mako urang awak nan bakarajo di parusahaan asiang
umumnyo samo rajin dan badisiplinnyo jo urang lain? Apo iko bukan masalah
lingkungan sosial dan kapamimpinan?
Wassalam,
Saafroedin Bahar
Muhammad Dafiq Saib <[EMAIL PROTECTED]> wrote:
Assalaamu'alaikum wa rahmatullaahi wa barakaatuhu
Ado nan salah di sabagian (ketek) urang awak, nan alah sajak dulu tapi alun
juo kunjuang bisa dipaelok-i. Caliah. Iko tamasuak aka(r) dari kabaradoan
pareman. Kok bakarajo baa nan ka enteang, kok upah baa nan ka gadang.
Tamasuaklah conto di siko manjadi agen oto, jadi tukang catuik, cukuik jo
manembak di ateh kudo sajo di parantian oto, dapek juo pitih. Atau jadi tukang
angkek (nan ketek-ketek) di parantian oto tu. Kalau kamanurunan barang nan
gadang-gadang bana biasono jarang nan amuah. Tapi kok ka mangangkek-an tas
ketek ciek, sudah itu dimintak ongkos sakalamak paruikno surang, biasono labiah
banyak nan sanggup mangarajoan. Kalau caro kini jadi tukang parkir, balagak
jadi patugeh kaamanan. Ndak baluluak bacikarau....
Ado bana lapangan karajo, kalau nan kamangureh paluah kalua, banyak nan
anggan. Tapi kalau ka bakarajo nan upah bayia di muko sudah itu karajo bak jano
karajo sajo, iyo acok tadanga. Persis sarupo nan dicaritoan Rahima.
Alah baduo batigo awak manyabuik di Palantako, bahaso untuak mamakai karajo
tukang banyak nan mamiliah mambao tukang dari Jawa dari pado mampakarajoan
urang kampuang awak. Sabab iyo itulah, urang awakko banyak nan caliah. Saisuak
di kampuang acok dikecek-an urang, ka mairiak tungkek balabiah, ka makan
piriang ndak sadang.
Sakadar ka palawan teori Nofrins bahaso iko masalah kampuang tangah.
Wassalamu'alaikum
Lembang Alam
----- Original Message ----
From: Sandi Yudha < [EMAIL PROTECTED]>
To: RantauNet@googlegroups.com
Sent: Tuesday, December 11, 2007 2:55:45 AM
Subject: [EMAIL PROTECTED] Re: PULANG KAMPUNG - Pareman...?
Tarimo kasih banyak atas argumen dari da nof.
---------------------------------
Looking for last minute shopping deals? Find them fast with Yahoo! Search.
---------------------------------
Looking for last minute shopping deals? Find them fast with Yahoo! Search.
---------------------------------
Be a better friend, newshound, and know-it-all with Yahoo! Mobile. Try it now.
--~--~---------~--~----~------------~-------~--~----~
===============================================================
Website: http://www.rantaunet.org
===============================================================
UNTUK SELALU DIPERHATIKAN:
- Hapus footer dan bagian yang tidak perlu, jika melakukan reply.
- Posting email besar dari >200KB akan di banned, sampai yang bersangkutan
menyampaikan komitmen akan mematuhi Tata Tertib yang berlaku.
- Email attachment, DILARANG! Tawarkan kepada yang berminat dan kirim melalui
jalur pribadi.
===============================================================
Berhenti, kirim email kosong ke:
[EMAIL PROTECTED]
Webmail Mailing List dan Konfigurasi teima email, lihat di:
http://groups.google.com/group/RantauNet/subscribe
Dengan terlebih dahulu mendaftarkan email anda pada Google Account di
https://www.google.com/accounts/NewAccount
===============================================================
-~----------~----~----~----~------~----~------~--~---
