Mak Dave, Amak Uni Evy, sanak Armen sarato adidunsanak palanta,
Kato2 parajan ko paralu lo dilestarikan mah Mak Dave, alah jarang ambo mandanganyo. J Mampakecekan randang iyo sambuah variasinyo. Kalo di ambo nan paliang sedap tu nan pakai kantang ketek-ketek. Diuli dulu jo sampalah karambie bakeh santan randang tadi, sudah tu dibasuah jinih-jinih. Ditabuak I sakaciak jo ujuang pisau, baru bamasuakkan ka dalam randang nan ampia mangalio. Astaga . (mambayangan no haha. ) Kalo ambo indak salah randang itam nan bakantang kaciak-kaciak ko adolah khas randang Bukiktinggi. Kalau di Tilatang kamang tampaik nenek ambo nan acok basuo randang ko saisuak kalo barayo ka rumah-rumah family, randang itiak nan acok tasuo. Sabana kamek randang itiak ko dek dagiang no baserat aluih tapi padek. Wakatu kami basikola, abang kami bataranak puyuah. Dima puyuah nan jantan alah sah kanai dabiah. Dek dalam ciek rokok'an masin tateh 1000 talua, bisa manateh rato2 700, batino saparo nan jantan saparo. Puyuah aluih2 ko bapaliaro sampai 1,5 bulan sudah tu bapisahan jantan batino no. Dalam sakandang baisi 50 ikua batino patalua bamasuak an 5 ikua jantan. Jadi jantan nan balabiah tun kami jua atau didabiah dibuek randang. Indak tangguang-tangguang, 100 ikua sakali bantai dan itupun baru sakuali takah awak marandang dagiang 3 kilo. Kamanga awak, mah nan puyuah ko kan kacin-kacin noh. Jadi kalo alah kamarandang baru sadang elok sakuali randang, iyo diateh 70 ikua. Puyuah ko tatap dipotong ampek. Kalo masalah rasono, ateh dari randang nan lain. Silahkan dicuboan pabilo ado bahan no. Untuak kinco biasono kami ambiak kacang paga atau disabuik juo kacang papan. Digoreng salincam baru dimasuakkan. Sakitu duluh satono goh. Wassalam Rina, 34, batam -- -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet http://groups.google.com/group/RantauNet/~ * Isi email, menjadi tanggung jawab pengirim email. =========================================================== UNTUK DIPERHATIKAN, melanggar akan dimoderasi: - DILARANG: 1. E-mail besar dari 200KB; 2. E-mail attachment, tawarkan di sini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://forum.rantaunet.org/showthread.php?tid=1 - Tulis Nama, Umur & Lokasi disetiap posting - Hapus footer & seluruh bagian tdk perlu dlm melakukan reply - Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/
