Bundo Evy, Saroman nan dikatokan pak Muljadi, kapelo mantun iyo ubi kayu (casava) atau disabuik juo ketela pohon. Alah batahun babilang musim kini nan kapelo mantun indak dipotong sagadang jo dagiang, malainkan ukurannyo sagadang dadu, sahinggo tampilannyo labiah menarik & mangundang salero.
Tareh jua ko sajinih kayu, nan satahu ambo pado maso daulu randang ko adolah salah satu menu nan manjadi kapalo jamba. Umumnyo randang nan manjadi kapalo jamba ko ukurannyo iyo labiah gadang dibandiang randang nan biaso. Potongan dagiangnyo sagadang-gadang tenju (kepalan tangan). Ukuran randang nan gadang mantun hanyo dipacaliakan sajo kapado tamu nan tibo, sabab adaik kapalo jamba mantun kan iyo baitu. Jadi apo hubuangannyo antaro tareh jua jo kapalo jamba ko? Nan ambo tau, dagiang nan ukurannyo sagadang tenju mantun dituka jo tareh jua, sebagai pangganti dari dagiang. Tantunyo tareh juo nan ko indak untuak di konsumsi. Saroman nan alah disampaikan mak Muchlis, bisa guguih gigi awak kok bapasoan manggigiknyo, sabab iyo sabana kareh, sakareh kayu. Jadi baa kok randang masiak ko bacampua jo tareh jua? Ambo pikia tujuannyo samo jo pek kami di Mudiak Pikumbuah untuak mampabanyak volume randang, bedanyo kok kapelo iyo bisa di konsumsi sadangkan tareh jua tantu indak. Di Luhak 50 Koto nan pernah ambo caliak hal iko dilakukan di Koto Nan Godang nagari asa sanak Eko. Pado pinggan nan barisi randang mantun nan tampak bantuak dagiang sagadang tenju mantun talatak di tangah-tangah pinggang, sadangkan nan dagiang usalinyo ado di sakuliliang tareh jua. Bagi kito urang minang, dagiang kabau ko pado maso saisuak iyo agak jarang dikonsumsi. Sabab kabau mantun sabana paguno pado urang di nagari-nagari, nan bapakai untuak mambajak sawah, mahelo padati, mangilang tabu, mahiriak batang kayu dan lain sabagainyo. Mangko dek itu, kutiko baralek kawin, atau batagak pangulu, atau kutiko ka masuak bulan suci Ramadhan nan dilakukan tradisi mambantai, baru takicok randang dagiang nan ko. Kok alang-alang hari (hari biaso) iyo samba nan ado hanyo ikan, talua atau nan lain. Randang merah nan bundo mukasuik mantun namonyo disiko adolah kalio. Nan randang mantun iyo nan hitam. Untuak nan masiak saroman nan alah basabuikan, dimasak labiah lamo dari randang nan biaso. Mamasaknyo jo sabuik karambia hinggo bamalam sambia taruih dikincai sakancah gadang. Kalau pulang basamo, anggota keluarga kan lai banyak, sahinggo pertukaran shift bisa diatur. Kok dimulai sajak pagi mangukua karambia, bisuak sanjo alah salasai randang mantun. Bagi nan apak-apak atau nan bujang dapek giliran maurus api sarato shift maaduak randang kutiko malam hari hinggo subuah. Dek babuek sakancah gadang, iyo seluruh keluarga nan pulang barayo dikampuang bisa mambao randang masiak ko ka tanah rantau agak 2-3 kg per keluarga. Bitulah kito urang minang di nagari-nagari, 11 bulan mancari untuak basuo kutiko harirayo sambia malapeh taragak, mambuek randang basamo baganti-ganti sambia mampsamokan apo nan patuik kito rundiangkan, mulai dari sikolah anak kamanakan, rencana baralek kawin, mambagi hasia sawah, mancari informasi baru tantang daerah rantau nan lain, bakongsi untuak bausaho, manyalasaikan patikaian & macam-macam persoalan hiduik nan indak pernah ado habihnyo. Mungkin itu nan bisa ambo sampaikan semoga bisa membantu saketek penjelasan kapado bundo. wasalam AZ/lk/34th/caniago Kubang, sadang di kampuang babako ka Canduang Koto Laweh, Agam ________________________________ Dari: Muljadi Ali Basjah <[email protected]> Kepada: [email protected] Dikirim: Senin, 30 Juli 2012 22:46 Judul: Re: Bls: Bls: [R@ntau-Net] Salamaik Ultah Mak JB Assalamualaikum Wr.Wb. Yth. Ibu Evy Djamaludin SH. Ambo bukan sok tahu, minteh2 tanyo dan jawab nan bukan hak ambo. Cuma dek sadang vakuum sabanta, jadinyo dek biaso sok tau lah saketek2. Biaso terkontaminasi anak gaul Kampus, nan kuliahnyo banyakan dibangku Meja Mensa/Cafetaria (Mensa=Meja , bhs Latinum), daripado di- Audimax (Auditorium Maximum, Saal kuliah nan laweh). Anyang Kapelo, Kapelo itu Casavas, Ubi Kayu, atau Roti Sumbu di Betawi namonyo, Tapi yang dimaksudkan disini kira2 Gulai Pucuak Parancih (Gulai daun Ubi Muda) yang di balai Gurah Biaro itu namanya. Maaf kan ambo ibu2 atau para Gourmet yang ahli kuliner kalau ambo sesat pulo menjalehkannya Ibu Evy. Beko kalua pulo mande ambo dari pusaro baliau, mancabuik pasport Minangkabau ambo nan lah ampia kadaluwarsanyo. Lagian mande ambo kan van deze Meisjes jaman Bulando saisuak. Badoso ambo, manyalemean mande kanduang, rasanya indak baa doo keoo yo makk ee. Nah kalau Tareh Jua, ambo manyarah Bu Evy, kato maik Google, Tareh itu BonBon Gula Merah dikampung jaman dulu. Jua, ya mungkin jual, maknanya mungkin Bonbon Permen. Mungkin pak Mulyadi datuak Marah Bangso Gourmet nan banyak puterek aneka ragam masakan Minangknya pasti tau jawabnyo. Maoh bu Evy, ambo cuma punyo pasport Minangkabau sajo, nan batua 100% Minagkabau, tapi kan rakitan Medan. Mohon diri, adolo Client nan manalepon. Wassalam, Muljadi Ali Basjah. Kalau Randang Hitam, dugaan ambo, bukan apinyo gadang, tapi mamasaknyo nan gak lamo, baronyo kaciak, iko di-takok2 uok sajo di ambo nyo ko Bu Evy. Tareh.....???? kalau Taleh itu, keladi, kemumu, biasanya Ayam gulai kamumu., sansai badan dinagari kiju, bulan Puaso manalisa kuliner Minang. Bata puaso ndak???? ________________________________ Dari: Evy Djamaludin <[email protected]> Kepada: "[email protected]" <[email protected]> Dikirim: Senin, 30 Juli 2012 13:16 Judul: Bls: Bls: [R@ntau-Net] Salamaik Ultah Mak JB Pak Muchlis dan bung Armen, ..ambo jan diketawain... Apo tuh kapelo..... Soalnya Buya Zubir minta anyang kapelo... Nah apalagi tareh jua .... apo pulo jenis kuliner ko... Banyak ragam randang ko.. Ambo pandai hanya mambuek randang merah. Jiko randangnyo itam.. berarti pakai api gadang. Jiko anak anak batanyo kenapa randangnyo indak hitam, ambo kecekkan... " Randang mama memang merah nak... Masalahnya alun sampai jadi hitam - sirandang lah jadi rebutan.. licin tandeh ..:) Sekedar palamak ota salamo bulan puaso... Salam, 3vy Djamaludin (Kawasan Puspiptek, Kota Tangerang Selatan) -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
