Bung Erizal dan para sanak sapalanta, Tarimo kasih ateh penjelasan langkok tantang strategi jangka panjang dan taktik bajangka pendek Lippo di Palembang, nan pasti akan diulanginyo di Padang. Intinyo adolah disatujui dan diagiahkannyo sagalo nan kito mintak, sudah tu dilakukannyo galeh nan sabananyo, yaitu manyebarkan agamonyo. Dalam literatur missi, kalau ambo indak salah, iko nan dinamokan ' kerasulan awam' yaitu penyebaran agamo bukan dek missi resmi, tapi dek urang kristen biaso saparati JTR tu, malalui kegiatan biaso, saparat mambuek sikola nan rancak, mall nan santiang, dan rumah sakik nan hebat. Sasudah kito takagum-kagum, barulah diajaknyo masuak kristen, mulai dari urang Islam nan indak badagok bana imannyo. Walau lambek, tapi kenyataan alah ado urang awak nan bapindah kiblat. Satahu ambo, umat Islam salain alun ado punyo doktrin ' kerasulan awam', juo indak punyo urang kayo nan punyo kemampuan strategi dakwah saroman JTR tu. Nan jaleh, tingkek kemampuan kito baru mambari reaksi kareh, nan Alhamdulillah masih sehat. Untuak jangka pendek iko akan ado manfaatnyo, paliang indak untuak samantaro mangurangi suasana cakak banyak antaro awak samo awak kalau membahas soal agamo. Jadi baa nan rancak ? Manuruik ambo pribadi, sambia mamaliharo momentum manulak taktik Lippo iko, kito susun dan kito lancarkan strategi jangka panjang buya Mohammad Natsir dalam mahadoki kegiatan RS Baptis di Bukiktinggi tahun 1970-an dek sari, yaitu manyusun kekuatan kito ka dalam dan membangun RS Yarsi, nan masih tagak sampai kini. Jadi alah ado contoh nan berhasil nan bisa kito manfaatkan. Syukur Alhamdulillah, kito alah punyo dasar-dasar strategi bajangka panjang iko, yaitu Pedoman Penghayatan dan Pengamalan ABS SBK 2010 dan Deklarasi 2013. Tingga mambuek FTTS sebagai posko utk mangoordinir pelaksanaannyo. Jadi sabananyo kito mampu manghadoki strategi bung JTR tu jo strategi pulo. Bisa atau indak, tantu tagantuang pado kondisi taktis saat iko. Di siko memang ado masalah: di antaro kito surang salain ado nan manulak, juo banyak nan mandukuang mega-project Lippo nan memang menggiurkan tu. Pejabat kito tabagi duo pulo, ado nan tetap basumangaik sarupo Walikota Padang nan punyo wewenang, dan ado nan main aman saroman Gubernur kito dari PKS tu. Kalau saroman iko taruih, dan kito alah latiah surang, iyo ka lalu nan di urang. Wassalam, SB. Sent from my BlackBerry® smartphone from Sinyal Bagus XL, Nyambung Teruuusss...!
-- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
