Ajo Suriya; Menarik juo buku Meik Saleh tu nampak-e.
1. Dek judul e "Riwajat Hidoep dan Perasaian Saja", tapi penulis-e urang kayo Piaman nan tantu jarang "marasai" hiduik-e. Ado ndak episode hiduik "marasai" dalam buku-e tu? 2. Di ma persis lokasi e rumah gadang Meik Saleh tu di pasa Piaman? Mungkin bisa jadi objek turis takah rumah Tjong A Fie di Medan. Tjong A Fie urang cino kayo di Medan jaman saisuk, kini rumah e masih ado tapancia surang di tangah bangunan lain. 3. Mancaliak sikap kompeni nan mamangan tender ka Miek Saleh, nampak-e kompeni tu cukuik fair dalam proses tender tu. Dicaliak-e sia nan jujur indak peduli dari kalangan inlander atau cino (meski pun Miek Saleh pakai trik juo untuak manunjuak-an we-e jujur). Jadi carito Miek Saleh tu nampak-e indak nampak bahaso Ulando tu batua-batua menjajah Indonesia. Barangkali batua juo sebagian analisis historian nan mangecek-an Indonesia dijajah Ulando tu bukan 350 tahun. Ado pandapek Indonesia dijajah mulai dari aturan tanam paksa diterapkan. Ado juo nan bapandapek, penjajahan Ulando secara utuh thd Indonesia dimulai sajak Aceh takluk thn 1912. Wassalam; Sy Syarien/43/Karawaci ________________________________ From: Lies Suryadi <[email protected]> To: "[email protected]" <[email protected]> Sent: Sunday, June 16, 2013 6:17 PM Subject: Bls: Bls: Bls: [R@ntau-Net] Pemko Padang Pertahankan Investasi Lippo: TADORONG GADAI KA CINO Mamak Dunil sarato Dunsanak di lapau, Cino lah lamo ado di Piaman sabalun lari abih di zaman bagolak, mungkin jauah sabalun Padang dibuek. Ambo baco dalam satu catatan perjalanan urang Ulando abaik ka-19 nan tasimpan di KITLV di Leiden, inyo maliek Cino2 di Piaman mamacik dalam bidang perdagangan. Si penulis bakisah di Piaman pedagang2 Cino antaro lain manampuang gatah. Haragonyo nyo ambiak samurah mungkin. Tapi rang awak cadiak (buruak) lo. Kecek si penulis ko: sabalun gatah dijua ka Cino, dalam bungkah2 gatah ko urang awak acok mamasuak'an luluak, jadi bareknyo batambah. Meik Saleh dalam otobiografinyo, Riwajat Hidoep dan Perasaian Saja (1914) bacarito cukuik banyak soal Cino di Piaman ko. Mereka jadi saingan Meik Saleh dalam bidang perdagangan, tarutamo dalam soal pendistribusian hasil2 bumi rantau Piaman ka darek dan entrepot2 lain di pantai barat Sumatra. Tapi Meik saleh sukses mandapek'an kepercayaan dari pejabat Ulando nan ado di Piaman. Itu pun dek aka cadiak juo. Meik Saleh bakisah, mulo2 inyo dapek kepercayaan dari pajabaik Ulando di Piaman tu katiko inyo mancarikan bareh dan bahan2 dapuan nan rancak2 untuak bini pejabaik tu. Suatu hari, kutiko nyonya pejabaik tu pai ka dapua, Meik Saleh nan sadang duduak di ruang tamu sangajo manjatuahan pitih samenggo di lantai, Baliak si nyonya ka ruang tamu, Meik Saleh mangecek: 'Ado pitih Nyonya jatuah ko ha'. Pitih samenggo nan nyo jatuahan tu nyo agiahan ka Nyonya pajabaik Ulando tu. Sajak tu Meik Saleh dapek kapicayoan dek nyonya tu jo lakinyo. Sagalo kebutuhan rumah tanggo pajabaik tu Meik saleh je lai nan mandrop. Jaleh mereka bapikia: iko urang elok dan luruih. Sajak tu, dalam satiok lelang kontrak impor ekspor barang2 nan dikelola dek Ulando, Meik Saleh manang taruih, tamasuak soal import garam dari Madura, juo monopoli penjualan minyak manih (minyak kelapa) dan lauak masiak di Piaman dan pendistribusiannyo ka daerah2 lain. Cino manggeleng2 sapik sajo dek inyo. Dg caro itulah Meik Saleh manjadi saudaga gadang Piaman salamo paroh kadua abaik ka-19. Bekas2 kakayoan e sampai kini mah masih dapek diliek di Piaman, khususnyo rumah gadang tonggak batunyo di pasa Piaman. Salam, Suryadi asa Sunua, 46 th, Leiden -- . * Posting yg berasal dari Palanta RantauNet, dipublikasikan di tempat lain wajib mencantumkan sumber: ~dari Palanta R@ntauNet~ * Isi email, menjadi tanggung jawab pengirim email. =========================================================== UNTUK DIPERHATIKAN, yang melanggar akan dimoderasi: * DILARANG: 1. Email besar dari 200KB; 2. Email attachment, tawarkan & kirim melalui jalur pribadi; 3. Email One Liner. * Anggota WAJIB mematuhi peraturan (lihat di http://goo.gl/MScz7) serta mengirimkan biodata! * Tulis Nama, Umur & Lokasi disetiap posting * Hapus footer & seluruh bagian tdk perlu dlm melakukan reply * Untuk topik/subjek baru buat email baru, tdk mereply email lama & mengganti subjeknya. =========================================================== Berhenti, bergabung kembali, mengubah konfigurasi/setting keanggotaan di: http://groups.google.com/group/RantauNet/ --- Anda menerima pesan ini karena Anda berlangganan grup "RantauNet" dari Grup Google. Untuk berhenti berlangganan dan berhenti menerima email dari grup ini, kirim email ke rantaunet+berhenti [email protected] . Untuk opsi lainnya, kunjungi https://groups.google.com/groups/opt_out.
